$ محاوره بين الشاعرين مساعد بن سعيد السويهري و سامي بن سعد السويهري

[foq][align=center]$ محاوره بين الشاعرين
مساعد بن سعيد السويهري و
سامي بن سعد السويهري
{ سامي }
يابن سعيد الدار فيه النار واصحاك
واصحاك لاتقرب منه خلك بعيدي
=
تقرب قريب الباب ثم تمد يمناك
يمناك ترجف وانت لك قلب حديدي
{ مساعد }
انته وش اللي غير افكار ووش جاك
غيرت علم العام بالعلم الجديدي
=
تبى تعشى الذيب والذيب تعشاك
واليا ضميت اشرب من العد العديدي
{ سامي }
انته علامك ياعميل الخير شكاك
ماجا لك الا بعض شي من قصيدي
=
انا على ظهر الذلول الله يرعاك
والموت يقرب منك مع حبل الوريدي
{ مساعد }
ياسامي انت اظن لك طمعه بدنياك
الله يبعد كل شيطان
مريدي
=
محضار ليله جابت اخبارك من اقصاك
واليوم جمعت الرسايل فالبريدي
{ سامي }
بين علاك الوقت يابوزيد يحداك
وانته شقي في الوقت والا انته سعيدي
=
واشوف في يمناك ماسك حد شلفاك
وتردها في شواك وانته ماتريدي
{ مساعد }
عز الله اني ذرف مبدي مثل مبداك
افلس رصيدك واما انا حافظ رصيدي
=
عود البشامه مايمسوك لك كما الراك
والليله انته وش تحب وش تريدي
{ سامي }
ياما من الاهوال هذا الوقت وراك
وانته تصلي يامساعد في المسيدي
=
وانا على الميعاد جالس واتحراك
وانته تواعدني وتخلف في الوعيدي
{ مساعد }
يابو سعد دور على مثلك وشرواك
ماني قميد الك ولا انته لي قميدي
=
سبحان من هو صور افكار وسواك
صلب علاك الوقت والقاض الشديدي
{ سامي }
وانته كبير السن جيتك واتحداك
وانته علاك اتكافح الفارس وحيدي
=
سبحان من هو رازقك بالخير واعطاك
واصبحت من نعمة في وقته جحيدي
{ مساعد }
الليله انا حست لك طينك على ماك
ماباقي الا جيب إلك خضر الجريدي
=
انا وش اللي جابني غير اتمساك
ماني مجنب عنك لين انك تحيدي
{ سامي }
دارة علاك إليالها ماعاد يمداك
وانا بنيت البيت بالساس الجويدي
=
من هو على صاحبك يارجال وصاك
قدام عينك وانتبه خصمك عنيدي
{ مساعد }
يابو سعد وشبك تبخرنا
بتنباك
وانا عضيدك يوم كلآ له عضيدي
=
الله عطاني ثوب طيب وانت معطاك
ثوبك مغبر والا انا ثوبي جديدي
& & & & & &
انتهت المحاوره،،،،،،[/align][/foq]