تيك اوف... والوزير ......... واليوم الوطني - ::{ مجالس قبيلة هذيل }:: موقع يهتم بتراث القبيلة ومفاخرها

09-12-2007, 09:26 AM

كل عام والكل بخير

من زمان عن المواضيع بالفرفشه > توه يصحى من النوم

بدون مقدمات اخليكم مع الموضوع
7
7
7

كلفني بل شرفني مديري في العمل .. بتسليم احد الوزراء بطاقة دعوه لحضور حفل اليوم الوطني ويضم عالية القوم

وعند وصولي منزله كانت الساعه 8 مساء .. ولم يسمح بدخولي الا الساعه 9 وربع ... وعليها ربع ساعه انتظار

في مكتب معاليه ... وعند الساعه 9 ونص ... استقبلني وهو متوتر وماسك بيده الريموت ... وطلب مني الهدوء

والانصات لنشرة الاخبار ... حيث قرأ المذيع بيان من مجلس الوزراء بإعفاء الوزير بناء عاى طلبه ... وقبل انتهاء

الخبر سقط الوزير مغشيا عليه ... ركضت خارج المكتب ... اصوت للخدم ... ولكن لاحياة لمن تنادي ... وانا راجع

المكتب لفت نظري قارورة عطر على المكتب ... صرت ارش عليه ... حتى صحى .. حط راسه على صدري وجلس

يهذري بكلام مافهمت منه الا كلمة والله ماطلبت اعفائي !!! وجلست اطبطب عليه واهديه واقول هذي سنة الحياة

التفت علي وقال : انت من تكون ؟؟ قلت : انا جايك من الشيخ فلان يدعوك لحضور الحفل باليوم الوطني... قال : بس

وين اودي وجهي من اخوياي الوزراء ؟ قلت عادي عطني اياه !! قال : تنكت انت ووجهك والله زمان صار المواطن

ينكت مع الوزير !! اخذ الجوال .. لقى فاصلينه عليه الاتصالات ... قال .. ياحبهم للنكد حقين الاتصالات لحقوا يفصلون جوالي

قالي لو سمحت ممكن جوالك .. قلت ممكن بس لاتطول تراه بطاقة سوا .. جلس يطالع فيني بحقد ... اتصل على

السواق ... قال الو بشير معك الوزير ... قام بشير وقفل الخط بوجهه .. قال حتى انت يابشير .... طالع فيني

وقال وش رايك تمرني بكرى توديني الحفل ؟؟ قلت بشرط ... قال آمر طال عمرك ... قلت بشرط تعبي سيارتي

بانزين .... طالع فيني وخنقته العبرا ... ونزل راسه في الارض ومش خشمه .. وتنهد وقال : آآآآآآآه .... تيب ...

وقبل ما اطلع من عنده وبعد ما انتهت الاخبار طلع المذيع بكل برود وقال نأسف للمزحه الثقيله ... حيث حبينا

نداعب معالي الوزير ونقول كل كذبة ابريل وانت بخير قصدي كل يوم وطني وانت بخير ...

انا عضيت ثوبي ومسكت نعالي تحت ابطي توني

بانحاش مادريت الا ملحقني بالزبيريه اللي تمشي مليووووون ... وتصير مطارده حسيت ان ريقي نشف بعدها

ومديت يدي ادور المويه جنبي على الكومدينه مادريت الا انا خابط على الارض واقوم اسمي على نفسي

وبعدها حرمت اتعشى بروست

8
8
سحبات اليوم الوطني
تكبرون وتاكلون غيرها

تيك اوف > رابطن العلم السعودي ع شوشته

09-12-2007, 10:44 AM

هههههههههههههههههه حلوه الله يعطيك العافية

09-12-2007, 01:09 PM

هههههههههههههههههه
صح لاتتعشى بروست إتعشى أحسن لك خبز وجبن

09-12-2007, 06:05 PM

والله تسحيبه قوووووووووووويه

لكن انتبه ياولد العم لاتصير حقيقه بعدين

كلش الا المزح مع هذولا !!!!!!!

09-12-2007, 07:23 PM

هههههههههههههههههههه

الله يحفظك ان شاء الله

09-13-2007, 11:46 PM

السرواني يعطيك العافيه على مرورك

هذليه المشكله هاك الليله مواصل ومافيه الا البيك لكن بكره على الفطور نجرب الخبز <<<<< وجه فقر

ابو شموخ تعرف نمون عليهم على بالك اني لحيه قصيره يعطيك العافيه طال عمرك

اللحياني الله يحفظك انت بعد يعطيك العافيه

09-14-2007, 12:33 AM

ماشاء الله عليك لاعاد تروح برسايل للوزراء أحسن لك ترى بعدين
ماحنا مسئولين عنك لو صار لك مكروه .لكن بصراحة حلمك هذا يخبي
وراه أشياء كثيرة , وزارة وعز وجاه وبعدين خيبة أمل بسبب الإحالة للتقاعد
حسب طلبه وهو ماطلب حتى السواقين تكبروا عليه بعد التقاعد
وحتى المرسول اللي جاي له برساله يتشرط عليه يعبي له السيارة بنزين
ويقول له الوزير سابقاً طال عمرك وبعد ماطلع موضوع الإستقاله مزحة
رجعت حليمة لعادتها القديمة .
بصراحة هذا هو الحال ، حلم هادف ويحكي حقيقة واقعية .

مشكور أخوي تيك أوف لكن تكفى تكفينا شر أحلامك السياسية هذي تراها
تودي في داهية .

09-14-2007, 12:41 AM

اهلاا وسهلاا بك يابو حمدان

تعرف طال عمرك الافراد وعمايلهم السوده

اللي منسحب من خفارته واللي يمر عليه الضابط ويلقااه نايم واللي ظروفه ماتنتهي الكهرباء طفت وعيالي ماعندهم احد المويه غلقت ابوي مات هههههههههههههههه

لحسة مخ بقوه

هذا اللي يخليك توسوس

يارجال باقي لي سنه في الجامعه وانتهي ثم والله العظيم لاقدم فصل ونصير مثل ابو شموخ <<<< بس مدرس انقليزي

تحياتي لك يابو حمدان

وكل عاام وانت بخير

09-14-2007, 06:34 AM

عفواً:
طريق الطايف السيل من وين؟؟؟<<<<<يعني انه تايه ويبي يسأل بس

09-15-2007, 02:43 AM

اكيييييييد ماكل حراق , ترى له عمايله ( مجرب )

انصحك تاكل منه حبة واحدة على السحور << واحد نذل >>

ههههههههههههه

الله يعينكم يا أهل مكة على الزحمة من يوم الأربعاء القادم ويا كثر اللي

يبون يغيبون عن دواماتهم يوم السبت ويلحقونه باليوم الوطني

الرياض تبي تفضى ونفتك من الزحمة شوي

09-16-2007, 02:10 AM

تسحيييييييييييييييييييييي يييييييييييييييييييب
تقبل مروري

09-20-2007, 12:13 AM

حيا الله ذيب الفيافي

طرييق السيل بعد ريع مربع وانا اخوك بس خلك على هونك ترى الطريق بطناااج

واافي انا وش مسويلك تبيني اكل البيك وبعد حرااق

فتى بني يااس ايه انت شفت شي

يعطيكم العافيه

تيك اوف

امش يالنذل تبينا نبعج صومنا بعد الظهر

09-20-2007, 01:16 AM

قبل مده غسلت يدي منك

لكن الحين

هات منشفه لاني نسيت انشف يومها

تيك اوف لاين

بليز كلوز يور فيس

بيكوز يو ار كريزي

يعني

لا بأى تتكلم في زملانا الوزراء لا التفت لك ترى

09-20-2007, 03:48 AM

[align=right]تيك أوف فله 000فله00000فله0

من جد فله000فله000فله

أنا أشهد إنك فله000فله000فله,

يعني 000فله00000000000000000000000000000000000000000 00000000000000000000000000000000000فله 00000000000000000000000000000000000000000000000000 00000000000000000000000000فله 0

كما تدين تدان00000000000000ودمتــــــــــ ـــــــــــــــــــــــــ ـــــــــم0[/align]

09-21-2007, 12:28 AM

ابو سكسوكه لك والله لك وحشه

يالبا السكاسيك كل ابوها

كل عام وانت بخير

صعيب ههههههههههههههه

اهجد ياولد تراني فاهم وش تبي