محاوره بين عبدالله المسعودي رحمه الله و السواط

[grade="00008B 00008B 00008B 00008B 00008B"]هذه محاوره للشاعرين عبدالله المسعودي الرائع ( رحمه الله ) والشاعر جارالله السوط



الــــمــــســــعــــودي
ياسـلام الله عليكـم وانـا لـي اقتـراح
واقتراحي نقطع القـاف بالقـاف الجديـد
صاحبي خايف وينصا المصيّح بالصيـاح
يغتـري ويصيـح والله يفعـل مايـريـد
الـــــــــســـــــــواط
ياهـلا يامرحبـا والشقـاوي مااستـراح
مير خلك منتبـه واكتـم السـر البعيـد
صاحبك غدار عابي لـك السـم الذحـاح
والخطر فالدرب والموت في حبل الوريد
الــــمــــســــعــــودي
مابغيت ارميك يالصقـر خفـاق الجنـاح
والزمان ايبس عروق الشجر وافنا الحديد
ودي اعرف طرقتك فالمجـي وفالمـراح
وانت لاتنقـص دقيقـه ولاعنهـا تزيـد
الـــــــــســـــــــواط
مانت راميني ولاش لك في هذي صـلاح
وان رميت تطيح رميتك في جوف الصعيد
جيت ابقضي لي غرض لاتلجلج بالصياح
لاتسـوي يالهذيلـي كمـا شيـخ العبيـد
الــــمــــســــعــــودي
قالوا زبيده مليحه ومـن طيـب المـلاح
مير يلمع دونها سيـف هـارون الرشيـد
أنت لك عيـن ليـا شافـت البـراق لاح
شلت عفشك تحسب انك تبا تصبح سعيـد
الـــــــــســـــــــواط
ياجمـل نبغـى نبـرّك فالحـزم البـراح
ماتخلص يا جملنا مـن البـاس الشديـد
مير با سايلك لن جا خبـر والبـراق لاح
وش تسوي في مواشيك ياعبـد الحميـد
الــــمــــســــعــــودي
والجمل مثل الجبـل ماتواتيـه الرمـاح
رمحته ترديك وهوه سـرى يربـد ربيـد
من تمرغ فوق جنبـه نـوى بالانسـداح
وانت يافرحان تفـرح بغيـر ايـام عيـد
الـــــــــســـــــــواط
الجمل هريان دون المراحل طـاح طـاح
وان توفـى نعـزم الباديـه علـم وكيـد
الدكاتـر فالجزيـره يـداوون الجـراح
تعرف العله ليا بـان فالجسـم الصديـد
الــــمــــســــعــــودي
بندق الحناش ماعمرهـا صابـت نجـاح
صابت الحناش واخطتك يالضبي الفريـد
يامداوي من يداويك من هذي الجـراج؟؟
من ينوش التمر لابـده ينـوش الجريـد
الـــــــــســـــــــواط
بندق الحناش يالخصم من عـز السـلاح
صابت الاهداف الذيـب يتعشـى الهريـد
وش تسوي بعد جات المصيبه فالمـراح؟
وان كتبت الخط مايوصلـه راع البريـد
الــــمــــســــعــــودي
وانت لو راعي رباحات قالـوا ياربـاح
كل مازلت سنه وانت في درسـك بليـد
المراجل في يديـن الرياجيـل الشحـاح
وانـت يافقـران بـردان كنـك فالجليـد[/grade]