هذه المحاوره بين الشاعرين / سامي الهذلي & خالد المريخي

هذه المحاوره بين الشاعرين / سامي الهذلي & خالد المريخي
في منتديات مشاهير العرب


(سامي الهذلي)

يامشاهير العرب فأول البدعه سلام
ياسلام الله سلام(ن) عساكم طيبين

في هذاه المنتدى الشامخ اللي مايضام
ودي اسمع من كلام الرجال الغانمين

(خالد المريخي)

مرحبا ترحيبةٍ تشدي لْبدر التمـام
باديٍ نوره على اللي بدا بدعه يبين

الكلام الفعل يا سامي الفعل الكـلام
عندنا تلقاه وإقلط على سمن وسمين

(سامي الهذلي )

البقاء ياللي ترحب ولك قدر ومقام
ماش فيك قصور والله على الدنيا يعين

جيت ابا اعلمك ياصاحبي وخذ العلام
كيف سوى القاضي اللي على الضلع الزبين

(خالد المريخي )

كل من قدّر مقام الرجـال لْـه إحتـرام
والمعين الله وننصاه في دنيًـا و ديـن

كان عندك علم حاول تفسّـر بالحـلام
وأنت في راسك لسانين فوق إذنٍ وعين

(سامي الهذلي )

راعي المعروف والطيب مافوقه ملام
والرجال الوافيه وافيه طول السنين

انشدك عن قاضي المحكمه في كل عام
يصدر الاحكام والناس ماهم غافلين

(خالد المريخي )

كان راع العرف عرفه ليامن طاح قام
ينعرف له عرف بين الرجال العارفين

كل قاضي يا جملنا بيمنـاه الخطـام
ويش قولك كان ضيّع حقوق المسلمين

(سامي الهذلي )

عارفين الحق والنور جللاي الظلام
واحسب احساب الليالي عسى قلبك فطين

مانذمه لو ماشي على حسب النظام
والعلوم مثبته من عليها شاهدين


(خالد المريخي)

كان راح الحق يحفظ حقوقه بإهتمام
يحسب حْساب المقابيل إذا عقله ذهين

الكرامة راس مال الرياجيل الكرام
والقلوب صْحاح واللعب به شدة ولين


(سامي الهذلي)

مايضيع الحق مع واحد(ن)صلى وصام
دون ماله محترص لا يسار ولا يمين

رد عقلك وافتكر فالحلال والحرام
والدروب اثنين والحق ما يرضي ثنين

&&&&&&&&
انتهت المحاوره,,,,,,

يعطيك العافيه على الموضوع الجميل

الأخ / سامي الهذلــي

صح إلســــــــــــانك يالغــالي

بدعت و أبدعت

وفقك الله و إلى الأمام يابو سعـــد

[grade="00008B FF6347 008000 4B0082"]اخوي سامي
صح لسانك
وبيض الله وجهك
ويعطيك الف عافيه[/grade]

الله يعافيك ومشكور على المرور

الكريم من شخصك الكريم

يـ فارس الدهما

الأخ / عابد الهذلي
صح بدنك وعساك عل القوه

الله يعافيك ومشكور على المرور

الكريم من شخصك الكريم

اخوي / جني هذيل

مرورك عل هذه المحاوره اسعدني

والله يعافيك و وجهك ابيض يـ الغالي

محاورة جميلة أنا شخصيا استمتعت فيها

صح لسانك اخوي سامي وإلى الأمام....

وتقبل مروري

صح بدنك يـ ماجد العميري على هذا المحاوره
ومرورك اسعدني وزادها اشراق ونور واتمنى
تواصلك الدائم من شخصك الكريم