المقنــــاص ....:

السلام عليكم

مشاركة اتمنى ان تنال على بعض استحسانكم .


يا ذكريات القناصه لو حصل للناس نسيان
نذكرك بعد البطا بالقول والا بالكتابه

يوم ان كلا يسوق الذكريات اشكال والوان
ذكرت علمً ينومسني وغيري من مشى به

ياما حلى مع شروق الشمس بادى راس مزبان
السامى اللي عسر ماكل قناصً بدا به

ممشاي له مع توالي ليل قبل الفجر مابان
ولا معي إلا حزامي وأم دقه بالإصابه

كل اعتمادي علي الله ثم صفرا تقضي الشان
شريتها بالغلا يوم الغلا ما أحدً شرا به

قبل اشتريها وأنا عندي لها صندوق مليان
زاد المزاغيف حزمه من يفكوك النشابه

سلاحنا اللي نصونه لو يهوم الوقت ماهان
نحفظ جميله علينا لو يكلفنا زهابه

من حبنا له زحمنا به غلا مدعوج الأعيان
من غيره اللي على جنبي تنوح به ركابه

امن الشحم نكرمه لو كان بطن الذيب جيعان
تلقاه لاوي على الكرسي كما تلوي العصابه

واعقاب اعاقيب واذناب الذياب وروس عقبان
امعلقه تحت مقدمها ولع ماهي لعابه

عادة عرب جيت ابين محتواها قدر الإمكان
فيما يلي من بغا ينشد تكفيه الإجابه

للقنص عشاق تستهوي علومه وين ماكان
هواية القنص قد ولع بها حتى الصحابه

القنص فسحه ومتعه مستحبه عبر الأزمان
الناس تهرج بها مير الصور عيت تشابه

عندي لها فلسفه والفلسفه كله على شان
نكشف مزايا الذي من حبها نمشي عصابه

تلقى هل القنص ناس الله عطاهم صبر وإيمان
من طبعهم مايحبون التسرع والطلابه

الله حباهم بميزه قل ماتوجد في الإنسان
كلاً يقدم خويه كان رب الصيد جابه

وليا مشو ديرة الأجناب ماباتو مسيان
كلاً تحوف الخطر عينه كما دهم الذيابه

وليا استمرو في طرقتهم ومدلول التعب بان
تلقاهم احرص على صحتك من قوم الطبابه

وليا استراحو رمو با الهم والضيقه والاحزان
بعيونهم تصغر الدنيا ولا تسوى ذبابه

كل السوالف عن انواع الطرايد وام نيشان
والمستجدات في انواع الرصاص وكم حسابه

ماسولفوا في الخوي مهما حصل زايد ونقصان
اقلهم يدمح الزله ويرفع من جنابه

اخوان قامو بواجبهم ولو ما كانو اخوان
ادناة واحد يقف ممنون لو تطلب ثيابه

صفوه في الأخلاق والخوة وهم للطيب عنوان
تجمعهم اقدم هوايه والهدف كسر الرتابه

منها تعلمت بان الادمي قافيه سلوان
احيان يعشق طرب واحيان يعشق من رحابه

يالايمي خل عنك اللوم واعرف حق الابدان
المقعد اخطر على الرجال من شلاع نابه

والخوه اللي تجمل مكسبي ماني بندمان
كم حصن بانيه وليا احتجت له مفتوح بابه

من كل ديره معارفنا ولا مخزي وشيطان
نعم الرياجيل من خندف ومن حضرة شبابه

والطِيب ماهو محدد في وطن في كل الأوطان
والقدر في الصدر واللي مايكنه ماحضا به

هذا وتجهيزنا للقنص يبدا شهر نيسان
لامن غدت ريحه البله كما ريح الشذابه

اختار لك ديره فيها الشجر سمره وضهيان
ومن السلم والشقب والنبع غابه سد غابه

وجهه خلا مابها رعيان لا معزا ولا ضان
ماحولك الا اخوياك اللي مخوتهم مهابه

الديره اللي يميزها هواها مثل عروان
والا ممالك " زميّم " يوم دالات الحرابه

عطا الله القارحي

صح الله لسانك يا اخوي
واعتلا شانك لا هنت
شوقتنا للبر

وعليكم السلام ورحمة الله وبركاته


ارحب يابو روان

صح لسانك ملايين ولا يكفون

شعر اصيل من شاعر اصيل

ارجعتنا الى الماضي سنين طويله جدا

لا عدمناك يالغالي ودام التواصل

اللهم صلي على محمد وعلى آله وصحبه

قصيدة في تمامها وأكمل صورها


تسلم يالذيب

الله الله

بيطار القوافي الإبداع لا يأتي إلا من مبدع قصيدة في غاية جمالها وصف ونصح وإلتجاء إلى الله ، يسلم هالراس يابو عبدالله .

تحياتي .

اللــــه أكبر

عيني عليك بارده


جزله بكل ماتعنيه الكلمه من معني

ومن شاعر أصيل جزل

تجسد كل معاني الأصاله

فالك الأبداع

يالقارحي


تقبل مروري وتقديري

صح السانك قصيده فيها ابداع واصور رايعه

تقبل مروري وتحياتي

هيّـض عليـه صـلاة العصـر بـادي راس مـزبـان
السامـي الـلـي عـسـر مــا كــل قـنـاصٍ بــدا بــه
ممشاي له مع دسامر ليـل قبـل الصبـح مـا بـان
و لا مـعــي إلا حـزامــي و أم دقــــه بـالإصـابــه
كل اعتمادي علـى الله ثـم صفـرا تقضـي الشـان
شريتهـا بالـغـلا يــوم الـغـلا مــا أحــدٍ شــرا بــه
قبـل اشتريهـا و أنـا عنـدي لهـا صنـدوق ملـيـان
زاد المزاغيـف , حـزمـة مــن يفـكـون النشـابـه
سلاحنا اللي نصونـه لـو يهـون الوقـت مـا هـان
نـحـفـظ جـمـيـلـه عـلـيـنـا لــــو يكـلـفـنـا زهــابــه
مـن حبنـا لـه زحمنـا بـه غـلا مدعـوج الأعـيـان
مـن غيـره اللـي علـى جنـبـي تـنـوّخ بــه ركـابـه
امن الشحم نكرمه لـو كـان بطـن الذيـب جيعـان
تلقـاه لاوي علـى الكرسـي كمـا تُلـوى العصـابـه


الله الله

صح لسانك يا شاعرنا الكبير عطا الله القارحي

قصيدة رائعة جدا ولله درك

ياسلام ياعطاالله
شعر أصيل من أصالة شاعره عطاالله القارحي
قصيدة على لحن المجرور أكثر من رائعة
وبها علوم غانمه

تدري عاد القصيدة هذي تصلح تكون في مجلس التراث الشعبي
ماشاء الله عليك
صح لسانك وعلا شانك وبيض الله وجهك على هذه الجزلة اللي ماهي غريبة عليك

السلام عليكم ورحمة الله وبركاته


حيالله شاعرنا الكبير ،، عطالله القارحي


قصيدة جميل ،، وخصوصا طرقها،، جميل جدا...

عطالله شاعر يقيمنا ،، وشاعر بحجم عطالله ،، لايقال له إلا..

صح لسانك ،،، مبدع


دائما ننتظرك،،، وننتظر جديدك


تحية طيبة

وعليكم السلام ورحمة الله وبركاته،
صح لسانك وعلى شأنك ، شاعر ومن بيت شعر وعِرف وكرم.

تحياتي وتقديري لشخصكم الكريم ،،،

وعليكم السلام ورحمة الله وبركاته

وقت المسير .......وصف البندق ......استغراب من خلو الديار وهجرها

وصف الديره .......وصف حالة البدو قديماً .....أهم شي ذبيحة الضيف

أسباب الإبتعاد ........جزاله .......جزاله ..........جزاله

صح لسانك الين ترضى ياعطالله

وتقبل مروري وإعجابي .

صح الله لسانك يا عطالله