نبذة جميلة عن شعر مطلق

مــــــطــــــلـــــــق

الي وزعه مع الشعار ياليل الطرب محـلاك
نجومك مشرقه واشوفهـا فالعـرش سباحـه
ياعبدالله تهرج كـان دنيـا الملعبـه دنيـاك
انا وانته على درب العرب والمشي بالراحـه

الــــمــــســــعـــــودي
الا ياشاعر ماجابنـي مـن ديرتـي لـولاك
كما دار المصيف اللي نضج خوخه وتفاحـه
ظروف الوفت تبعدني وتدنيني بدون رضاك
لكن الذيب بانيابه فـزع والصقـر بجناحـه

مــــــطــــــلـــــــق
عسى نو العشيّة ياعرب يسقى عروق الـراك
ولايسقى الذي ضوى المعز والضين فمراحه
نحب اللي يحبك مير مانشنا الـذي يشنـاك
كمنك شايلٍ لـك عكـه بالسمـن نضاحـه

الــــمــــســــعـــــودي
اخذ مال الافندي واكفت المفتاح في مخبـاك
ترا مذبحكم ليـن الافنـدي جـارد سلاحـه
تقوله وانت لازم خرشة الباكور في يمنـاك
تبا تطرح به اللي بين شعب رهاط والباحـه

مــــــطــــــلـــــــق
انا داري بأنك ماتجي إلا ّ على طرياك
وأظن البيت تلعب لي بقفله وإلا ّ مفتاحه

معي باكور اهزه وانهمه واقربـه واربـاك
وانا باجبدك بعد الناس قالوا طاحتك طاحـه

الــــمــــســــعـــــودي
نصيب اخوانك اكبر منك هذا مايلاقـي ذاك
لكن اليا تعرضت المديد ارضـوك بفراحـه
لكنك ياثبيتي متـر فراشـك ومـد خطـاك
ترى بدو الشعابه حضر والحضران فلاحـه

مــــــطــــــلـــــــق
بابو حنا تجوز الناس من غمرك ومن حناك
وبدريه تصيح فوق وصـل الله ومصلاحـه
مواصير العمـاره نقطـت يبغالهـا سبـاك
ولا ياليتهـا بيـر ٍعليهـا الدلـو ميـاحـه

الــــمــــســــعـــــودي
اقيس يالمغني مايجيب القـوم غيـر غنـاك
ولو تدرق يدينك عارفينك ياحمـر الراحـه
انا اشوفك تحب الموت مير الموت مايبغـاك
اقيس لك نصيب ولك بخت وقرون نطاحـه

مــــــطــــــلـــــــق
وياليت الذي داوا الجبرتي من عصـر داواك
طبيب القلب يزرع قلب والاجراح جراحـه
ذبحك البرد وقت البـرد لكـن الدفـا دفـاك
تفرش مشلحك حتى تلحـف لـك بطراحـه

الــــمــــســــعـــــودي
انا خابرك ماعمرك ضبطت العافيه يمنـاك
لكن اللي يضيع راس مالـه ضيـع ارباحـه






مــــــطــــــلـــــــق
سلامي على اهل الحلة اللي لها شان ٍ رفيـع
=وحنّا نجيها فـي ليـال الوعـد وانرودهـا
ليا جيت في سوق التجارة نويت اشري وابيع
ورثنا حياض العز من يوم جـات اورودهـا

المسعودي
هلا مرحبا ترحيب يضفي على روس الجميع
سوات الدوى لقلوب بعض العرب واكبودهـا
أقول السوالف وارده كل ضلع وكـل ريـع
عيال الحلال اليـا محـل الحيـاة اتقودهـا

مــــــطــــــلـــــــق
بغيتك تسافـر يـمّ لنـدن شتـا والا ربيـع
وخابرك ما تسلى جبال ٍ تصيـح اقرودهـا
ترى اللي سواتك يطعم العلـم لابـده يطيـع
ليا جات هرجتها تسـاوت علـى بارودهـا

المسعودي

له أيام والكبسون تقرع علـى جنبـه قريـع
يبا يستحلّ ابـلاد صنعـا بكثـر ازيودهـا
أنا عارف انّ السمـن طيـب ولكنـه يميـع
يدين ٍ تغمّس فيـه بيسيـل فـوق ازنودهـا

مــــــطــــــلـــــــق
يضيع العمى واللي عيونه سليمة ما يضيـع
ولا ينقل اللي في نحرهـا نشـب عبرودهـا
وانا ما جبرت اللي تدرّق ورى سدّ الوشيـع
ألفّ الجنـازة فـي كفنهـا وارزّ الحودهـا

المسعودي
من اللي تدوّر للّبن بعد شهر امـن الضريـع
وش اللي يصيده بعد يوزي فمه في اديودهـا
ترى المقبرة حمرا وغبرا وحلـم الله وسيـع
عسى تشرب الشجرة وتحيا ويثمـر عودهـا

مــــــطــــــلـــــــق
لو انّك تغمض نصف ساعة يسبّعك السبيـع
وتخدمك ضبـاط السريّـة بكثـر اجنودهـا
لكنّـك تعلمـت اللكاعـة وسمّـوك اللكيـع
تبا الشيخ يقبل دعوة ٍ مـا لقيـت اشهودهـا

المسعودي
بعَض قوم لا تصنع ولا تعترف بأمر الصنيع
=عرب غافلة تقرع على القافلـة باشنودهـا
ولا يا معلّم خيـر منتـه متيـن ولا رفيـع
تبا تبلغ الخنقة وتوبـة مـا عـاد اتعودهـا















مــــــطــــــلـــــــق

سـرى الليـل وآباكلّـف القـاف تكلـيـف
تـرى القـاف مـا كـل ٍ بفكـره يحوفـه
ورحلـة شتانـا عـوّدتْ رحلـة الصيـف
وانا آشـوف ابـو سفيـان حـرّش كفوفـه

المسعودي
ليا جـو هـل الطيّـب رجـال المعاريـف
دروب الرجـال اهـل الجميـل امعـروفـه
ليا صرت ميت ما احسن المـوت بالسيـف
تيسّـر ومـا يكتـب لــك الله تشـوفـه

مــــــطــــــلـــــــق
يقولـون راعـي مصـر عنـده تصانيـف
ليا ما حضـر فـي اللعـب قـوّم صفوفـه
ومن هو يصلـي فـي صلاتـه غطاريـف
صـلاة المنافـق مـا عليـهـا حسـوفـه
المسعودي

تشوفون نصّ الدرب يـا أهـل الكشاشيـف
وفالنـص الآخـر شوكتـيـن امعكـوفـه
وحنا ليـا جـا عندنـا الطرقـي الضيـف
نعشيـه واحنـا مــا فتشـنـا ظـروفـه

مــــــطــــــلـــــــق
تحومـون فـوق الـزاد مثـل الخطاطيـف
وكـل ٍ عيونـه نابـتـة فــي كتـوفـه
عسـى الله يكافيكـم سـهـوم الصـواديـف
يـا هـل موتـر ٍ مانـي مصنفـر بلوفـه

المسعويد
تنـادي تنـادي وانـت مشتـاق للكـيـف
وابو صوف عيّـا ينشـف المـا بصوفـه
ليـا كـان ودّك فانـت رجّـال حـرّيـف
كمـا الناعـم اللـي مـا يخلّـي حفـوفـه

ماني باجيب الفصاحه غير عند الفصيح
امشي مع الناس واعطيها قوانينها
ام الصفا والصفيح اللي من اول تصيح
راحت على موت ابوها حنت ايدينها
مطلق
بعض المعاني تعنيني وانا مستريح
وام الموازين لاتصغي موازينها
قلب بنعمه وقلب من زمانه جريح
قبل امس تقسي وهذا اليوم يالينها
المسعودي

انا على مرقب عالي بديت استضيح
وان ام عامر تهز انصاب سكينها
الهجرة اللي يامطلق جات تنقح نقيح
ايعيش نمرودها ويموت مسكينها
مطلق
يازند ياللي على الايام تقدح قديح
ليالك السود ماترقد شياطينها
اشوف لي شيخ في نعشه وكفه شحيح
حتى الاوادم مشارك في دكاكينها
المسعودي
اشوف قربة عقيد القوم تنضح نضيح
والثوب الابيض تفرق بينه وبينها
ابليس لو جرها يمكن عراها تطيح
وابليس شريان من ماها ومن طينها
مطلق
النار من تحت قدرك مار عيا يفيح
خلا العرب للعشا تدني مواعينها
يقلون باب يجي ياصاحبي منه ريح
سده وتسلم من الدنيا ومن دينها
المسعودي
ولد الهوى يوم غنى لام خد مليح
ما احد يلومه وهو مفتون في زينها
الذيب ماهو عشا لام اللبن والتليح
ان شافت الذيب الاشهب دنهرت عينها
مطلق
ولد الهو مبتلش فام الصفا والصفيح
اللي لياشافته رفت كراعينها
ام الكباير على الاجواد تضبح ضبيح
والسوس من ظهرها واصل ضلاعينها
المسعودي
قمرية الفن الاخضر ملحها مايميح
الحب في حلقها ماياصل ابطينها
ان كان ابا امدحك ماينفعك كثر المديح
ان كان ماجبت للقصه براهينها

الــــمــــســــعـــــودي

نهاية يوم ذي الحجه بداية يوم مـن عاشـور
هـلا يامرحبـا والمملكـه باحلـى لياليهـا
انا ماهمني فالوقـت لا مطلـق ولا مستـور
مركبها علـى قمـة جبـل وتهـز رجليهـا


مــــــطــــــلـــــــق
انا اشوف المدافع فالمحاجي والفرود اتثـور
يدوم الك البقا وانته جملهـا وانـت راعيهـا
تقوله وانت محني في يديـه حنيـة الباكـور
وانا اللي من قديم الوقت طابخهـا وشاويهـا

الــــمــــســــعـــــودي
عينت الشايب اللي لقمته ماوصلت الحنجـور
فضيحه لن تفلهـا وان بلعهـا سمهـا فيهـا
من أول ياذهبنا كنت في صندوقنـا مصـرور
وذلحينـه تشالتـك الحرامـيـه باياديـهـا


مــــــطــــــلـــــــق

عينت الطرقي اللي شق قدرة شعلة الدافـور
لياجاتـه ضيـوف الله يـزري لا يعشيهـا
انا ماني بشايل لي عصاة راسهـا مشقـور
لكـن التاجـر اللـي جابهـا لازم يوديهـا


الــــمــــســــعـــــودي

ولا ياصاحب ماتشرب الا السكر المعصـور
ديار ٍمابها الا الشـوك لـو يشيـل واديهـا
تصيح الها مع المغرب وتقهرها طلوع النور
شداد ٍفوق غاربهـا وحبـل ٍ فـوق اذانيهـا


مــــــطــــــلـــــــق

انا اشوف السمن سايل من الجبه ليا الزبزور
يصلح وجهها ميـر الكوايـا فـي علابيها

قال الثبيتي رد قاف يغنيه.... مثل العسل صافي وعقله يصفيه
يازن محاريفه وينقد معانيه... والعقل ميزان
وأغنيه لآصحاب العقول الرزاني
يامل قلب ساهر الليل مابات.... سامر على نور النجوم المطلات
يفتل وينقض فالمعاني بعد جات... لؤلؤ ومرجان
يهجرس بها قلبي ويفصح لساني
أبيع وأشري فالتماثيل وأختار.... ولي مع الهاجوس ورده ومصدار
لوكان يصلاني كما شعلة النار.... والحال تعبان
بسرور اعوج الضلوع الحواني
أدري على عيني وأهون سهرها......كم ليلة فاحت وهلت عبرها
وأنا ضنين أبها ولا أبغا كدرها.....وأرد الالحان
طوتني عبايرها وهمي طواني
شافت جمال عابر السوق ممشوق... قده وعناها وعنا هل السوق
وامسى الحشاء من لوعة الحب محروق...عاشق وولهان
يتيه العقل في وصف سيد الحناني
أدعج غنج واقصير اللبس يزهاه... ياكن من لبنان شنحه ومرباه
سبحان من صور رسومه وسواه.... مدعوج الاعيان
براني هوى قلبي وحبه براني
كن الصواريخ اطلقت من نهوده.... والا الكهارب ولعت في خدوده
والا الذهب ميع ولبس جعوده.... والعود ريان
كما عود موز في رياض غواني
ربي عطاه عيون خدرات وأوساع... والها سهوم وقعت بين الأضلاع
وجبينه اللي كنه البرق لماع.... في غر الأمزان
يشادي البدر والا سهيل اليماني
ماظن في باريس غرويحاكيه.....والمانيا والغرب واللي سكن فيه
والشعر يعجز لايوصف تحاليه.... واتضيع الأوزان
ليا جيت باأوصف حبيب سباني
لديت لي يم الحبيب بلده... ورد السلام وفاح عطره ونده
والله رماني بالهوا والموده.... وما قدره كان
وحار القدم وازريت أبارح مكاني
وقلت بالله وينن دارك ومرباك .....ياللي شبكت القلب باحبال الاشراك
القلب تايه في غرامك ويهواك.... لك فيه مسكان
على عرش قلبي مامعك شخص ثاني
وقال أنا ساكن حديقة وفله..... وادار جيده واشقر الشعر فله
ونشر علينا عطر ورده وفله...من لدن الأغصان
وهب النسيم وداعبته الغصاني
يانور يامجلي ظلام المحبين... الدمع الأزرق شب بي وأحرق العين
قسمت قلبي يا أدعج العين قسمين....وأمسيت حيران
ليا طاعني نصفه فنصفه عصاني
أنت ربيع القلب يازين الاوصاف...ياغصن في روضه تعطف تعطاف
يسهر على ودك وفالحب ميلاف......عاشق وشفقان
وهذا اللسان عن الحشا مكلماني
فيما مضى بأمري وذلحين بأمرك..... رماه حبه في جحيمك وجمرك
بعد وليته أرحمه طال عمرك....... ترا الخفا بان
وخفف عذابي حل بي ماكفاني
والطرف يسبر كل ساعة قدومك..... صابر على حبك وسعدك وشومك
لوكان غا بت عن حياته نجومك ... أمسي الأكفان
وعذر من الدنيا وحب والغواني
أنا أحسب العشاق في سعد وافروح..... وأثر الهوى نار على الجسم والروح
راعيه يبدي الضحك والقلب مجروح....... وأيبات سهران
يجاذب ونينه من زمان الوزمان
أختم بذكر الله كلامي ومعناي....... وما هاض به صدري وقالت شفاتياي
يارب تجعل جنة الخلد مأوي...... ياعالي الشأن
وتصلح في الدنيا مصيري وشاني

أختار سمحات الدروب النظيفة
اللي غسلها رايح المزن برشاش
يمشونها قوم النفوس الشريفة
اللي ضمايرهم نقية كما الشاش
بيوتهم مثل القصور المنيفة
ماهي لطير البوم غيران وأعشاش
وإحلالهم للضيف دايم مريفة
لو رجلهم يسرح ويضوي على ماش
والرجل منهم مايخلي رديفة
إن مات غيره مات وإن عاش له عاش
وإن مات منهم رجل عقب خليفة
يطعن نحور القوم ويرد الأدباش
يعرف هدف روحه ويعرف وليفه
مايعرف الخونه ولاهو بغشاش
وإليا رزقه الله بعذراُ عفيفة
يحطها مابين نونه والأرماش
ماهو على الخفراات يستل سيفه
وغن طالعوه الناس لابد ينحاش
حلو النبا سمح المحيا لضيفه
ويصير له خادم مسخر وفراُش
وإن مد مامدية يمينه قصيفة
مدة يمينه تبهر الخبل واللآش
وليا هرج تلقى علومه طريفه
ماهو لهفوات المناعير منقاش
وإن شبت النيران ماهو بليفه
في ساعة الكربة سواري ورشاش
سدة بعيد ولاحد يلحق غريفة
ماهو لعرض مكرم العرض نهاش
الشوك في جنبه سواة القطيفه
إن كان مله بيت مامون وفراش
مايرتكي فوق الخبول الضعيفه
اللي ليا حركتها قدرها طاش
وصحيفته ياطيبها من صحيفة
إلها مع العقال كاتب ونقاش
حاز المراجل والمراجل كليفة
ألا على إللي كل مارامها هاش
وإن شاف له في جانب القوم خيفة
تلقاه للخيفه مهاجم وبطاش
الصدق والمعروف والطيب كيفه
يغبش لها مع طلعة الفجر مغباش
للحمل ماتلقى جنوبه ضعيفة
حوله بروق تبهر العين وإفلاش
يصبر على جرحه ويمسح نزيفه
طبه بشبه خير من طب الأحباش
ولاهو كما سبع سنونه ضعيفه
دايم يلحسها وللعظم عراش
وإن شاف له في غيبة الناس شيفه
ماهو بخبل لأخضر العود قراش
دنياه لن صارت ذلول عسيفه
طوع عليها كل عاصي ونفاش
وإن كان قفت ماعليها حسيفة
ماهو ورا هوج المعاصير قشاش
وإن جاع ماوقع كما طير جيفه
وإن عري مايلبس مشالح ولا أخياش
وإن جا نهار كل قرم يعيفه
ماهو ليا ثارت على القوم رماش
الكذب معروف ٍ مع الناس زيفه
والصدق مثل السيف صاطي وحشاش

مطلق :
يامرحبا في حلتن في ذراها يامن الضيف
في دار ابو خالد عسى الله على عزه يديمه

الشاعر اللي ما يجينا مع المعنى على الكيف
نبا نسوي له قبر بين رابغ والقضيمه

فيصل :
دام البقى لك بالنيابه عن اهل الخيل والسيف
اهل الديار اللي بها الرجل له حشمه وقيمه

ياللي تقول السالفه مايعسرن التواصيف
وانا استعنت بمن يحبس الشياطين الرجيمه

مطلق :
سبحان من خلاك تنزل مع الحربي على السيف
والصحبه اللي بينكم طاريه ماهي قديمه

ان كان واليا انك ولد شيخ وتعرف المعاريف
احرص على صياف واعطه ولو ربع الغنيمه

فيصل :
انا وصياف استلمنا الحرم مع مسجد الخيف
وانته ورى معزاك صوب الشفا سكان خيمه

مادام فيصل حي مابه على فيصل تخااليف
ماعاد احسب حساب دمعتك يالبنت اليتيمه

مطلق :
بكره شجاري حضن تنصاك وتلج الغطاريف
تحسبك صرت اليوم ولد الملك والا رحيمه

لو استرحت مع المعنى وقصرت السواليف
يحماكم الله ما يجيكم خلاف ولا ظليمه

فيصل :
بكره نشب النار بين الحطب والعصف والليف
اما تطب النار والا تقفي بالهزيمه

لا تنكر اللي حرفك في زمان فات تحريف
خلاك تعذر في عتيبه يابو جبهه وسيمه

مطلق :
الله حسبي فوق مفلح واورى فيه واعيف
اخطيت يامفلح وحملتني ذنب البهيمه

كم واحدن فينا يورى وراح من امس ما شيف
كان ادعج العينين واليوم ابو عينن كريمه

فيصل :
الظاهر انك لاتصرف ولا تملك تصاريف
لو كان رمشك هايمن بالقلوب المستهيمه

جتك الجيوش اللي تنزلك من روس المشاريف
تاخذ هروج سمان وترد بهروجن عقيمه

مطلق :
لا واحسوفك يا قليل البصيره بالتحاسيف
يا شاعرن ترقف من الخصم وعظامك سليمه

العين عيت تبرح الدرب من كثر الخطاطيف
من ركب الجنحان والريش في طيورن غشيمه ؟

فيصل :
غدا بك المركب بوسط البحر ماله مجاديف
حتى ايش لو تزعل على الموت وتعزي حليمه

ما عاد تصلح غير في خدمتي شغال تنظيف
لو شرهوا ربعك عليه وصحت من الهضيمه

مطلق :
جاك المطر والريح تحداه ومزونه مراديف
منته بسالم لو خليت للذيب الخريمه

بعض السوالف خلها لا تكلفها تكاليف
البال طاب من التهامي وسمن في يديمه

فيصل :
لو نكسر ضلوع الثبيتي مثل كسر الصفاصيف
ظلى الثبيتي ناسي الله ولا ينسى خصيمه

والله مالك من ورانا يابو زهره معاريف
ماغير تحدانا نسوي على خدك وسيمه

يقول مطلق ( رحمه الله ) ::

السحيمي ينفض اللحية ويطوي في معمه
طار عقله من شليويح المطيري والزلامي

البعير اللي يشيل الحمل عود يرضع أمه
بعد قالوا شامخ النيبان مردوم السنامي



فقال صياف الحربي ( رحمه الله ) ::
::

السحيمي يوم غنى حطكم في راس كمه
ثم خلاكم عجينه كن مافيكم عظامي

الجمل يمشي على الدرب وكلامك مايهمه
من هديره قمت من نومك وحرمت المنامي



يقول مطلق ( رحمه الله ) ::


الزمان اللي ستر حالك وحالي لاتذمه
والحرم من دونه المسعى وبيبان السلامي

أنت داب كل ماحرك شدوقه سال سمه
والله إنا مانذوق السم يالداب التهامي


يقول صياف ( رحمه الله ) ::
::

أنت ذيب تكره البارود لو إنك تشمه
ماتحب النور الأبيض ماتحب إلا الظلامي

الطعام اللي ليا شفته على صدرك تضمه
لاتقول إنه حلال ولاتقول إنه حرامي




يقول مطلق ( رحمه الله ) ::

علموا صياف لايتبع خفيف الظل عمه
دام أنا وياه فالمذهب وفي الطرقة ليامي

قله إنا مانبالي اللي بنا نقال نمّه
بعد عود بايعة بين القبائل مايسامي



يقول صياف ( رحمه الله ) ::
::

أنت أشوفك كل ماتسرح تضوي لك مطمه
تحسد المسلم على دينه ليا صلى وصامي

لايزعلك الكلام اللي عسى ربي يتمه
ثم بده مستريح بلا شراب ولاطعامي




يقول مطلق ( رحمه الله ) ::

كل شئ في طريقك يا أبيض الشارب تخمه
لين ضيعت الفشق والبندقية والحزامي

إن نثرت القش ياصياف ماتقدر تلمه
وإن قربت من العرب ميسمك جوف النار حامي


يقول صياف( رحمه الله ) ::

لو يبي يتركك على باب الخزينه رحت يمه
وإن نظر لك نظره حمراء تعديت النظامي

المسافر مايطب البحر لين إنه يطمه
يذكر الله في بلد مكه ويلبس له إحرامي ,,

ما كل نايف يلبس البشت نايـف
نايف ولد عبدالعزيـز المجـرب
خاض الجزيرة وامنت كل خايف
حث القدم فيها وشـرق وغـرب
وخلا كل اهل المشاكل ولايـف
والكل منهم من رفيقـة تقـرب
اللي نفاهـم ماعليهـم حسايـف
واللي تقرب مثل سيفـاً مـذرب

يامـرحـبـا يـانــور يامـنـبـع الــنــور
ياللـي شمـل نـورك فـروع الـوزارة
مـن جيتـك وأيامنـا افـراح وسـرور
ورفعـتـنـا بـيــن الـمــلا فـالـصـدارة
اللـي بنـت يمنـاك فـي عـدة شهـور
صعـبٍ علـى غيـرك يسيـر مـسـاره
يـاراعـي العلـيـا ويامحـكـم الـشـور
الـوقـت ليـلـه فــات واقـبـل نـهــاره
رفـعـك مــن قـمـه لقـمـه ومشـكـور
العـاهـل المحـبـوب تــاج الحـضـارة
محمد بحسن الراي والعقل مشهور
نــفــذ مـهـمـاتـه وطـــــور ديـــــارة
مـن روس حـكـامً لـهـم فالـعـلا دور
بالسيف والمنطـق وصـدق العبـارة
ياشـيـخ وانـتـه للمهـمـات مـذخــور
متـوشـحٍ تــاج الـشـرف والأمـــارة
الساس عـز البيـت والبيـت معمـور
ماتلـحـق الـصــدة دخـيـلـه وجـــارة

يالله يارافع السبع السمواتي..
.ياباسط الأرض علام لما فيها
يارب عبد ٍ يسآلك كل الأوقاتي..
..ياكاتب الرزق والآمات محصيها
رب الملا مسقي الدار السنياتي..
.يامرسل الغيث لين أنه يسقيها
رب السموات علام الخفياتي
..علام بالناس قاصيها ودانيها
محي عظام مع القدرة رميماتي.
..واضحت على الأرض رازقها ومحييها
يامخرج الما من أحجار صميماتي
... لانعبد ألا أنت بأولها وتاليها
رب تعاليت راع الجود والذاتي..
..لوجهك تسجّد الدنيا ومن فيها
يارب تحسن مماتي يوم وفاتي..
.نهار ماتجدي الدنيا ومن فيها
نهار ألاقيك في زحمات الاماتي.
...يوم المواازين توضع عند راعيها
تغفر ذنوبي وتسمح عن خطياتي.
. والنفس يارب للخيرات تهديها
ياعاقل أسمع وفكر في وصياتي..
. من شاعر جرب الهجرة وأهاليها
الأولة لاتوانى في الصلواتي..
. نُور على الوجه تشرح صدر راعيها
والثانية زك مالك كل حزاتي.
...يبارك الله في دنيا تزكيها
والثالثة كون حصن للاماناتي
..حتى ترد الامانه عند راعيها
والرابعة لاتوانى في الشهاداتي
... أد الشهادة كما ماكنت توحيها
والخامس عزوتك لوجاك ضداتي
...أحمل جفاهم يليِّن كل قاسيها
واكرب حزامك لياجات الحفوفاتي
..كل يبا ضدتك لوما يجزيها
كيد العدا يوم كل قال ياعزاتي.
..في ساعة مظلمة تكثر بلاويها
والسادسة حط جارك في العلياتي
...وأن جت زوايد على جارك تعديها
والسابعة بد ضيفك بالتحياتي.
.. ضيفات وأرزاقها دايم تباريها
والثامنة لاتذكر كل مافاتي..
وإليا إصعبت حاجة ٍ فالرَّب يقضيها
والتاسعة لاتسمع كل زلات.
...وقوم الزواهق حذارا لاتلاغيها
والعاشرةكون صادق في المقالاتي..
.خلك على سنة الهادي ومحييها
وأن نابك الدهر بحمول ٍ ثقيلاتي.
...أصبر عليها وربك مطلع فيها
لاتغمس الروح في لهو ٍ ولذاتي.
...فالتفس أمارة ٍ بالسوء لمطغيها
لاتتعب الروح مع كثر التشماتي.
ومثالنا لازم الأرزاق تأتيها
لابد للرزق ضكات وطلقاتي.
..ولابد الأرزاق ترجع في مجاريها
والوقت الأول اله لينة وقسواتي.
..وأيامنا المفبلات الله يكافيها
ياعاقل أحفظ تماثيل مصفاّتي..
. من شاعر دارس الختمة وقاريها
وـزكى صلاة ٍ على المختار مهداتي.
. محمد ٍ باعث السنة ومحييها

.يقول المسعودي:
هلا مرحبا يا مسهلا وأكثر الترحيب
وأنا من هل الديرة ولاني بها منكور
أباخذ علوم الطرقي اللي يجي ويغيب
لعله بعد عيش البداوة طلع دكتور
مطلق:
يدوم البقاء يا ذيب ياللي زهمت الذيب
عيونك كهارب نور والوجه فوقه نور
تدور الليال وتابع المقفيات يشيب
وفاح البحر ياصاحبي واغرق البابور
المسعودي:
ابا انشدك ياللي دارس الطب والتطبيب
أخير الدهر ولا هل الوادي المخضور
يقول البديوي جاء على شبرة التلبيب
واخذ لقمة جرت وكرت مع الحنجور
مطلق:
أخير الدهر للي مصخن وفاضي جيب
ونبت الحياء للي يرد الورود صدور
انا ماعرف القصة ولاني بعالم غيب
وانا عارف الجنة مرابي بنات