ابن الذيب وشاعر اماراتي

هالقصيدة وهي بعنوان مراقص دبي
لها قصة
كان الشاعر /محمد بن الذيب في دبي في استضافه اذاعه الامارات وكان الضيف المرافق له شاعر اماراتي يدعي /جراح وبعد الانتهاء من تسجيل البرنامج قام الشاعر الاماراتي بدعوه ابن الذيب للعشاء في احد مراقص دبي ولكن ابن الذيب رفض الدعوه لأن المكان لا يتناسب مع اخلاقياته.
بعد رفض ابن الذيب الدعوه ارسل له الشاعر الاماراتي هذه الابيات



[poem=font="Arial,5,#000000,bold,normal" bkcolor="" bkimage="backgrounds/8.gif" border="none,1," type=1 line=0 align=center use=ex num="0,"]
مرقص دبي اللّي له القلب يرتاح=حتى سلاطين الجزيره تدلّه
لاصار ما في شربة البن مصلاح=غرشه من الويسكي بفنجال دلّه
وان كان يابن الذيب منته بمزاح=فانا عقدت الحبل وانته تحلّه
هذي بداية معرفتكم بجراح=إما شربت الكاس والا فخلّه[/poem]



رد عليه ابن الذيب بقصيدة رائعة يقول فيها




[poem=font="Arial,5,#000000,bold,normal" bkcolor="" bkimage="backgrounds/8.gif" border="none,1," type=1 line=0 align=center use=ex num="0,"]
ماهوب صح الله لسانك ياجراح=يكفي من العلّه ثلاثين علّه
أنته وحكامك هل الكاس لا لاح=والا سلاطين الجزيره لا بلّه
حكام نجد اللّي ورا هضبة رماح=ضلالهم مثل الجبال المضلّه
صغيرهم يلعب بكم لعب مسباح=ويسد فاه أهل القلوب المغلّه
إن مد كف الطيب ماهوب شحاح=والى تعزوا دولةٍ مستقله
مانيب أزكيهم من جا ومن راح=يمكن يجي في صفة القوم خلّه
وان كان هرجك لي ولا انته بمزاح=يما حلا بعض الحكي في محلّه
ما نشرب إلا البن الأشقر إلى فاح=والا حليب بكار في وسط ملّه
رجل وطموحي من ورا النجم لا لاح=أكبر من اني أشتهر في المجله
يكفيني من المعرفه والتمداح=إني إلى ضاقت علي قلت : يالله
الوضع ذا مزعجني ولا نيب مرتاح=بروح واخلي لك دبي كلّه[/poem]

صح لسانه .. هيه و الله البن الأشقر .. مب الوسكي الله يكافينا شره ..
***
مشكور أخوي ..

تحياتي ... العميد ..

الله الله صح الله لسان الكنق
شاعر لا يحتاج أن نثني عليه فهو من كبار شعراء النضم

بارك الله فيك يا السمي

يازين أبيات ابن الذيب عز الله انه شاعر جزل

	حكـام نجـد اللّـي ورا هضبـة رمــاح ضـلالـهـم مـثــل الـجـبـال المـضـلّـه

الله يعطيك العافيه يابوسلمان على الموضوع الرائع

أنتـه وحكـامـك هــل الـكـاس لا لاح
والا سـلاطـيـن الـجـزيــره لا بــلّــه


هذا البيت احس انه غلط فيه

عموما القصيده ماعليها كلام

والشاعر لا يحتاج شهادة احد

شكرا يابو سلمان

السلام عليكم ورحمة الله وبركاته.
تسلم أخوي سلطان لا هنت يالغالي.
وصح لسان ابن الذيب.
إختيار رائع :

يكفيـنـي مــن المـعـرفـه والـتـمـداح
إنـي إلـى ضاقـت علـي قلـت : يالله
الوضع ذا مزعجني ولا نيب مرتـاح
بـــروح واخـلــي لـــك دبـــي كـلّــه


ننتظر جديدك ويارب يسعدك ..

ماشاء الله عليه ، صح الله لسانه
والله يعطيه العافية على صراحته
ومبادئة العربية الأصيلة .
ومشكور أخوي سلطان على هذا النقل المميز
والله يعطيك العافية .

العميد + ذيب الفيافي +هذلي نجد + هذلي والفخر لي + مشعل الهذلي+ أبوحمدان

مشكورين على مروركم جميعاً

والله يعطيكم العافية

يعطيك العافيه أخوي سلطان


قصيده ممتازه


وبيض الله وجهك على النقل


لكن أشك إنها لأبن الذيب ( محمد بن راشد العجمي )


يمكن تكون لواحد ثاني متسمي بنفس المسمى .. والله أعلم .

أخوي هشام

ممكن كل شئ جائز

وشاكر لكـ مروركـ