قصيده للشاعر / مستور بن طميران المطرفي.

السلام عليكم ورحمة الله وبركاته..,
هذه قصيده للشاعر الوالد / مستور بن طميران المطرفي رداً على احدى قصائدي ويقول فيها :


جتني رسالتك العزيزه من الراس
قريتها والعين تذرف دموعي
واقول يابني عسى تسلم الباس
يشفيك علام السجود الركوعي
ابوك مايقبل شماته من الناس
واليا اذكروك بسؤ قلبه يزوعي
ابيك تنفعني بعد شيب الراس
من الزمان اللي فعوله تروعي
البيت مصبوباً على قوة الساس
ماسقفوه من الخشب والجذوعي
واللي يبى النوماس له قلب حساس
قلو زحازيح الرجال البتوعي
وإنكان كسبي تالي العمر الافلاس
مافات يامصعب عليه الرجوعي

وسلامتكم.

جزله جزله

صح لسان الشاعر مستور المطرفي

قصيده نابعه من القلب


تحياتي

صح لساااااااااااااااااااان قاائلهاا

صح ابدانكم ونعم والله فيكم ولا يقيم الشعر غير راعيه والله يطول في اعماركم وتسلمون.

صح لسانه

قصيدة جزلة

بيض الله وجهك

	المشاركة الأصلية كتبت بواسطة أبو رديد

	صح لسانه قصيدة جزلة بيض الله وجهك

وانت جزل وبيض الله وجهك يابو رديد وعساك على القوة يارب.