محاورات الملك فيصل رحمه الله

محاورة جرت بين الملك فيصل بن عبد العزيز وهذال بن نفيع المطيري رحمهما الله


الملك فيصل :



هذال هذال يومنك سـرقت البعير= انتتم دريتوا عن الحكام و الا رقود


وراك ما خفيتها واناا حسبنك بصير= لين اقبضوك النشاما يالحصان العقود




هذال المطيري


يا فيصل الأمر لله ثم لك يالامير = ياولد عبد العزيز الحاكم بن سعود


انتم عفيتوا عن اللي شال حملٍ كبير=ما هو بعير بلوا ني به عيال القرود



وطلب الملك من الشاعر (طيب بن عدوان ) ان يكمل المحاورة مع المطيرى :




فقال بن عدوان :


علا مك ياالمطيرى يوم تسرق ناقة العتبان = تقسمتوا شحمها واصبحت عكتك ماليها


هذال المطيري :
تبى تلعب بغطاس البحر ياطيب بن عدوان = تبين خلتى وانتة فعول العام ناسيها



بن عدوان :
علامك يوم تدهاني وأنا صافى مع العربان = وانا رجل على وضح النقاء ماخطت مواطيها




هذال المطيري :


تصافق بك هبائب نجد وانت تطرد الغزلان =قضبت الصيدة اللي جودت رجلك بياديها



وعندما اشتد الحماس بين الشاعرين قال الملك فيصل :



ترانا يا جماعة ما نحب الفقش في الرمان= نبي الرمان صم وكل حبة بذرها فيها



محاورة بين الملك فيصل ولويحان رحمهما الله




قال لويحان :
هاضني براق ليليٍ تسارا = لاح برقه واعترض في كل ديره


يا طويل العمر كنا بالنهارا = الله اعلم بالبيان و بالسريره



فقال الملك فيصل :


شوفكم بالعين ولا بالخبارا = كود توهف لي على حروة غديره


خلنا باللوح بالمارد خشارا = و الخشير ملّزمٍ يخشر خشيره



فقال لويحان :


يا اشقر الجنحان يا طير الحبارا= أنت تـدري بالمـضره والبريره


اتعــذر مـنك زينـات العـــذارا = اسمحوا لي بالكبيره والصغيره



فقال الملك فيصل :
والله ان ودي مع الدرب انتـبارا = و السـبور تـروح قـدام المغيره


وش علامك تنحرف عني يسارا = ما تبي مجراي والشطه قصيره




فغيّر الملك فيصل الطاروق بطاروق فريد وغريب من نوعه :



خفا ما على مثل خفا ولو كان بتخفونها=اعرف القصير امن الطويل عسى القصر يكهل من بناه


وفا اللوح ولا ما وفا لزا شدها بمتونها = انا ما ادعيك بلا دليل ولا اضرب طواريق الفلاه



فقال لويحان :
طـــفا ســـوها عـني طـفا مقـالات لا تحـــيونها = تسامح عسى عمرك طويل ومن جاز له درب مشاه
صفا الوقت ولا ما صفا صعيبات واقصر دونها = ســبب حـملهم حملٍ ثقــيل ولا كل من شـــاله قواه

وهذي بيتين من محاوره بينه وبين شاعر من أشراف ليه

قال فيصل الله يرحمه

قبل تنشر بيارق بن سعود ... كل قبر تحطونه ولي

يوم جينا مع الديره سنود .... كل حاجر يغيض ويمتلي

رد عليه الشريف وقال

يوم جيتوا ولا الديره مهود ... عبدلي طرد له عبدلي

ليت عندي حمد ولا حمود ... يوم حارت لميحات الدلي

وعزموه الفتات في ليه وحطوا مفرشهم في حوش وصكوا الباب مايبغون أحد يدخل

وجا شاعر زايدي ولقي الباب مصكوك وجلس في جرين إلين تعشوا الناس وفكوا باب الحوش

ويجي شاعر من الزود كان يطب الملعبه ويبدع القاف

قال الزايدي

تعشت العربان وانا في الجرين ... لاعدت ياعيشه تغلق بابها

لولاك يافيصل إمام المسلمين .... ماجيت في ليه ولا في اشعابها

قال فيصل الله يرحمه عشوه وقدموا له العشا وتعشى وكمل معه فيصل القاف

قال

وين انت عنها يوم قالوا يامعين .... يوم السيوف محنيات رقابها

قال الزايدي

خانوا وربك مايحب الخاينين ... وافعالهم كل العباد أدرابها

يقصد خالد بن لوي الشريف يوم خان ولد عمه الشريف الحاكم في هاك الوقت

ترى مقتطفات ليست بالكامله فالملك فيصل كمى يحكى عنه أنه يحب الشعر والشعراء

مشكور يالحبيب

مشكور يا نايف اختيار جميل

للملك فيصل محاورات كثير وبذات مع لويحان

الله يرحمه ويرحم جميع اموات المسلمين ...

يالربع هذا البيت ماهو للملك فيصل البيت لشاعر هذلي

تراانا يا العواني مانحب الفقش في الرمان = نبى الرمان صم وكل حبه بزرها فيها


وهذا الرابط


http://www.hothle.com/vb/archive/index.php/t-19625.html

يوم جينا مع الديره سنود .... كل حاجر يغيض ويمتلي
اللي رد على فيصل فيها واحد ازوري من الازاورة اهل لية وليس شريف

رزق الله + قرناس + مساعد + مشهور


اشـــــــــــــــــــكركم جميعا" لمروركم وتشريفكم وتعليقكم



تحياتى لكم جميعا"

الله يرحمه رحمة واسعه ويسكنه فسيح جناته

قائد محنك وعالم نفس\/\/ يظهر خفاياعلوم الخصم

يجس نبض القلوب الرمس\/\/ويعتق خصومه بعهد وقسم

لك ودي واحترامي

	المشاركة الأصلية كتبت بواسطة كفيل العرب

	الله يرحمه رحمة واسعه ويسكنه فسيح جناته قائد محنك وعالم نفس\/\/ يظهر خفاياعلوم الخصم يجس نبض القلوب الرمس\/\/ويعتق خصومه بعهد وقسم لك ودي واحترامي

شــــــــــــكرا" كفيل العرب


مبدع ماشاء الله عليك

هذى كسره والا نظم

تحياتى وتقديرى

كسرةٍ مستنظمه ههههه

خطرت على البال

لاتدقق

	كسرةٍ مستنظمه ههههه

ههههههههههههههههه

شكراً يا نايف على ما اتحفتنا به

محاورات رائعه

رحم الله الملك فيصل

تحياتي لك اخي نايف

كفيل العرب : كسره مستنظمه محسوبه لك ههههههههه لون جديد فى الشعر الشعبي

مشهور الطلحى : رحت تضحك ونسيت موضوعى ارجع وعلق


عقيلى : حياك الله وشكرا" لمرورك الطيب وتواجدك المشرف


تحياتى لكم جميعا"

الحقيقه شي جميل
والله يعطيك العافيه دايم الدوم

	المشاركة الأصلية كتبت بواسطة أبو عمار

	الحقيقه شي جميل والله يعطيك العافيه دايم الدوم

شـــــــــــــــــــكرا" ابـــــــــــــو عمار



الجميل مرورك يالغالى


يعطيك العافيه وتحياتى لك