مية بيت رجز بالشهيدة سمية

بعض العرب منهم خطية
لو يشتكي للخارجية
من يسمعه بين البرية
الا عليم الحال والي

والشعر تعلو به سمية
ام البيوت العالمية
اللي سوات الشمس حية
اليا اسطعت بين الخيالي

والشعر له روحة وجية
ومهوجسة بي بالعشية
اعطر من زهور ن زكية
كنهْا كما نعت الغزالي

بين الرياض المخملية
ركضاتها جملة بهية
عاشت بطيبات اعربية
وانوارها ضي الليالي

مثل العيون الهاشمية
عاشت بلا ريب ورزية
بحجازنا ياناس ضية
شمعات تضوي باشتعالي

لاحلت بشعري تحية
وتعيش مع روح ن هنية
تسلو بها بين الرعية
وانا اللي جمّال الجمالي

يالغالية وانتي علِية
نحماك ِ يوم يطيش عية
ولاتصل يمك بلية
ياللي سوات النجم عالي

وش همنا جلاب سية
لو ينظم ابيات ن غبية
حنا رياجيل العنية
وابياتنا مثل اللآلي

يحرسك ِ وهاب العطية
يانور شعشع باي نحية
طبعك ياطيبه والسجية
من روس صلبين الرجالي

يانسل الابطال الأبية
جيتك ونيراني ورية
والطم ّ عيون ن غوية
لو ينظمون اهون خيالي

واحنا حمينا كل هية
والبعض لو عاشت سلية
لاياصلون اخو وخية
اسرة صحابة نسل غالي

وطبوعهم تسمو جرية
ورماحهم نارن صلية
يحمون خليان ن خلية
ويهابهم سبع الجبالي

لو هم بوسط ارض ن سنية
هم غيث يالناس العمية
ريّه يغطي كل ريّة
مثل المطر بايات حالي

لامن هطل بارض الحوية
ويسر الابطال العصية
اللي محازمها ملية
والخصم ياطايح ياجالي

ياللي تعابط طب شوية
والا يحطونك شوية
وجبة لراعي الزمزمية
اللي شرب مير الحثالي

مير الطرب والسمسمية
لانستمع منها نوية
تاصل سمية باي روية
والا الزعل جاكم بصالي

هي طير بهجوس ن زهية
لو العرب تنظم رهية
اميرة اشعاري ولية
والرب ياشعار والي

كل العرب منها طمية
كنهم طعام لراس حية
تاتي وتنسيني المعية
من صحب والطيبة ببالي

واللي تماثيله لوية
سوات عنزات ن شهية
لو شاشته مثل الخلية
تنباع لو كان بريالي

لاجل الهجوس الغشمرية
تنساب وتحل النجية
وتطيح راية عنصرية
لازالت وجيه الضلالي

والموت له بغتة وطية
والويل من يوم المجية
والمخطي سار بلا حمية
تلطم به ابطال العيالي

يربض بتابوت المنية
لو هاجم اللاعب شلية
نال المرارة والصبية
بنت الكرم نور ومنالي

طبوعها سكّر حلية
بعيوني هاي ومتن تية
شجرة بها تمور ن جنية
برحي خلاص بغير مالي

سارت لجنتها ب نية
بين العيون اجمل بنية
واليا اسكنت تضوي عنية
حلم العمر مااحسن نوالي

لو اسمها وسط الهوية
وهي الغمامة اللي روية
وانا بهواجيس وسرية
بحمي وللرمح استلالي