انا ليا شفت الغشيم الجاهل ... لشاعر مطر الدعدي

انا ليا شفت الغشيم الجاهل.

..اصد عنه ولاحسبت احسابه

لاهمني علمه ولا ابغا شوره.

وان جاب علم اقول ويش ابغابه..

الجاهل اللي مايورد حجه

لاسد باب ولايغلق جابه...

بعض الرجال اتقول ياوجه الله..

لي جاك يفتل لك فروس اشنابه..

وليا عرفت اقصاه يضهر عيبه..

اللي منول ساترته اثيابه..

يجيب علما مايبيض وجهه...

ليته سكت عند العرب ماجابه..

علي جوابه تنقد النقاده ..

مايعرف الوصطا من السبابه..

هذاك مالي به لزوم وحاجه..

مادام ماترضى به الطلابه..

انا قبيلي في الرجال الوافي..

اللي سوات الحر في مرقابه..

واناقبيلي في الرجال العاقل..

اللي مدورت السنع ترضابه..

اما اقنعه بالراي والا اقنعني...

وروح مابقي عليه طلابه..

القلب صافي والنوايا مثله..

يوم الردي يشتالها لصحابه..

وانا رفيقي مانقصر من دونه..

ابدي بصف وحرب الحرابه..

وانا قطيري ما تجيه الزله..

حتي تقفي في الطريق ركابه.

والجار لابده يشد رحاله..

اليا تذكر ديرته وقرابه

والضيف لي جاني لقي ماجوبه..

والرزق عند اللي وسيعا بابه.

وشره علي اللي مايكرم ضيفه..

ون كان جاه الضيف ما حيابه..

ماقلتها من شان ابمدح نفسي..

هذي سلوم اللي عريب انسابه...

عاداتنا يوم الزمان القاسي..

يوم المراجل في نحور ذيابه.

والمجد حيد عسر لي وصفته..

حيد ردي الخال مايرقابه..

ماكل من هاز المراقي يرقى

يكود حرا يشبعه مخلابه

يوم الفعايل ينذكر بفعوله..
وهل الفعول الماضيات تهابه..

كم واحدا لوغاب ذكره باقي...

عن طيب فعله تكتب الكتابه..

يوم ان بعض الناس حي وميت..
تراه ما يسوا جناح ذبابه.

وليا بغيت العلم عند مجرب..

وترك قليل العرف لاتبلابه

هذي نصيحه للذي يقبلها ..

يختم بها الشاعر كلاما جابه


مطر الدعدي

صح لسان الشاعر مطر ولاهنت

ولاتهون ياراك

شرفني مرورك

مطر الدعدي شاعر ويغرف من بحر ، بيض الله وجهك يابن عادي على اجتهادك في تسليط الضوء وانتقاءك للشعر الحر الأصيل

سلمت يابوعبيد
وصح لسان الشاعر الكبير مطر الدعدي
قصيدة جزلة وأسلوب فريد ومبدع