زيارة ال خالد في المنطقه الشرقيه وحفر الباطن لمخيم الشيخ / خالد بن سعد اللحياني الهذلي في مزاين ام رقيبه - ::{ مجالس قبيلة هذيل }:: موقع يهتم بتراث القبيلة ومفاخرها

12-21-2009, 12:41 AM

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

مسا الخير والاحساس والطيبه مساء مايليق الا بهذلاني

اجتمعنا على خير وفي خير في منزل بن قاسي في ليلة من ليالي الشرقيه الهادئه كلا من :

سالم ظاهر الخالدي

سالم عبدالجبار الخالدي

فيصل عبدربه الخالدي

عبدالمحسن عبيدان الخالدي

ومحسوبكم ابو تميم

وراعي الحلّه بن قاسي

على عشا مندي يحبه قلبك :Swaffff:

واتفقنا على الذهاب لي ولد عمنا المشارك في ام رقيبه الشيخ /

خالد بن سعد اللحياني الهذلي وتقديم دعمنا له لانه يمثل قبيلتنا هذيل في محفل كبير وهو مسابقة مؤسس المملكه العربيه السعوديه
لمزاين الابل
وتم الاتفاق اجماعا وبصوره تفاعليه عاليه وقمنا بإخبار عدد من افراد القبيله الموجودين في المنطقه الشرقيه
والحمد قمنا بالاتفاق على ان يكون يوم الاربعاء 29 / 12 / 1430 هـ اجتماعنا في الصباح الباكر عند ابو تميم
وبالفعل كان الشباب عند الموعد وكان اول من جاني البيت / محمد عتيق الخالدي
وخوي الدرب / سعود المسعودي الهذلي ثم جاني عبدالمحسن وبدر عابد الخالدي
واخيرااا الذيب / سالم ظاهر الخالدي وطبعا تقهوينا وعينا من الله خير وافطرنا على ( الملّه ) والسمن والعسل
ويارب لك الحمد على الجمعه الطيبه .
طبعا ابو سامي وبن قاسي سبقونا بيوم وليله الى الحفر وقاموا بالتنسيق مع الشيخ / عتيق مقبول الخالدي لتجهيز مخيم المبيت وحقيقه انهم بيضوا الوجه
وتقريبا على الساعه الثامنه والربع حركنا طبعااا انا بصحبه سالم ظاهر و محمد عتيق وراكان ولد ابو ظاهر على الجيب الشيروكي
وبدر وعبدالمحسن مع ابو رديد المسعودي
مع الجيب الربع التويوتا
طبعا توكلنا على الله وانطلقا الى وصلنا محطة ابو حدريه الثانيه على طريق ابو حدريه وتبعد عن الجبيل تقريبا 50 كم وعبينا بنزين وشرينا اللواز للطريق وبدات الرحله الحقيقه

اول صور الطريق
محمد عتيق وراكان
والطاره ابو ظاهر

وهذي صوره توضع خطه السير

هنا صار فيه تبادل بين الركاب
بيني وبين عبدالمحسن وصرت انا مع ابو رديد المسعودي وعبدالمحسن مع سالم ظاهرعلى الشيروكي

صورة الطريق والجيب الشيروكي

ابو رديد المسعودي خوي الدرب

ياشباب لو تلاحظون المسافه اللي بين السعيره والمدينه العسكريه 136كم
انا اعتبرها 136 كم من الملل بسبب استواء الارض بشكل تشعر فيه انك لا تسير مطلقا على الارض

والحمد لله وصلنا محطه الشاميّه الموجوده بالقرب من كبري المدينه العسكريه
تزودنا بالوقود وصلينا الظهر والعصر جمع وقصر ولله الحمد والمنه

وهذي الصوره قبل دخولنا مخيم المبيت والواقع شمال غرب المدينه العسكريه

وفي المخيم نزلنا وكان بإنتظارنا / ابو فهد ( عتيق الخالدي ) وسالم عوض وبندر عويد ومطار الخالدي

وقابلنا ضيوفنا القادمين من الطائف الشيخ / عالي بن قاسي الخالدي الهذلي
ومرافيقه من بني خالد
وقمنا بواجبهم ويستاهلون اكثر من الواجب
وحقيقه ان حضور ابو ابراهيم كان له وقع خاص في قلوبنا وبيض الله وجهه

وهذي صور من مخيمنا في منطقة ( شمال )

الشيخ عالي بن قاسي و محسني الخالدي ( ابو فهد )

صوره للمخيم والضيوف

ابو جبور وابو سامي والصقر محمد عتيق

ابو اسامه وابو طيف

من اليمين .... بدر عابد الخالدي .....سعود المسعودي ( ابو رديد ) ... والظاهري سالم

نايف بن عويلي بجوار الشيخ

بعد الغدا ركبا مواترنا وتوجهنا الى ام رقيبه يتقدمنا الشيخ عالي بن قاسي الخالدي الهذلي والدريول ابو اسامه

انا وابو ريد كنا في اخر الموكب للتصوير واحيانا نكون في عرض الموكب لاخذ اجمل الصور ... وماشاء الله على ابو رديد <<< فاهمي ويعرف انا اي زاويه ابيها

صورة الانطلاقه الى ام رقيبه

في الطريق

بن قاسي على اللكزس

هذا طريق ام رقيبه بس مالقينا لوحه مكتوب عليها ام رقيبه

وهذا فديو للحظه دخولنا لام رقيبه ونترك لكم الاستمتاع بالمشاهده

http://www.youtube.com/watch?v=bW0wGW6N22o

نهاية الجزء الاول

وبمشيئة الله سأوافيكم يوميا بالاجزاء وبشكل مرتب جداااااا

لا تنسونا من صالح دعائكم

أخوكم

ابو تميم

12-21-2009, 12:50 AM

تسلم والله

والحمد لله على السلامة

فعلا الصورة بألف كلمة

عيشتنا أجواء الرحلة الميمونة

شكرا يا غالي يا طيب الفال

12-21-2009, 01:17 AM

ما شاء الله تبارك الله

زيارة ميمونة ورحلة موفقة

وتجسيد موفق للحدث ,,,, فكأننا معكم

أسأل الله أن يديم اجتماعنا على الخير والمحبة

12-21-2009, 01:17 AM


	المشاركة الأصلية كتبت بواسطة أبو المثلّم


	تسلم والله والحمد لله على السلامة فعلا الصورة بألف كلمة عيشتنا أجواء الرحلة الميمونة شكرا يا غالي يا طيب الفال

يامرحبا يبو المثلم وحياك الله

الله يسلمك وتسلم على المرور والله يعافيك ياذيب

أخوك

ابو تميم

12-21-2009, 01:31 AM

فالك الطيب ياطيب الفال

ونعم بربعنا ال خالد ونعم بربعنا لحيان

12-21-2009, 02:33 AM

والله ما أدري كيف أشكرك يا طيب الفال

ههههههههههههههههههههه

والله العظيم إنك ما قصرت وأبدعت وبيض الله وجهك ويعطيك ألف عافيـــــــــــــــــه

وسننتظر القادم (2)

وسلامي وتحياتي للغالي : ابن قاسي حبيب قلبي هههههههه

12-21-2009, 03:11 AM

ماشاء الله تبارك الله
ونعم بربعنا ال خالد وبيض الله وجيهكم
اخونا طيب الفال
رجال مواقفهم مشهودهـ
ويستاهلون ربعنا لحيان الميقاف والدعم
والقادم احلا بعون الله ياهذيل

12-21-2009, 05:37 AM


	المشاركة الأصلية كتبت بواسطة رداد الفضلي الهذلي


	ما شاء الله تبارك الله زيارة ميمونة ورحلة موفقة وتجسيد موفق للحدث ,,,, فكأننا معكم أسأل الله أن يديم اجتماعنا على الخير والمحبة

يامرحبا يبو فضل وحياك الله

تسلم ياذيب على الاطراء وماقصرت الله يوفق هالخشم

شكرا على مرورك العذب والله يسمع منك

اخوك

ابو تميم

12-21-2009, 06:02 AM

تقرير جميل يابو تميم لا هنت ,,,,,وفقك الله

12-21-2009, 08:40 AM

وعليكم السلام ورحمة الله وبركاته

والله ومليون نعم بربعنا وأحبتنا آل خالد

والله إنكم أصحاب مواقف جزلة تبيض الوجه وتجلى الملامة

ونعم والله بعالي وبأبيه قاسي من قبله رحمه الله صاحب العرف والعلوم الغانمة.

أما أنت يا ولد عمي فشهادتي فيك مجروحة ، لكن سير وعين الله ترعاك

يا مصورنا المبدع ، ويعلم الله إننا نفتخر بك كثيرا وبموهبتك.

تقبل مروري وتقديري وتقييمي للموضوع ولصاحب الموضوع.

12-21-2009, 01:40 PM

بيض الله وجهك ياطيب الفال

تقرير رائع

والله يجمع المحبه بيننا دوم

12-21-2009, 01:44 PM

ونعم والله فيكم

عز الله ماقصرتوا وبيض الله وجيهكم ..

12-21-2009, 02:57 PM


	المشاركة الأصلية كتبت بواسطة الـمـطــ الهذلي ــــرفي


	ونعم والله فيكم عز الله ماقصرتوا وبيض الله وجيهكم ..

ماعليك زود ياالغالي ووجهك ابيض

نورت بمرورك العطر

12-21-2009, 02:58 PM


	المشاركة الأصلية كتبت بواسطة بن قاسي الهذلي


	تقرير جميل يابو تميم لا هنت ,,,,,وفقك الله

تسلم يبن قاسي ولاهنت يا ابعدي

12-21-2009, 03:00 PM


	المشاركة الأصلية كتبت بواسطة أمير بكلمتي


	والله ما أدري كيف أشكرك يا طيب الفال ههههههههههههههههههههه والله العظيم إنك ما قصرت وأبدعت وبيض الله وجهك ويعطيك ألف عافيـــــــــــــــــه وسننتظر القادم (2) وسلامي وتحياتي للغالي : ابن قاسي حبيب قلبي هههههههه

هلا اميرنا الغالي

وحياك الله وانا اخوك هذا واجبنا واشكرك على كلمات الاطراء والمديح واعتبرها وقود لي بتقديم المزيد من الابداع