الشاعر حامد القارحي ومستور السفياني

حامد القارحي
يا مرحبا و اللي بوسط القلب يبديه اللسان
هذي التحية للضيوف الحاضرين أبدا بها
الليل يا مستور نبغاها حرابة من زمان
واشعل فتيلتها و قول النار من شبابها
مستور السفياني
دام البقا ياأهل الوفا و الضرب في روس السنان
لا تحضر الدلة ولا تزهم على صبابها
إحنا حضرنا و السوالف دايرة في هذا المكان
ما تقطع السكين دامت ف جرابها

حامد القارحي
قالوا لنا مستور هذا اللي سرق سرج الحصان
قصة غريبة وإن نشدته ما يعرف أسبابها
وانا على حدي ولا بنشد فلان ولا فلان
ماني مكلف بالذي ودا العلوم و جابها
مستور السفياني
احسب حسابك لا تذوق الموس براس اللسان
رد المدونية بعد جاكم لها طلابها
يا كبر يدك مير ما مدت على طيب الدهان
و الجثة اللي ميتة وش فايدة ف ثيابها

حامد القارحي
أنا طبيب الجرح وانا أعرف علاجك يالجنان
مير العلوم المخطية ما حد فتحلك بابها
ياليت خصمي يا جماعة خير عبدالله سنان
أما أنت يا مستور دقنك ما تظل أشنابها
مستور السفياني
ترى السمينة يا ولد قارح تقدم للسمان
لا تنبش الحفرة ولا يعلق عليك إترابها
سلّم رسنها بيد غيرك ثم خليها بأمان
إليا ركبنا ظهرها يالقارحي .........

حامد القارحي
حنا لنا وجهة نظر يا ذيب و الطيب يبان
و الجملة الزينة نعرف إحروفها و إعرابها
أنتم بقايا من ثمود و عشركم صارت ثمان
و الخيل ف الميدان ما يعجز بها ركابها
مستور السفياني
تبغي تترجم للعرب لكن يبغي لك ترجمان
إرضى بها يالقارحي ولا غصب ترضى بها
إنت السبب ف المشكلة جايب لنا جنكيزخان
أخذ عليكم من غنايم في يده وأقفى بها

حامد القارحي
مادمت ضيف الحفل يا سرحان فابشر بالأمان
أعطيك كلمة طيبة و تقول وش نبغابها
حنا كسبنا معركتنا وانت تنظر بالعيان
ما هي غريبة لا كسبناها و حنا أصحابها
مستور السفياني
ظلمت نفسك ما كسبتم شي و علمي بالبيان
أقفت مطاياكم و عان الضرب جوف إرقابها
إن كان جابوا لك بعد ما جوك خوخ و برتكان
تكتب جميلة فيك و النجمة على مرقابها

والله العظيم يعتبر الشاعر الكبير حامد القارحي لوحده وانا قاصدت مستور واعرفه الله يستر عليه

اشكر لك مرورك




وتقبل تحياتي

بارك الله فيك

وبيض الله وجهك


يعطيك الف عافية

تقبل مروري

السلام عليكم ورحمة الله وبركاته

ماشاء الله عليك اخوي الشاعر رايد .....ماتختار إلا الجزلة وراعيها .

والشاعر القارحي ونعم فيه وبيوته جزلة لاشك ..

حنا لنا وجهة نظر يا ذيب و الطيب يبان
و الجملة الزينة نعرف إحروفها و إعرابها
أنتم بقايا من ثمود و عشركم صارت ثمان
و الخيل ف الميدان ما يعجز بها ركابها

ونعم أيضا في الشاعر السفياني :
تبغي تترجم للعرب لكن يبغي لك ترجمان
إرضى بها يالقارحي ولا غصب ترضى بها
إنت السبب ف المشكلة جايب لنا جنكيزخان
أخذ عليكم من غنايم في يده وأقفى بها


الله يوفقك أخوي رايد .

محاورة جميله لشاعرنا يعطيك العافيه اخوي رايد

اخوي رايد



تقبل مروري