قصيدة الشاعر ابراهيم السفياني ((درة ماقيل في مدح هذيل))

(( درةماقيل في مدح قبيلة هذيل بالنسبة لي طبعاً))


بعون الله وتوفيقة نعود للتواصل في هذا المنتدي الشامخ تقديراً للرجال اللي فيهم خيرواكرمونا وقدرونا ولهم ومن أجلهم

نظمت هذة القصيدة التي أسميتها (( درة ماقيل في مدح قبيلة هذيل )) والتي نتمنى ان تجملنا مع ارحامنا وحدادتنا

قبيلة هذيل والمعذرة على القصور والكمال لله 0000000000محبكم الشاعر ابراهيم السفياني


[poem=font="arabic transparent,5,black,bold,normal" bkcolor="white" bkimage="" border="double,2,darkred" type=0 line=1 align=center use=sp] (( درة ماقيل في مدح قبيلة هذيل))

الا ياهاجسي حث الركاب ودربنا ممدود = نبى نسري على قاف القصيد وربنا والي

علىّ اثني القلم وأكتب وحبر المحبرة ماجود = وأبيك إنك تجود من الدرر ياطّيب الفالي

الا ياهاجسي ماأخبرك هاجس تعرف المنقود = ولا انته من هواجيسٍ على الأجواد تحتالي

نبى جزل الكلام اللي يجمل والرجال شهود = يجملنا مع أهل المعرفة في كل الأحوالي

قصيدة من عّصاميا عفيف ولا يحب الزود = يكود الزود في مدح الرجال اللي على بالي

هذيل أهل الوفاء زبن الدخيل ونجدة المضهود = ليا منه نصاها طالب الفزعات مهتالي

هذيل أهل المواقف والوغى لاحك عوداً عود = تقود الغزوة اللي عقبّت فى الأرض زلزالي

تحوز النصر من ماضي الزمان وسيّفها مجرود = وحاضرها رقى ذروة سنام وحظها عالي

بيارق ماتطيح وتكسر العدوان والنمرود = رجالاً ماتهاب الموت رجلّية وخيالي

هذيل أهل المكارم والقيّم والمعرفة والفود = مصابيح الدجى يوم الجهل والوقت ميالي

هذيل إمّا رجل شاعر خصيم ويبذل المجهود = وراعي عرف ماتأخذ له الشعّار مثقالي

هذيل إمّا رجل رامي بحمر تكسي العبرود = رصاصتها يطيح بها الهدف ماعنه محوالي

هذيل إمّا رجل سبّاق للعليا بدون قيود = زبون الآوله في مقدم الفرسان خيّالي

صحابه في الإصابة بن عويم وعمرو والمسعود = معن بن مرحلة000سفيان والتاريخ متوالي

قبيلة يحكي التاريخ عنها والزمان عقود = وتضرب لجلها الأمثال بين رجال الأمثالي

قبيلة من مضّر درع الحجاز وعسكر البارود = رعاة العهد وحماة العقيدة وأهل الأفعالي

قبيلة تلبس أكفان الشهادة والله المعبود = تقوم بواجب الدين الحنيف وترخص الغالي

تذود عن الوطن وليا دعى الداعي تجييك جنود = تدوس الحيّة اللي سمها بحنوكها كالي

تعّرف الوجه الأبيض في الرجال من الوجيه السود = وكلاً حسب مداته تكيّله بمكيالي

عليها ماتطوف هروج من حاقد ولا نمرود = ولا تحسب حساب مروّج الفتنة ودجالي

عسى ربي يعز اللي ليا زاد الخصيم يزود = جملها لاهدر جنّب طريقه كل جمالي

ابو راكان وشيوخ القبائل فعلهم محمود = قضاة العرف مايضحك عليها كل محتالي

تحت فنجال ذوب من العسل فنجال سم كبود = تمّده للذي مايعرف القادي بفنجالي

حلاحيل الشيوخ اللي تّصدر حجة المقرود = تصدر حجتة في المجلس المربوع طوالي

شيوخ هذيل في نقض الخِصم ترسي سوات الطود = طمعهم ياوسّاع العرف ماهو روس الأموالي

طمعهم في الجميلة والنقاء والمذهب المجرود = تحت ظل الزعيم الفيصلي ومزّبن الجالي

ابو متعب ملكنا راعي العوجاء من آل سعود = وآنا عهدي لهم لازال في حلي وترحالي

ولا يالايمي ويش يأخذ الحاسد من العنقود = ليا من كان عالي قال لك ماهو عنب حالي

ولا يا لايمي ماني بلا مكرة ولا محدود = انا احب الرجال اللي تقّدر كل رجّالــــــــــــي

ولا يا لايمي طبع الوفاء فيني قوي عضود = أوفّي للرجال اهل الوفاء وأحشّم سبالي

يغّر الناشي اللي قاصراً فهمة عن المقصود = عن جزال الكلام وكل مفهومة على بالي

لو إني لازعيم ولا وكيل آدم ولا راصود = أعّرف اللي عليّ ولي وقول الطيب يحلا لي

وأنا ربعي ثقيف أهل السيّر والبيرق المعهود = بيارق جيشنا طافت بلاد السند من تالي

رجاجيل الحمّية والّنقاء وأهل الكرم والجود = دهاة من الدهاة اللي تمّيز كل مدهالي

كلاماً الصدق عدّيتة عليه من الثبوت بنود = وفاء لهذيل والهذلان ذاعمي وذا خالي

ولا يا لايمي بالهون لا جاحد ولامجحود = حقايق مثبتة والصدق في مقفايّ وإقبالي

أنا بمدح هذيل وطيب معنانا من الماجود = ماهي بمجاملة لو كان يزعل بعض عزاّلي

أنا سميّتها درّة وأسجّلها برقم الكود = في مدح هذيل من هاجوس شعري يابعد حالي

وأنا لو قلت أحب هذيل والله يالنشامى زود = أحب هذيل من يقدر يعارصني في موالي

وصلوا عدّ ذعذاع النسيم وفوح ريح العود على الهادي محمد ما تعاقب بدر وهلالي


أخوكم الشاعر/ ابراهيم السفياني[/poem]

آمل ان ترووووووووق هذه الدرة لجميع أعضاء منتدانا الغالي وجميع شعراء قبيلة هذيل وكل راعي عرف وطيب ورجل وافي وشهم من حدادتنا وأرحامنا هذيل وكل اخ نحبه في الله ونجله ونقدره واعذرونا يالغالين على القصور
أخوكم ومحبكم الشاعر / ابراهيم السفياني

طيب الهقوات 000ابو الوافي

وعليكم السلام ورحمة الله وبركاته

وصلى الله وسلم على حبيبنا ونبينا محمد

صح لسانك .. مدد بلا عدد طيب الهقوات

أشهد بالله وافية ياأبو الوافي بيض الله وجهك بياض

يريع ويبدي كل ريع

والنعم والست أنعام بك وبثقيف

للأمانة تستحق التقييم

تقبل مروري طال عمرك علي الخير

ودمت كما تحب

عز الله إنك وافي يابو الوافي ياطيب الهقوات
بيض الله وجهك مدد بلا عدد وصح لسانك ولاعليكم زود
والله إنك والنعم وكفو لكل العلوم الغانمة يابو الوافي
لايمكن أن يلحقنا شك فيك يوماً يابو وافي والرجال الغانمة اللي مثلك
مكانها فوق الراس والعين .


أتمنى من مشرف القسم تثبيت هذه الدرة النفيسة والهدية القيمة
فالغالي دائماً هديته غاليه ويجب أن تحفظ في مكان أمين ومناسب

هلا وغلا ومرحبا رحبا مسلسل واحلى من العسل
باخونا ابراهيم السفيا ني حيا الله ابو الوافي
صح لسانك وعلا شانك وسلم بنانك وكل كيانك قصيده في منتهى الروعه انتم اهل الوفا ء وهذيل وافيه وتستاهل الوفاء
وونعم ثم ونعم ثم ونعم في ثقيف عامه وبني سفيان خاصه ولا عليكم زود ياابراهيم
دمت مبدعا وللا بداع والى الامام
تقبل مروري وتقديري

	المشاركة الأصلية كتبت بواسطة سلطان هذيل

	وعليكم السلام ورحمة الله وبركاته وصلى الله وسلم على حبيبنا ونبينا محمد صح لسانك .. مدد بلا عدد طيب الهقوات أشهد بالله وافية ياأبو الوافي بيض الله وجهك بياض يريع ويبدي كل ريع والنعم والست أنعام بك وبثقيف للأمانة تستحق التقييم تقبل مروري طال عمرك علي الخير ودمت كما تحب

وانا أشهد أخوي سلطان هذيل انكم أوفياء

وتستاهلون الطيب والتقدير

وتحرزون المدح
كاسبين الطيب واهل الجود والمذهب المعمور

هذيل ماذا لعل الشاعر وقلمة ان يكتب في مدح هذيل

مهما كتب من قصائد فتظل هذيل العز والتاريخ والمجد الذي يتوارثه الأجيال

تقبل تقديري وهديتي المتواضعة

اخوك ابو الوافي

	المشاركة الأصلية كتبت بواسطة أبو حمدان

	عز الله إنك وافي يابو الوافي ياطيب الهقوات بيض الله وجهك مدد بلا عدد وصح لسانك ولاعليكم زود والله إنك والنعم وكفو لكل العلوم الغانمة يابو الوافي لايمكن أن يلحقنا شك فيك يوماً يابو وافي والرجال الغانمة اللي مثلك مكانها فوق الراس والعين . أتمنى من مشرف القسم تثبيت هذه الدرة النفيسة والهدية القيمة فالغالي دائماً هديته غاليه ويجب أن تحفظ في مكان أمين ومناسب

شيخنا وإستاذنا الكبير الشيخ ابو حمدان

سلامي وتقديري ومودتي لكم جميعاً

مرورك اسعدني وكلامك وثنائك وسام على صدري

اشكرك على المرور وأشكر الإخوان على التقييم وأتمنى التثبيت

لهذه القصيدة وليدة الساعة والتي لم يتجاوز عمرها الخمس ساعات

تستاهلمون استاذي وشيخي ابو حمدان الطيب وهذيل تحرز كل هذا

تقبل تقديري وإحترامي

محبكم ابو الوافي

وعليكم السلام ورحمة الله وبركاته

صح لسانك ياأبو وافي ..........جزلة ووافية من راس وافي

ووالله لو كنت شاعراً لتشرفت بمجاراتها

وماعليك زود طال عمرك ................والفين نعم والله بثقيف كاااااااااااااااااافة

أستأذن مشرف القسم بتثبيت القصيدة .

اللهم صل على سيدنا محمد ، ما شاء الله تبارك الله ، وافية من رأس وافي ، صح لسانك وعلى شأنك ،

وما عليكم زود يا أرحامنا ، وكل قبيلة فيها حقها من رجالها ، وأنت إن شاء الله من الرجال الغانمة

إللي يشرفون قبيلتهم العريقة أينما حل ؛ بسعة صدره ، وأريحيته ، والنظر إلى معالي الأمور ، والابتعاد عن سفسافها ..

ويعلم الله إننا نبادلك هذه المشاعر الجياشة ، ونفرح بوجودك بيننا وبمشاركاتك القيمة ،

وستظل بيننا معززا مبجلا ؛ ملء سمعنا وبصرنا ،

	المشاركة الأصلية كتبت بواسطة عبيدالله المجيريشي

	هلا وغلا ومرحبا رحبا مسلسل واحلى من العسل باخونا ابراهيم السفيا ني حيا الله ابو الوافي صح لسانك وعلا شانك وسلم بنانك وكل كيانك قصيده في منتهى الروعه انتم اهل الوفا ء وهذيل وافيه وتستاهل الوفاء وونعم ثم ونعم ثم ونعم في ثقيف عامه وبني سفيان خاصه ولا عليكم زود ياابراهيم دمت مبدعا وللا بداع والى الامام تقبل مروري وتقديري

تسلم تسلم يابو سامي

وبيض الله وجهك وعلا شانك

عطرت متصفحي بمرورك الجميل

شهادتك اعتز بها وهي وسام على صدري

وهذيل تحرز المدح وتستاهل الطيب

اشكرك وعلى التواصل البناء الهادف وأقدر مرورك وثنائك يالغالي

عساك على القوة وفالك التوفيق عزيزي

تقبل تقديري

محبك ابو الوافي

وعليكم السلام ورحمة الله وبركاته

دره فعلا كما اسميتها ليس لأنا في مدح هذيل ولكن كلمات القصيده وطريقة بنائها وصاحبها تجعلها فعلا دره

بيض الله وجهك وصح لسانك وعلا شانك ما قصرت ياراعي الوفى قصيده تبيض وجه راعيها

والنعم بك وبربعك السفايين خاصه وثقيف عامه

	وأنا ربعي ثقيف أهل السيّر والبيرق المعهود بيارق جيشنا طافت بلاد السند من تالي

والله ونعم والف ونعم بالمادح والممدوح
قصيده رائعه من شاعر رائع
تشرفت بالاطلاع عليها

اخوك

	المشاركة الأصلية كتبت بواسطة فـتى هذيل

	وعليكم السلام ورحمة الله وبركاته صح لسانك ياأبو وافي ..........جزلة ووافية من راس وافي ووالله لو كنت شاعراً لتشرفت بمجاراتها وماعليك زود طال عمرك ................والفين نعم والله بثقيف كاااااااااااااااااافة أستأذن مشرف القسم بتثبيت القصيدة .

صح بدنك اخوي ابو شموخ


اسعدتني بمرورك وأنرت متصفح القصيدة بالطلة الميمونة

ابو شموخ يعجز اللسان والقلم والقصائد عن مقدار حبي وإجلالي لكم

ولكن لعل القلوب على قول المثل شواهد

تستاهل قبيلة هذيل المدح وهم يحرزونه وتستاهل وقفة أحترام وإكبار

لشيوخها وغرامتها وشعرائها

آمل ان تتقبل تقديري

محبكم ابو الوافي

	المشاركة الأصلية كتبت بواسطة الفارس حزين الطلعة

	اللهم صل على سيدنا محمد ، ما شاء الله تبارك الله ، وافية من رأس وافي ، صح لسانك وعلى شأنك ، وما عليكم زود يا أرحامنا ، وكل قبيلة فيها حقها من رجالها ، وأنت إن شاء الله من الرجال الغانمة إللي يشرفون قبيلتهم العريقة أينما حل ؛ بسعة صدره ، وأريحيته ، والنظر إلى معالي الأمور ، والابتعاد عن سفسافها .. ويعلم الله إننا نبادلك هذه المشاعر الجياشة ، ونفرح بوجودك بيننا وبمشاركاتك القيمة ، وستظل بيننا معززا مبجلا ؛ ملء سمعنا وبصرنا ،

وأخيراً ترجل الفارس وأبهج قلبي بمرورة العطر المبارك

اخي الفارس تلقيت مرورك بمزيدمن الفرح والسرور لاسيّما انه مرور من ناقد وأديب

يشرفنا الإستماع لطرحة وقولة

أخي وعزيزي حامد هذيل تستاهل منا كشعراء معلقات وليس قصائد

جادت قريحتي بهذه القصيدة المتواضعة في حبكم

وآمل ان تتقبلوا ذلك بكل اريحية

محبكم ابو الوافي

	المشاركة الأصلية كتبت بواسطة خالد الياسي

	وعليكم السلام ورحمة الله وبركاته دره فعلا كما اسميتها ليس لأنا في مدح هذيل ولكن كلمات القصيده وطريقة بنائها وصاحبها تجعلها فعلا دره بيض الله وجهك وصح لسانك وعلا شانك ما قصرت ياراعي الوفى قصيده تبيض وجه راعيها والنعم بك وبربعك السفايين خاصه وثقيف عامه

اخي خالد تسلم على هذا المرور الجميل

وافي يشهدالله وافي ياخالد

ابهج خاطري مرورك وسرني ماكتبت

وترى هذيل عزوة تحرز المدح وتستاهل الطيب

وماكتبناه من محبتنا لهذه القبيلة

تقبل تقديري

محبك ابو الوافي