محاورة للشاعر عبدالحميد الفهمي وحبيب العازمي
حبيب العازمي
الليله أصحابي الشعار فيهم بلا ^^^^ اللي يقدم قدم واللي يريوس ورى
إن أقبلوا ياهلا وإن روَّحوا ياهلا ^^^^ ما يوجد أكثر من الحجاج في أم القرى
عبدالحميد الفهمي
وشفيك يا عازمي زعلان بين الملا ^^^^ والناس مستغربه ما تعرف اللي جرى
نبا نحاكيك مثل الصاحب اللي أولا ^^^^ وإنته لبيب وتعرف البيع والمشترى
حبيب العازمي
لو ان صدري ليا اوحيت الكلام إمتلا ^^^^ يمكن قتلت البعير وصاحبه ما درى
انا بعلمك وإليا قلت لا قلت لا ^^^^ والحنظله ما تطول بعرقها في الثرى
عبدالحميد الفهمي
أخاف في تالي الأيام تطلع جلا ^^^^ لكنك احسب حسابك وإلتزم في العرى
يسهر طوال الليالي من يريد العلا ^^^^ وانته تعلم معلم قد كتب قد قرى
حبيب العازمي
ما ني بمجنون أطش عمامتي في الخلا ^^^^ ألم ترى ما حصل يمكن ترى ما ترى
كم واحداًً صارع الدنيا وروَّح ولا ^^^^ ما غير ماتت ذلوله والصميل انفرى
عبدالحميد الفهمي
ما انته بمجنون لا كن ذقت مر وحلا ^^^^ واليوم ما عاد ندري من قعد من سرى
وش صار في البصره وبغداد والموصلا ^^^^عليه تحليق طيارتها الكبترى
حبيب العازمي
كلاً يحب الحيا كلاً يحب الغلا ^^^^ يا جعل نبت الربيع يسمن الفطرى
تبي الصراحه فأنا ما جيت من كربلا ^^^^ اسمع يقولون حرب الحصني الأزهرى
عبدالحميد الفهمي
انته حبيب وعنك صويحبك ما سلا ^^^^ مسموح لو تغلط وياليتك تعمرى
يمكن معك علم والعالم تبى تسألا ^^^^ وان كان ما معك علماً جمٍّل وتشكرى
مـنـقــول بـتـصـرف مـن مـوقـع الشــاعــر عـبـدالحـمـيد الفـهـمـي
التوقيع |
ربعي الفهوم اللي تجي كـل ميـدان=قـوم السيـوف ومتعبيـن الجيـادي
والبندق اللـي حبتـاً فـوق نيشـان=ياكم بدت به فـي وجيـه الأعـادي
تفقد وتفقـد طيلـة الوقـت فرسـان=كم واحـد مـن دون مالـه يفـادي
بالروح يـوم الـلاش خلـوه طيـان=لاسـد عـن مـالـه ولا ذاق زادي
اعطيت نبذة عن ربوعي ومن كـان=ينشـد يحصـل لـه علـومٍ جـدادي
اللي عطيتـه يعتبـر بـس عنـوان=لكـن يوضـح مقصـدي والمـرادي |
|