قصيدة المقناص للشاعر / محمد بن فطيس

يقول ابن فطيس

[poem=font="Arial,4,#ff0000,normal,normal" bkcolor="" bkimage="" border="none,1,#ffffff" type=3 line=0 align=center use=ex num="0,"]
الله على الربطـة يعيـن الصقاقيـر
اللـي تعـد الريـش وتعـد الأيــام
يقطّعـون اوقـا تـهـم بالتسايـيـر
وشوف المقانيص القديمـة بالأفـلام
تشوف راعي الطير عاف المظاهيـر
ومن شوفت القمرا وعدً لهـا صـام
قعد مابين أهـل البنـاء والنجاجيـر
وفي دورته ماهتم في فـرق الاقيـام
يبغي مقيظـه مايجـي فيـه تقصيـر
من خوف لوم اللي إلـى شافهـا لام
ويجيـب لطيـوره حليـب العصافيـر
إلـى تباطـى حذفـه لريشـة العـام
يويق صبح وظهر والعصر وعصيـر
ويظهر عشاها عقب ماجا من الـزام
يقسـم علفهـا بالتسـاوي بتقـديـر
وقدامهـا كنـي بـه يكسـر عظـام
كنه تزيـده لاتعـشـت دنانـيـر
والى أدرجت مايفتكر في هـل الشـام
تمسي وهو مامسى روابـع وتفكيـر
يرمي به الهاجس على جال الأحـلام
ويذكر مكـان داجـه العـام بالخيـر
ويطري علية أزين مقانيصـه أعـوام
وذيك الوناسه والقنـص والمشاويـر
وخوة رجال هـل مقانيـص وحشـام
الله جمعهـم كلهـم فــي سيـايـر
وقدامهـا فرقهـم ظـروف وأحكـام
على الوعد (ف)أول محطـة طوابيـر
وفي كل موتر عزبـة فـوق قسـام
فلان ينطر له رفيـقً علـى السيـر
وفلان خذ للربـع مـن كـل الأنعـام
وفلان عند البنشـري يركـب اسبيـر
وفـلان قدامـه يركـب لـه اسيـام
وفـلان عجـل ولايبـي زود تأخيـر
شغـل وراح وواعـد الربـع قــدام
فـي شفهـم ماحسبـوا للمخاسيـر
لـو زادت أصفـار مياسيـره أرقـام
في حلها (ف) الطيب ماهـو بتبذيـر
يراقبـون الله وأحـكـام الإســلام
وراعي القنص عمن يسب القنص غير
شف ذا إلى ذهّن وشف ذا إلـى نـام
يغط غطـة ذ يـب وان ذهّـن يطيـر
ويقوم عاد اللـي معـه مابعـد قـام
ويشب في اللي قبل يحتـاج تكسيـر
فـي ليلـة مافـاد فيهـا التلـطـام
وفيما تفـوح ادلال صفرٍ مباهيـر
خـذ ركعتيـن بالخـفـا لله قـيـام
والى قضـى ركـد دلالـه مساطيـر
وأذن ولا يحتـاج للـربـع قــوام
تمالـوا وركبـوا وراحـوا مداويـر
للـي يـروّع زولهـا كـل ضرغـام
برقا الجناح اللي إلـى قامـت تسيـر
أول مايطـري للـربـوع التشـيـام
تشاوروا وصلـوا لخيـر الاشاويـر
وهدوا غرام الشـارده عقـب لـزًام
هـدوا معيـدً عوقهـا عقـب تذييـر
أصله وحش مطروح في ديرة ألغـام
مغتـر ولا طبعـه بطبـع المغاتيـر
من يوم رب ووالـف الـدس ماحـام
مطلق عمد صافي وسيـع المناخيـر
كن دق صـدره دقـة شمـاغ بسـام
عود ويخالى به على الفرخ والجيـر
جسر وعلى المدخال في الجول عـزام
أعطاهم الصيده بعـد ماخـذ السيـر
وعلم فـروخ كـان تحتـاج عـلام
هدوا وصادوا والهـدف هـدة الطيـر
ماهمـهـم لـدهـام ولا لـعــزام
تبدلوا (ف)الـزرع شـوف النواويـر
وتبدلوا في الزحمـة فيـاض وخيـام
على لحم صيـد وحليـب المصاغيـر
تبدلـوا بالسيـر والقـيـد درهــام
وسجوا من همـوم البلـد والفواتيـر
وهموم الأسهم ذاك عارض وذا سـام
وتريحوا مـن قولـة(ن) صـار تفجيـر
ومن شوفة الفتنة ومن كذب الإعـلام
نشوف تفجيـرات ونشـوف تعزيـر
ولاجهلنـا ماحصـل بعـد صــدام
لكن شوف وحـر جـوف ومقاديـر
وش الجهد غير الدعـاء والتهشـام
الزبـدة ان البرمـن غيـرة اخـيـر
لاصار مع ربـع صقاقيـر وحشـام
وبعض الرجال اللي يلـوم الصقاقيـر
ماهـو يعـد الريـش ويعـد الأيـام
تـراه مربـوطً مثـل ربطـة الطيـر
ويقصر جريره حـده البيـت والـزام[/poem]

تحياتي

السلام عليكم ورحمة الله وبركاته

لاهنت اخي ابو محالة على النقل قصيدة جميلة وشاعر كبير

تحية طيبة

. الله لا يهينك يابو محاله ..

على الإختيار الموفق ..

.. وابن فطيس ما فيه أحد ما يحب شعره .

.. وتقبل تحياااااااااااااااااااااا ااااااااتي .