مجاراة لقصيدة الذاهبة لناصر القحطاني
الله اللي راد والدنيا كثيرات ٍ عقدها
انتهى عصر وبدا عصر وعلى الدنيا السكينة
غاب شاعرنا وغاب من الحياه أجمل سعدها
يوم قفى به رحيل الموت لارجعت سنينه
الحيا فيها ملل والا السعادة من وجدها
والبنادم يجتهد في الخير والمولى عوينه
من رحل صارت حياة الناس مايخلص نكدها
والفراق المر صار وهي على مثله غبينة
من يعزي خاطري بعد الأخوة مافقدها
من يعزي صبح مايشرق على الدنيا جبينه
السنين تمر والعربان ماتترك بلدها
والبلد دونك ظلام ومثلي المولى يعينه
سمرة البارح تذكرني بكم وامر وادهى
يوم نتذكر فعول الطيب تسلم لي يمينه
أنت أخوية في الحياه ومن نشد روحي نشدها
ومن نساكم ياعسى كل العمى في وسط عينه
بعد سافرتم بلا رجعة ولانعرف وعدها
سافرت روحي معاكم والفؤاد وله حنينه
وسلامتكم
آخر تعديل شباب يوم 08-01-2011 في 05:26 AM.
|