رد: أبيــــــــــــــــات أعجبتني للمسعودي
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
يلساني احذر عن فمي لاتعدا=قدام لااعضك على الضرس والناب
احذر تودي هرجة(ن) ماتودا=اذا بدت قالوا لك الناس كذاب
اللي تعشا بالكذب ماتغدا=واللي تعالجبه من السقم ماطاب
واحذر ثم احذر بالردي لاتجدا=حاجتك ماتقضا وسرك مع الباب
من يوم مايفهم حقيقتك صدا=واصبح يسولف بك مع الناس الاجناب
عز الله اني تبت وابتعدا=توبة نصوح(ن) عند دروب الخطا تاب
واحدي عن اصحاب الردى واتحدا=خله يقولون العرب ماله اصحاب[/poem]
رحم الله المسعودي على النصيحة القيمة وجعلها في موازين حسناته فقد كان رجلا حشيما وحيما يشهد له القاصي والداني وقد ذكر لي والدي طرفا من أخباره لأنه كان زميله في الدفاع المدني فقد كان الشاعر المسعودي سائق في الدفاع المدني فترة من الزمن
|