انشدك عن شيء تبوسه - ::{ مجالس قبيلة هذيل }:: موقع يهتم بتراث القبيلة ومفاخرها

06-29-2011, 10:35 PM

بسم الله الرحمن الرحيم

قصيدة انشدك عن شيء تبوسه

انشدك عن شيء تبوسه
ولاغلق برجلك تدوسه
وتقول ياغبني يافلوسه
وتكررالغلطات ثاني
مواحسن لو حفظت مالك
وصرفتها على عيالك
وما كان شوهلك جمالك
ياليت تعقل يافلاني
مثل نيص ريحتك رمه
مايقعدون الناس يمه
يوووه يمخبث ريح فمه
ولو اكل هيل وزعفراني
والشيشه هي ام البلاوي
توديك جلسات القهاوي
ومضيعه فيك الهقاوي
لاتقول هذا الشان شاني
وتطرحك مابين الكراسي
ويغشى على عيونك عماسي
وتصيح بين الناس راسي
وتقول مادري ويش جاني
يشيلونك يم البيت طايح
وعيالك من حولك تصايح
والجارقال وش ذي الفضائح
يمكن شرب له شي ثاني
نادوا على كل الجماعه
ودوك للصحه بساعه
عملوا تحاليل واشاعه
قال مسكين من قلبه يعاني
وراك ماتحكم ضميرك
وتعتبر بناس غيرك
قدام لاتحصل مصيرك
وتدلي بنفسك للهواني
الله منحنا عقل راشد
نستخدمه عند الشدائد
تكفون يعيال الأماجد
خلوه يغرق في المواني
ياجعل منهم يجلبونه
للناس تقلع عيونه
وحتى عياله يكرهونه
مجرم وعلى الناس جاني
والله الهادي سواء السبيل
وسلامتكم

06-29-2011, 10:43 PM

نسال الله السلامه..
والله يخارجنا..
.
.
بن ثمير صح لسانكـ..
وشكرا على النصيحه..
.
.
احترامي

06-29-2011, 10:45 PM

الله يهدي كل مسلم

ون راد حتى بوش يسلم

تسلم يبن ثمير تسلم

فيصل ترى له قول ثاني

صح لسانك يابو فيصل

06-29-2011, 11:15 PM

الله بسلمك يابو مساعد ويصح بدنك انت والمشاهدين والدين النصيحه والله يهدي المدخنيين والمشيشين
يتركون هذا السم القاتل0

06-29-2011, 11:24 PM

فيصل يقول العقل زينه

لهل القلوب إلي فطينه

إلي تدور للسمينه

من قاصي البيدا وداني

صح لسانك يابو فيصل

06-29-2011, 11:39 PM

يامرحبا انصح وعلم
يابو جهاد انته معلم
بالموعضه لازم تكلم
لأخوان وربع وعواني
والله يصح بدنك يارزق الله ويحفضك الله ياالزميل

06-29-2011, 11:51 PM

ماعندنا شيا ندسه

والمندرق محد يعسه

ولوظهر للناس حسه

بالزور ماينطق لساني

صح لسانك يابو فيصل

وتصبح على خير

06-30-2011, 12:04 AM

ياشاعر ابياتك رزينه
وعلى الهدى ربي يعينه
والمسعد الي حفظ دينه
يقرا ولا يسمع اغاني
والله يصح لسانك يابو جهاد

06-30-2011, 07:37 AM

صباح الخير يابن ثمير

......................

أحمد إلة الكون دايم

ماقط خاويت الهلايم

دايم عن الهفوات شايم

أقولها ونا الزيداني

صح لسانك يابو فيصل

06-30-2011, 01:56 PM

مساء الخير يابن ثمير

وان جات زله من هفيه

أكويه في علباه كيه

وان قال ياربعي الحميه

والله لادوسه بإمتعاني

صح لسانك يابو فيصل

06-30-2011, 05:26 PM

8ذي عوايد كل عاقل
رجال يسعى للجمائل
ويحل صعبات المسائل
يقولها اخوك اللحياني
والله يصح لسانك

06-30-2011, 05:35 PM

ابغى ارتجز معك واغني

مدام ذا فنك وفنــــــــــــي

يارزق خذ العلم عني

شاعر وعنك العلم جاني

06-30-2011, 11:37 PM

صــ لسانك ــح وسلمت

قصيده جزله ونصيحه اسال الله ان ينفع بها قارئها

جزيت خير الجزاء اخي بن ثمير

صح لسان الشاعر المتألق رزق الله

اطيب التحايااااا

07-01-2011, 12:08 AM

هذي يااخي الكريم ارجوزة وليست رجز
لان اوتاد الارجوزة في البطحا واوتاد الرجز في الصفا
وسبب في الارجوزة قمزة عجوزة وسبب في الرجز طراد ولزز
شكرالك [/color]
صح لسانك

07-01-2011, 02:08 AM


	المشاركة الأصلية كتبت بواسطة بن ثمير اللحياني


	ابغى ارتجز معك واغني مدام ذا فنك وفنــــــــــــي يارزق خذ العلم عني شاعر وعنك العلم جاني


	ياشاعر ابياتك رزينه وعلى الهدى ربي يعينه والمسعد الي حفظ دينه يقرا ولا يسمع اغاني والله يصح لسانك يابو جهاد

أما الرجز فنا براجز

واما الغنا ففيه عاجز

حرام قالوا ماهو جايز

وشبك في نصحك شقلباني

هههههههههههه

صح لسانك يابو فيصل