قصيدة للشاعر محمد بن سالم الحساني في حفل زواج الأستاذ عبد الله بن عطاالله العلياني

[poem=font=",6,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مرحبا اعداد برقاً لاح في غزر المخائل =بالضيوف إلي لفو كلاً نقدم له تحيه
قلتها باسم المشايخ رحب مثل السيل سائل =قلتها باسم القبيلة في حلال آل عليه
عند شيخاً مركزه غالي وكساب الجمايل =نعم بك يابو حمادي وأنت قيدوم الرعية
جيت أبارك لك ياعبدالله يانسب الأصايل =بن عطاالله ياعسى أيامك سعد دايم هنيه
كل ممدح ربيعي الهذلان راسي راس طايل= كلبوهم في اللوازم نارهم في الوقت حيه
ذكرهم غالي رجالاً ماتشيل الحمل مايل =في اللوازم عسكر البارود لاجات الحميه
يشهد التاريخ للهذلان ماضين الفعايل =أهل شعراً جزل وأصحاب الكرم والمعرفيه
عزوتي خندف رواسي مثل مرسى أجبال حايل= وأفتخر لو أعتزينا بالعزاه الخندفيه
والقبايل والنعم مانهضم أحقوق القبايل= كل داراً بأهلها والعلم مايخفى عليه
عاش أبو متعب وأبو خالد لنا قاده دلايل =وحدوا الشعب السعودي راح عصر العنصريه
وعاش نايف فخرنا حلحيل يلطم كل عايل= سيفنا الواقي عمى العدوان لاجات الدعيه
عاشوا أخوانه وشعبه حاضره وقت الصمايل= كلهم جند الوطن تفداه وقفتهم قويه
ياالله أحفظ مملكتنا من شرور أهل المحايل= دولةً حكامها سارت على سنة نبيه
والختم صلوا على الهادي عدد خط الرسايل =النبي المصطفى شفيعنا سيد البريه
[/poem]

صح الله لسآآنه ..

وسلمت أـخوي محمد على القصيده ..

وعليكم السلام ورحمة الله وبركاته

صح لسان الشاعروعلا شأنه وبيض الله وجهه

وشكرا لك على النقل الرائع...

[i] مشكور ياخالد على مرورك الجيد وكذلك الشكر لعبادي على مروره الجيد ولا هو مستغرب على أبناء هذا الجبل الشامخ

صح الله لسان الشاعر

وسلمت يد الناقل

كلبوكم كفوا ياهذيل

[ماطر السويدي]

صح لسان الشاعر محمد بن سالم الحساني

وتسلم يدا محمد بن حميد على هذا الطرح

قصيدة جزلة من شاعر جزل .

وحبذا لوإن القصائد التي ألقيت في حفل

الشيخ/عطالله تدرج ضمن التغطية

التي أشرف عليهاالفارس حزين الطلعة

وهي الآن تحت الإجراء لوضعها بمجلس

مناسبات القبيلة.

فتقبلو مروري وتقديري

صح لسان أبو حمد على القصيدة الجميلة
وسلمت يدك يامحمد على النقل الرائع