شاعرات من هذيل

[QUOTE=الهنوف الهذيل;353641][align=center][table1="width:95%;border:4px double green;"][cell="filter:;"][align=center]
العادات والتقاليد الحديثة والتي نشأت بعد الطفرة ...ترفض بشدة التطرق للمراة من بعيد او قريب...وكاننا نتسلخ من اصولنا التراثية والدينية....لم تكن تماضر السلمية والمعروفة بالخنساء عارا على اخوتها في الجاهلية ولا على ابنائها في الاسلام..فهي ام لاربعة شهداء في معركة مؤته..وهي من كبار الشعراء واعذبهم شعرا...

كان الرجال في العصر الماضي وخاصه منهم الفرسان ينتسبون الى امهاتهم فابن قرملة وابن لبدة من اشجع شيوخ وفرسان قحطان وابن خثيلة وابن حجنة من فرسان عتيبة وابن شوية وابن جروة من فرسان وشيوخ قبيلة سبيع ....والكثير من اشهر الفرسان والامراء لم يكن اسماء امهاتهم عارا عليهم بل حملوه بكل افتخار ولازال احفادهم يحملون نفس الاسماء..

ولعل غالية البقمية اشهر نساء البادية على الاطلاق كانت مصدر فخر رجال المملكة كافة لم روي عنها من عقل وحنكة وسياسة وشجاعة...

وكنت قبل البحث في اشعار وقصص هذيل اسير خلف التيار الذي لا يحب ذكر المرأة ..بل وصل الحد عند البعض اذا ذكر ان معه مرأة اكمل كلامه بجملة اعزكم الله...ياله من تخلف عقلي...

ان بعض النساء يملكن من العقل والحكمة والشجاعة والتاريخ مليء بسير نساء خلدن اسمائهن في صفحات التاريخ وكن مضرب مثل في الشجاعة امثال الصحابية الجليلة خولة بنت الازور وسمية وام عمارة رضي الله عنهن..




الشاعرة الاولى: نورة بنت ثابت عاشت قبل فتح الحجاز ..وهي ابنه رجال اشتهروا بالشجاعة والاقدام وخوالها قبيلة سبيع خالها بن ركاض من شيوخ سبيع وتزوجت شخص من احد القبائل المجاورة فلم ترغب فيه نظرا للفرق الشاسع بينه وبين اخوانها من حيث الشجاعة والكرم ...فطلبت منه الانفصال بهذه الابيات:
[/align][/cell][/table1][/align]

الفرق جنبتوا حليبـه عـن البيـت=اسبـر الوزنـة ولابـه جفـايـد
ياليتني عـن عنتوتـي ماتعديـت= عيال عود(ن) مـا تحـب الزهايـد
يا شوق طلقني وانا منـك مليـت=عطني حبالي يـا وسيـع البنايـد
وان كان ما طلقت يوم اني اشفيت=والا تطلقنـي رمــاح العـوايـد
اخوان....... كسوتي وان تعريـت=وحيد(ن) على من يبحث اقصاه كايد

ولكنه لم يطلقها وذاقت معه العنا والغرابيل فارسلت هذه الابيات لاخوتها الذين افتكوها منه بعد ذلك واليكم الابيات:

عسى مطيلق عند سربة خوالي=فايمان ربع(ن) فالخطر ما يـدارون
يضرب برمح(ن) مثل رمح الهلالي=حيث انهم رمايـة(ن) مـا يزلـون
تكفون تكفون يا الظفران فكو حبالي=تكفون يالظفران تكفـون تكفـون
ولها هذه القصيدة التي اسندتها الى احد ابنائها تمدح فيها اخوانها:

فوقه الذيب والضبعـة تحلـي=عابن الدود في حجره ظلايـل
يا وجودي على حمر(ن) تشلي=فوقها اللعب حسينات المثايـل
فوقهـا باتنـحـر لابتـلـي=تكسب المـدح فايـام الدبايـل
جارهم من قطيره مـا يملـي=كل يوم(ن) على عصبان حايل

وقد تغنت في ابناء عمومتها من هذيل الذين لهم مواقف شجاعه ومنها الابيات التي تمدح فيها الشيخ عبدالله بن عبا:

البارق يومي لابو جـوزا=عشر(ن) من الجيش مرنه

مرن على طيب الـروزا=ياليتهـن مــا تعـدنـه

ولها ابيات جميلة عندما اصيب فارس هذيل الاول مقعد بن حدري في هية الفراحية حيث قالت:

ولو فحلوهن من جميع الديـارى=ما احدن يجي مثله ولابه حليـه
مقعد مثل ضلع(ن)طويل الجدارى=شاهـوق دايـم قمتـه جاهليـه
ومقعد لشيخان القبايل شعـارى=يبين فعله مثـل عيـد الضحيـة
اما قـرن لـه فارسيـن كبـارا=والا كسر له بارقيـن ضحويـة
مقعد فعوله غير مـا ينتجـارى=مقعد زبون اللـي يكبـه خويـه
فعول مقعد مثل كيـف البهـارى=وفعـول غيـره مالهـا قابليـه
مقعد مثل ريح النفل والشقـارى=في وادي(ن)يبري الكبود الوبية
حضور مقعد مشعلن له شنـارى=وحضور غيره شبة(ن) عايديـه
له بندق(ن)منها القبايل حشارى=ولا حضر بالسيف حطـه حنيـه
واللي فرق بين الدجا والنهـارا=ما ركب مثله فوق بنت العبيـه
وش انت خابر فالجرد يازبـارا=وش انت خابر في نهار الغبيـة

الشاعرة الثانية: وهي نوير بنت ثابت التي ترثي اخوانها الشجعان عندما مات احدهم من الحمى التي قتلت في تلك السنه عدد كبير واخيها الاخر مات بعده بايام في مكان يسمى بالوبر فصرخت
اخوانها محسن بن ثابت مات في هجر بلاد الشيخ مقعد بن حدري سميت هجر لكثرة نخيلها تشبيهاَ بالاحساء وهي التي تفتح عليها دروازة رمادان سوق تربة المشهور وبعده بأيام مات اخوه سرور عليه فلج وقتل بناخيهم الشيخ مسلط بن صويان شيخ المرازيق ورثتهم بهذه الابيات الحزينة؛

ياحي اللـي غـدو دمـر=راحوا مرازيق مع هذلان

لا سلت يـا وادي التمـر=لا جاك مزن(ن) وله ربان
يا خوي يا طايل الشبـر=ياذابح الكـوم للضيفـان
حطوه في ضلعـة الوبـر=ماهوب في مدلج الريعان
ياليتني من حصـا القبـر=والا ذر(ن) له عن الهبان
وياليتني من نخل هجـر=واقعد مع محسن الديقـان
يا خوي يالابـس الكمـر=فالهوش من يحتمي الذلان

فرد عليها مضحي العاكور زوجها بقوله
ياورع يا هايف الخصر = ياللي كما مطرق الراحان
الموت ماخلا اهل مصر = هل الروانيش والبيبان

وقد رثت زوجها الشيخ امضحي العاكور بابيات حزينة فقالت :
ياطـي حالـي فالغبـا طــي قــدي=راعيـه شطنيـا علـى العـود يلويـه
ويـا ونتـي ونـه بعيـر(ن) يـشـدي=اركـا عليـه الميـل والعـدل طاويـه
ونيـن مـن شـاف الفـوارس تحـدي=ونه وصاهب يـوم خالـد حكـم فيـه
صكـوا عليـه الجيـش والمنـع ردي=ولا له بني عم(ن) ولا احد(ن) جزع فيه
لا..وا..عشيـري دونـه القبـر سـدي=لا شيف له رود(ن) ولا اقـدر اناديـه
وليت البدايـل فـي عشيـري تسـدي=لاسترفـد الحضـران والباديـه فـيـه

وصاهب الدهيمي قتله خالد بن لوي

الشاعرة الثالثة:بنت مضحي بن بريكان العاكور قدر الله ان يكون احد اخوتها بعيد عن ناظرها ما يقارب السنة ..واتت اليها البشاير بأنه قادم بعد طول غياب فقالت هذه الابيات المؤثرة...
اخوها الشيخ محسن بن مضحي العاكور

هلا يا مرحبا ياللي علـى الشيـب=على اللي كنهـن جـول الادامـي

صغـار السـن وكبـار محاديـب=نسبهـم مـن خوانـي والعمامـي

هل الصلفـات بارسلـي مكاتيـ=بعلى المحبـوب ردولـي سلامـي

اقوله في معشـي الطيـر والذيـب=مـا اقولـه فالعشيـق ولا الغرامي

اخـوي اللـي يحيـي بالاجانيـب=ويقلطهـم علـى عثـو السنامـي

حشى لله يـا محسن عـن العيـب=من البصرة الى البيـت الحرامـي

سوات الصقر يبـدي فالمراقيـب=عفيفـا عـن مواقيـع الحمامـي

واخذ من راس ابوي المجد والطيب=سوات البدر بـاد(ن) كـل عامـي

اليا مقلط علينـا شمـخ النيـب=سندنـا مثـل مـا قـال الزلامـي

ويـورد قـدم عكفـان الاشانيـب=ليـا صـدر يخليـهـم حيـامـي

ابويه يـوم ابويـه طـول الغيـب=واعز الجـدي وسهيـل اليمانـي

سقوني مـن عذيـات المشاريـب=وتحديـت الزمـان اللـي جفانـي

ولها قصيدة في احدى اخوانها عندما قدم لزيارتها:

الشيخ ماجد العاكور

هـلا ياماجد هيـل جزفـا بــلا كـيـل=اعـداد مـا تلفـي عليـه الركـابـي

وعدة نجوما حازهـا الجـدي لسهيـل=واعداد مـا ينـوي غزيـر السحابـي

يـا مكيـف الدلـة وبيـض الفناجيـل=ونجر(ن) توالي الليـل يلعـب العابـي

وان جانا هل ركب(ن) تحاشى عن الليل=رذيـا وسـكـان المديـنـة غيـابـي

حيابهـم طـب الكـبـود المغالـيـل=ماهوب لفح(ن) مثـل لفـح السرابـي

ياقبلـة اللـي يركبـون النضـا حيـل=ويانـورة اللـي يلبـسـون الثيـابـي

ان جيتني قلـب العنـا طـاب بالحيـل=وان رحـت عنـي واعنـاي وعذابـي

تليتنـي تــل الركـيـب المعالـيـل=هيـم وعجايـف وارتكبهـن لجـابـي

يا لايمي ياطـا علـى الـداب بالليـل=شلـه بنـابـه وابلـغـه بالصـوابـي

اخويـه عيبـه فقشـة البـن والهيـل=وقصفه شبـاب الحايـل ام الصبابـي

استغفر الله ان كـان فالهـرج تزليـل=استغفـر الله فالخـطـا والصـوابـي

فكما شاهدتم حب هذه الشاعرة لاخوتها وهم احياء ولكن ايام السرور لا تدوم ويأتي هادم اللذات ليفرق الاحبة فعندما مات اخيها الكبير الذي قام بتربيتها صرخت من الاعماق بهذه القصيده الحزينة
رثاء في اخيها ماجد العاكور:

يالعين وش ذكرك حلم(ن) بعـد ليـل=لا تجرحيـن مغلـقـات الضبـابـي

يوم الضعايـن مـع بهيتـه مقابيـل=مـا كـن ابويـه ذاك الايـام غابـي

يشيلـنـي ماجد بعـيـد المناهـيـل=لو ثـوروا بالليـل الاظلـم سرابـي

قالوا معشانـا هضـاب ورى السيـل=والقـابـلـة نشرب خـبــار اللهابـــي

ويجر قلبـي جـر غـرب المحاحيـل=من فوق جيـل(ن) ماهـواه الغرابـي

ثـلاث قفنبـه وثـلاث(ن) مقابـيـل=وتنازعـنـه مبـعـدات الغـيـابـي

والله لولا الناس جيل(ن) ورى جيل=تحولـوا مـن ناطحـات السحـابـي

لعول عويل الخلـج عجفـا مخاليـل=واعوي سـوات مجوعـات الذيابـي

عليك يامنهـو سـرى تالـي الليـل=طاف الحـرم مـا رد فيـه الجوابـي

كنـه هديـب الشـام روز المحاميـل=شيبـه ينافـس مفرعيـن الشبابـي

وسلام يا روحه عليها الثـرى هيـل=وسلام يـا قبـره لـو انـه ترابـي

سقـاه مـن نـو الثريـا همالـيـل=والا مـن الجـوزا سكوبـا سهابـي

سماك ابويه مجد يا طلعت سهيـل=وبالعـون مـا سماك ماجد وخـابـي

عيبه ليا قالو هـل العـرف حلحيـل=زيـزوم ربعـه فاليـال الصعـابـي

اربـاع بيتـه للنشـامـا مداهـيـل=واللي حظـور(ن) يرقبـون الغيابـي

يرفـا خلـول قليليـن المحاصـيـل=سـوات مـن يرفـا قديـم الثيابـي

وليته حصلـي مـن عميلـه بتبديـل=والا مـن المعـروف جانـي وهابـي

لا والله اللي راح يا حيل ابـا الحيـل=قفـا وخلانـي عطيـب(ن) صوابـي

وخلى الحمام اللي على شاطي النيـل=وانا علـي الميـل ماحـدن درابـي

حتيش لو جونـا المرازيـق وهذيـل=لابـه وهابـه والمناسـب عـرابـي

لو جو على الصلفات والا على الخيل=ومجنديـن(ن) بالتفـق والحـرابـي

ولو جـا لهـزات المدافـع زلازيـل=والا سيـوف الهنـد منهـا تجابـي

ولا والله اللي راح يا حيل ابا الحيـل=وانـا دموعـي يـا .محمد شـرابـي

ونصبر بصبر ايوب يوم ادبح السيـل=واجبر عزانـا يـا جزيـل الثوابـي

وصلاة ربي عد مـا دحـرج السيـل=على شفيـع الخلـق يـوم الحسابـي

ومرت على منزل اخيها الذي كان كثير التهجد والعبادة وقرأة القران وكان معتاد ان يقرأ القران تحت ظلال منزله ..فعندما رأت مكانه خاليا هاضت قريحتها بهذه الابيات الحزينة التي وجهتها الى احد ابنائه:

ياليت ساير سالني قبـل لا سيـل=يا مسندي دار الفلك مـا صفالـي

اكبر على الدنيا غلـول وغرابيـل=اللي جرالـك يـا حبيبـي جرالـي

ويا ما فرحنـا والليالـي مقابيـل=وياما سقتنا مرهـا عقـب حالـي

ويا بيت وينه شمعتـك والتهاليـل=وش عاد تبغـا بالدفـا والزوالـي

وين التهجد كل مـا هـود الليـل=ومتابـع الختمـة مميـل الظلالـي

وين الشحم والرز والبـن والهيـل=وسوالف(ن) تبري الكبود الغلالـي

لو كان فيك البدر والجدي وسهيـل=ياما طفـا نـورك ويامـا غدالـي

يابو.متعب طيري ضرب غبة الليل=قطع سبوقـه وامرسـن الحبالـي

كنيت مابي وانفجر عنـدي الكيـل=وابديت مابي مير ما حدن شكالـي

قفا وقفوبه علـى الفـور حلحيـل=وخلو ثقيل الروز وحد(ن) لحالـي

وراه برمي العقل رمـي المناديـل=وتصافقه عـج الخريـف المتالـي

واصيح وابدي في طوال الاقاذيـل=واصفق بكفينـي يميـن وشمالـي

ولا ترحم العبرات ولا ينفع الويـل=ويا رحمة اللي فالمراقيـب عالـي

وانخا مناعير المرازيـق وهذيـل=وقالوا قدر ما عاد فيـه احتيالـي

ولو انها بالحرب ومطـارد الخيـل=شفتي لنا دون الطريـح اعتكالـي

ونحول دونه بالسيوف المصاقيـل=ودونه نبيع الروح لو كـان غالـي

وصلاة ربي عد ليل(ن) ورى ليـل=واعداد من شاف القمر والهلالـي

وقدر الله بان تفقد اخيها الثاني والذي كان اقرب الناس الى قلبها ...فعملت حوار جميل بينها وبين احد احفادها....وفيه تسال عن اخيها الذي اصيب بمرض عضال...فكان هذا الحوار المحزن... الشيخ محيسن بن مضحي

ياخالد .بشرني عسى فالكم زين=وعسى ابو خالد فالشفاعة منـادي

وسلامتك ياجوهر القلـب والعيـن=سلامت(ن) تبري عليـل الفـؤادي

اعداد ما سروبها الهنـد والصيـن=واعداد ما طارت سروب الجـرادي

فرد حفيدها الصغير بهذه الابيات:

لا والله الا راح لا عاد ترجيـن=اجبر عزانا يـا كفيـل العبـادي

عساه في خضرا سوات البساتين=ينهل حلاها من شراب(ن) وزادي

عليه ابو خالد وربعه كسيرين=لا وا خسارتنـا نهـار العيـادي

فردت على حفيدها بهذه الابيات التي اتضح فيها كيف تلقت الخبر المفزع وما هي ردة فعلها...اترككم مع الابيات:

وياسين يا خويه على الزين يا سين=يجهش سوات السيل مع كـل وادي

وياسين يا خويه على الزين يا سين=يا طير شلوى يالشجـاع العنـادي

وياسين يا خويه على الزين يا سين=يا طير شلوى يوم حـل الهـدادي

يا حيدنا اللي نايف(ن) بين حيديـن=ويا سيفنا من مرهفات(ن) حـدادي

مشيت درب ما مشـوه السلاطيـن=وطلعت حيد(ن) ما رقـاه المهـادي

الا انت يا محسن مـن اول وذلحيـن=ومن يوم انا طفل(ن)علي المهـادي

ابكـي وتبكيـك البكـار المزاييـن=ويبكيـك حيـا ظاريـا بالجنـادي

ويبكونك الاجناب والربـع الادنيـن=ويبكيك اسير(ن) فالمحاكـم يقـادي

وعليك عكفان الشـوارب محازيـن=ولبسو حدادك حضرنـا والبـوادي

هذا تعديل وتعبية فراغات كانت دامرة الموضوع والذي جعلني اعمل التعديل هو انتقاله في عدة منتديات بفراغات وحذف اسماء كأنه الموضوع اساساَ عيب هؤلاء شاعرات مفلقات كانوا يستشهدون بأشعارهن شيوخ قبائل على احداث جسام
يقولون قالت نورة ال ثابت في هذه المعركة
مثل قولها في مقتل جري بن سدير الهذيلي قتل في الجوفاء
يا عزتي ياجري ما زين حلاياه = لونه جميل وفوق متنه مغيظه
السود فال اللي حضر من دناياه = سود توديها النضا كل ديره
يطري علينا لابدينا حجاياه = وان ذارنا من يمة الخوف ذيره
ياكثر صيد قطان من غب فرقاه = وياما حوى من مغزل مستذيره
ادخل على الله من يسوي سواياه = ستين ظبي بدرجةِ مستديره
ذبح له 60 ظبي بدرجة واحدة يضرب الظبي في الكتف وتنشب الدرجة في الكتف ويطلعها مرة اخرى ويستعملها ولم تضيع منه الا بعد 60 ظبي
وشديد ابو عضيدة تراهن هو واحد السميان على من يحفظ بندقه في عضادة الظبي وجلسوا شهر كل منهم يصيد من الظباء وبعد شهر اتى السمي بيدمان الظباء التي ذبحها ميقارب 15 ظبي واتى جري بتسعين يديم كلها مضرابها في العضيدة وسموه ابو عضيدة وعقبه الآن يسمون العضادين
كذلك تقول منيرة الحمرا الهذيلية
ياظبي لا تجفل تراني منيره = الظبي ما ينكر حليه ليا جاه
لاتنكر الاساحكين الذخيره = سرور والا واحدِ كنه اياه
والا مثل جروان حامي الكسيره = اليا انثنى بام الخشيب المحناه

حجز مقعد للتصفح تسلم وبارك الله في الكل

سلمت يا ديسكفري

بيض الله وجهك وفعلا مواقف مشهوده بالبطوله والشجاعه

أعذرني ما قرأت إلا فقط مقتطفات

ولي عودة مع الموضوع المفيد

يعطيك العافي

شكرا لك الحقيقه انك دسكفري اسم على مسمى وقد صعدت الى السماء وتعليت بهدي القصص والأبيات المميزه فلا حرمنا من تميزكم فشكرا على اتحافنا بقصص الشاعرات من جداتنا

سلمت آنآملكـ اللؤلؤيه على
هذه المُشآركه المتميزه
يعطيك العافيه
تحيآتي ،،،
[BIMG]http://h5l5.com/vb/mwaextraedit4/extra/28.gif[/BIMG]

الأخوان اشكركم جميعاَ على هذا الاطراء والله يعطيكم العافية

موضوع رائع و مفيد .......... بارك الله فيك

موضوع رائع وجميل
بارك الله فيك اخوى

هنا يطيب لنا البقاء ..
و نفخر بوجود الشاعرات العفيفات ..
و مثل ما قالت ساره العاكور رحمها الله ( اقولها بمعشي الطير والذيب .. ماقولها بالعشيق و بالغرامِ ) !
تكتب النساء شقائق الرجال ولا يخشين شئ طالما ان قصيدهن يرفع الرأس ..
قرأت الموضوع الاول و غضبت من عدم ذكر الاسماء و كأن بالموضوع ما يعيب ولكن سرني موضوع
ديسكفري .. هكذا نحفظ حقوقهن .. و لم يذكر هنا ما يجعل الرؤوس تنحني إنما والله وجدت ما يرفع
الرأس ويثلج الصدر ...

يوجد خطاء في قصيدة ساره المضحي العاكور ..
و هو بيت
يا خالد بشرني .... الخ
الصحيح ( يا نمر بشرني عسى فالكم زين ؟!
عسى لـ محسن بالشفاعة منادي ؟! )

...
رحمهم الله واسكنهم فسيح جناته !

ماهـي غريبه على الهذلان.....اهل الادب والشعر كله

الشعر له ساس وله عنوان.....وقبيلة هذيل ساسٍ له

فيهم بـلاغـة وسِحـر لسان.....وكلـن على طبعه ودله

حـتى الـوراعيـن والنسـوان.....لله .. بــس درهــم لله

مطرفي من هذيل

لم انتبه لقولك ( فتح الحجاز )
هل تعرف معنى الفتح ؟
الان قلنا من فتح الحجاز ؟
الا تعلم ان جميع الفتوحات الاسلامية في مشارق الارض ومغاربها انطلقت من الحجاز ؟
الان يأتون سفهاء الاحلام ويدعون فتح الحجاز