بيني وبين العرابـــــي """ رديـــــه """

[align=center]السلام عليكم ورحمة الله وبركاته

الشاعر / عبيد الله العرابي

شاعر كبير بشعره وبخلقه . كانت لي معه هذه الرديــه " بمنتديات اهلاً نت " اتمنى ان تنال استحسانكم ..,

"
،[/align][poem=font="Simplified Arabic,5,darkblue,bold,normal" bkcolor="transparent" bkimage="backgrounds/33.gif" border="outset,4,gray" type=2 line=0 align=center use=ex num="0,black"]

ما يميّز معدن الرجال لين اليا نخيته=تاجد اللي يحتويه من الشهامه والرجوله
ان تباشر بك بفرحه كل ما تطلب لقيته=و ان تلفت في جنوبه كُن سرك لا تقوله
و الحذر تستعجل الاحداث تهدم ما بنيته=والرجال اتقدر المعروف والدنيا جهوله
يا الله انك لا تحملني بذنبٍ ما جنيته=والرضا محمول " والنيه على الطِيب امحموله "
و الضمير اللي يطاوعني ولا آنا ما عصيته=قال لا تعطي ولا تاخذ من المُفْلس عموله
اتركه لو جاك راكب بنز , و اركب بسكليته=المهم ان التخلص منه ما هو بالسهوله
والكلام اللي علا معناه بعته و اشتريته=والكلام اللي بلا معنى تركته للطفوله
نادر المكتوب تلقى فيه لامنك قريته=مثل قصة متهم غايب يحوم الشك حوله
يا " عبيدالله " سلام الله سلامِ ذاع صيته=والسلام بسنة الإسلام ثابت من رسوله
والسوالف بيننا جزله , وعمري ما نسيته=لازمين احدودنا و وجيهنا ما هي امغسوله
شفت لي مكتوب والمكتوب ضني ما نسيته=فيه من قصة ولد يعقوب في عرضه وطوله
انتبه تزعم بدم الذيب و انته ما رميته=الجبل من يمنا مقعود يا مصعب وصوله
ومن يدق ابواب خلق الله دقوا باب بيته=والقصاص اللي يرد الحق من سر البطوله
يا العرابي لي عليكم حق و انته ما عطيته=يوم جا ميحال ديانك عطيته من حثوله
احسب انك كنت حقاني و اثَرك اللي غبيته=طيبك المعهود خلاّ نيتي فيك امعسوله
لين نبهني منبه خير قال إما خذيته=العرابي كل ما شافك يبا يشعب ذلوله
قلت لاحق خير عندي الحل لامني بغيته=كلها " انترنت " و ارسلها على اللي صفقوا له
والسلام ختام , والمقصود مثلك ما قفيته=غير بالمعروف "والنيه على الطيِب امحموله "

"
,
** عطا الله القارحي **[/poem]
[align=center]"
"
"
,
رد الشاعر // عبيد الله العرابي
"
,[/align]
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/33.gif" border="outset,4,gray" type=2 line=0 align=center use=ex num="0,black"]
يامنادمني ولايمني علـــى ليلٍ سريته=لاعلى قلبك هموم ولا على بالك حموله

مستريح ولا بلاك الوقت حتى لو بليته=هاجسي ماقد نسي وأدري برده من قبوله

السهر لو هو جمرفي سكة الغالي وطيته=والبحر كله ثلاث حروف وأثر الهول هوله

والأوادم في حياه قلوبها حيّه// وميته=والمفيد المختصر ماآعامل المقبل بزوله

والعدو لو ماغزاني يمكن إني ماغزيته=من يقول إني رميت الذيب وإيديه مغلوله!!!

ما أدعي بالكذب والموقف على كيفي حميته=بالوفا والطيب والمعروف لي صوله وجوله

ماحدانا الجوع للفوّال لو فوله وزيته=عند بعض الناس نعمه حدّها زيته وفوله

والحقايق واضحه والحق أعده ما أدعيته=أركب أعلى خيل من خيلك وطول اللي تطوله

بعدها يا أهل الكتاب اللي وصل لو ما أحتريته=مرحبا في مرحبا ماحال حول ودار حوله

عد من صلا وولاّ بإذن ربه شطر بيته=في خضوع وفي خشوع وعد من هو طاف حوله

ياعطاالله ماتنوّشنا الشداد إليا أعتليته=وآنت شاعر عندنا قوله يعبّر عن فعوله

راجع المكتوب لا تومي بباكورٍ حنيته=بعدها أبشر ياعطاالله لين مطلوبك تنوله

من عرض للسيل ميعانه نقول إله إمتليته=والفضولي فيه طبع ولا يجنب عن فضوله

والخطا نعمه يعلمك الصحيح إليا محيته=والدروب سهود وأحيان الخُطا تصبح عجوله

وإن نويت الطيب غيرالطيب عمري مانويته=لو يقولون الخطا يدوْش والأجواد هتفوا له

يالهذيلي علم اللي سرعته تقلب ونيته=إنهزم والمنهزم عيبٍ عليّ أطرد فلوله

قالوا إن البادي أظلم قلت علمي ما أفتريته=إن قنع برضاه يقنع وإن طمع يرجع قلوا له

راجع المكتوب واللي ترتضيه إنته رضيته=بعدها آبشر ياعطاالله لين مطلوبك تنوله

عبيدالله العرابي
[/poem]