حدايا حفل الشيخ الشاعر\ مساعد بن حامد المطرفي الهذلي ...

هذه بعضاً من الحدايا في حفل الشيخ مساعد بن حامد بن فوزان المطرفي الهذلي

بمناسبة زفاف ابناءه وذلك بتاريخ 4\5\1432

حداية الشيخ ابو مازن الحربي وجماعته

سلام ننصابه هذيل ومن لفا في حفلهم
تسليم من روس الحروب اللي يشرف فعلهم
تكميل لوجوب الرجال اللي لفينا لجلهم
حشمة لهم جينا من ديرنا وحثينا المسير
....

هذيل صدقان وعلى وضح النقا ناصلهم
اهل الوفاء والطيب والتكميل دايم سبلهم
الشيخ ابو مازن يقول الوافيه تاجب لهم
لاجالنا داعي فرحهم قادنا سلك الحرير

البدل من هذيل

يامرحبا بصحابنا اللي كلنا نطرب لهم
ياحرب ياللي فاللوازم شبلنا من شبل لهم
واليا دعونا الركب من حيث الطلب يشعب لهم
جيتوا وحيانا بكم ياحرب من قلب وضمير

....

كل الرجال اللي لهم عز وقر نرسلهم
والكيف من صفر الدلال الناقيه يعمل لهم
الشك عازب والرجال اهل اللزوم نجلهم
وانته يابو مازن وربعك قدركم دايم كبير

...............

حدايه الثبته

سلام من هاجوس عزن فالمواقف ماتعكر
يطرق بيوت المرجله ويجنب الباب المسكر
يقوله اللي في هذه الوقت قد فكر وفكر
ميز وشاف ولا يهمه غير تحكيم الضمير

....
راع الخطا لابد مايعرف ويظهر ثم ينكر
ولايجتاز الرجل غير اليا جلب له شي منكر
ولولا حدود المملكه ماجهزو قوه وعسكر
ولا الزمان الاولي واحترت فالوقت الاخير
....
انتم هذيل ونعم من ماض الزمن تعرف وتذكر
تاريخكم معروف من لايشكر العالم مايشكر
وحنا عتيبه للنبي خوال للمعبود نشكر
افعالنا تشهد لنا بالطيب والسيف الشطير

البدل من هذيل

يامرحبا من هاجس مايارد العد الموكر
بالعاني اللي يوم جاته دعوه الداعين بكر
الله يحييكم على التكميل والكيف المهكر
الوقت فيه الخير والدنيا فلكها يستدير

....
الناس تال الوقت بلشت فالمونث والمذكر
وانته تزعلك الصراحه قلنا والا تمكر
مهما تقول من العلوم الحر فالماكر موكر
عزالله انك منت معنا لاشوير ولاخشير
....
حنا هذيل ونعم وافعال النشاما ماتحكر
وانتم لكم تاريخ وافي مايهان ولا يهكر
والهاشمي منتم خواله لاتصيح ولا تذكر
هذي حقائق مالكم عنها مفر و لا مطير

.............

حداية الشيخ رضوان السلمي وجماعته

سلام ردية وفاء منا كما ذوب العسل
رده من السلمان للهذلان مافيها زعل
حنا سليم اللي نشد الحمل في ظهر الجمل
تاريخنا معروف عند اول واخر زمن
....
وانتم هذيل وذكركم معروف في كل الدول
وان نوخت باوزارها ميقافكم ماهو سهل
من فعلكم وقتٍ مضى ياكم رجال انفتل
وقت السنين الاوله يوم المشاكل والفتن
....
جينا على راي الزعيم اللي على قول وفعل
الشيخ ابو فارس بعد ماجاه داعيك امتثل
كلن يكمل في وجوبه والمواصل متصل
مابينكم ياهذيل والسلمان في شام ويمن

البدل من هذيل

يامرحبا ترحيبةٍ فيها البدل واخذ البدل
ترحيبة الهذلان لسلمان من فكر وعقل
انتم سليم افعالكم في دين ولا في جهل
العاقل الى يوفي المكيال لامنه وزن
....
حنا هذيل وصح علمك مايعاوزله جدل
تاريخنا ثابت ووصينا على خير العمل
افعالنا تشهد لنا ياسليم من عهد الرسل
من ماضي وحاضر مواقفنا وتسلم كل جن
....
حياالله الشيخ المسمى بعد للحله وصل
مع ربعه السلمان وهذيل النشاما فالقبل
هذا الكلام اللي تقوله بيننا محلول حل
نجيك وتجينا على علم يدرجه الرسن

.............

حداية المقطه

سلام تسليم الوفاء لهل الوفاء جينا نمده
عداد من زار الحرم عبر المطار وبحر جده
من هاجس اللي لا دعى ماغاب والداعي يوده
بعد وصلنا داعي مساعد حضرنا فالوعد
....
والثانيه حنا في وقتً ماعرف مزحه وجده
فيه الفهيم اليا غلط عن غلطته محدن يرده
حتى النبي المصطفى تلحقو خاله وجده
راع الخطا ياهذيل خطوبه بعد كلن شهد
....
والثالثه وش رجل يشبه للبحر جزره ومده
يهد بالقوه جبل والناس ما تقدر تهده
يتبع ويقطع في رقاب الناس مثل السيف حده
لا يحتمي منه الملوك ولا البيوت ام العمد

البدل من قبيلة هذيل

يامرحبا وهذيل في وقت الوعيده مستعده
الله يحييكم وممدود الوفا تبشر برده
القلب يفرح والنظر من يمنا مافيه صده
نقولها فيامنا هذي وفيامن بعد
....
والثانيه يصحابنا كلن على ساسه وعده
هذا الكلام اللي نقوله وانت اخذ منا ووده
والا اقرا فالتاريخ لو يصعب مرده
العلم هذا علمنا والبني اخير من الهدد
....
الموت قصاف الاعمار وله دروبن مجرهده
والميت اللي مات ماتحته فراش ولا مخده
الظلم مكسور العمد والحق فالاسلام ضده
احدن اقتنع واحدن بقي واحد صدر واحدن ورد

..............

حداية الشاعر محمد بن عبيدالله المسعودي الهذلي

سلام من قلب مسيس والعز جدره
مبني على بني الجدود اللي لها هيبه وقدره
اللي دعانا بالعزيمه عندنا مرفوع قدره
قدر الرجال اهل الوفا في قلوبنا دايم رفيع

....

مبروك ياللي للضيوف اللي لفوا مشروح صدره
يكمل مواجيب العرب ويشب ناره تحت قدره
يازين ممشى الطيب اللي مايزيد الصدر كدره
اللي ليا جيته لقيت الطيب والبال الوسيع

البدل من الشاعر مساعد بن فوزان المطرفي الهذلي

يامرحبا رحب ليا جات حزته مافيه خدره
ترحيبتن تسند على صم الحجر من دون جدره
باللي لفونا بالوفاء ماعندهم بوقه وغدره
العزوه اللي قدرهم وافي وماقفهم شجيع

البدل من الشاعر صالح بن رويجح المطرفي الهذلي

الله يبارك فيك وعظام الجمل من دون فدره
وانته جمل لا بد يطلع للجمل زفره وهدره
والطيب عاده فيك مخبر غدره وندره
حييت ياشيخ ليا جات اللوازم مايضيع
.......

حداية الروقه

سـلام تسلـيـم عن التقصـير فـالواجـب مـطـرف
يمشي على سلم الرجال اللي عن الغلطة تذرف
واليـا دعـانا راعـي الواجـب نجـيـله ونـتـشـرف
حـنـا عـتـابـه ما نـعيـل ولا نـحـب الـلي يـعيــل

....

وانـتم عـوارف والعـوارف مثلكم ما تــنـتـعرف
الـلـي كـمـاكـم يـنكر الغـلـطـان لـو انـه مـشـرف
وش عـلمـكم ماتـمنـعـون اللي بسامـيـكم تصرف
الـيا سكتـوا عـاد وقــت العـنـصريــة يـا هـذيـل
....

هذي رسالة وصلوهـا راعـي الظـرف المزرف
قـولـو لـه الـلـي ثـابـتـن تـاريـخـها مـاتـنـتحرف
إن كـان صـاحـبكـم تغير مـع كبر سنـه وخرف
هـذيـل وعـتابـة يـعرفون التـجـاري والأصيـل
....

قـال الـمـثل لا زادت الـنـعـمة علـى دم المترف
شـاف الـبحر ماهـو بقـد يـديـه من شان يتغرف
واللي مضريها على التزوير يتركها على الرف
لايــدعي بالحـجـه الـلـي مايجـيـب الـها دليــل

الرد من قبيلة هذيل

يامرحبا عداد منهو حج بيت الله وعرف
قول كما صرف الجنيه اللي من بنوكه مصرف
الله يحييكم وكل اللي حضر معكم وشرف
حنا هذيل وطبعنا الجزلات والعلم الجزيل
....

حنا عرفنا العلم قبل انك من العالم تعرف
ترى الغلط ماصار والتاريخ واضح مايجرف
هذا كلام الشيخ ماقاله لنا بروز مشرف
وان عاد وقت العنصريه كيل والعالم تكيل

....

رسالتك وصلت وطار الحر بجناحه ورفرف
وانته سوات اللي نهب مال العرب واخذه وحرف
النو خيل وانتهى والسيل في مجراه سرف
هذيل والعتبان والتاريخ يعدل مايميل

....

الله يبارك فالحكيم اللي كلامه ماتعجرف
يمشي على التاريخ مايمشي على صوت المغطرف
ولا نقول الا الصحيح اللي على المشراف شرف
حنا حججنا ثابته للناس جيل عقب جيل

...................

مع اطيب التحايا

اخوكم بن عادي العميري الهذلي

الله يبيض وجهك يابو عبيد على ماقدمت

حداء رائع جداً والبدل لكل حدايه كاااااااااايف ووافي والله يبيض وجه من حدا ومن بدل وكفى ووفا

هناك بعض الملاحظات يابو عبيد

الرد على حدايه حرب
جيتوا وحينا بكم ياحرب من قلب وضمير

هنا خطاء املائي والصحيح (جيتو وحيانا بكم )
...
الرد على حداية السلمان
هذا الكلام اللي تقوله بيننا حل
هنا اظن ان الشطر ينفصه كلمه يمكن سقطت سهواً منك يابو عبيد

...

شكرا ياعـمـر على ما اتحفتنا به

اطيب تحيه لك يا الذيب

الله عليك يابن عادي




بيض الله وجهك يالذيب



حدايا قوية وتثمين عال العال كعادة هذيل




ألف شكر

الله الله

حدايا جدا قوية و بالذات الرد الأخير

يبن عادي

أنت غير عادي

مميز

جدا

جدا

بارك الله فيك و في جهودكـ

الله يعطيك العافيه وين ماتمسي وتصبح
وتحياتي

بن عادي اشكر لك جهودك على التغطية المتميزة لحفل المطارفة ونعم بهم وهذيل اهل الشعر ولايستغرب منهم ذلك

بيض الله وجهك يابن عادي على النقل الطيب
موفق خير

عقيلي من هذيل

مرحبا بك يالغالي

ووجهك ابيض

ملاحظاتك سليمه تم التعديل

شرفني مرورك العطر ياريس

ابو رديد مرحبا بك ياريس

وجهك ابيض

شرفني مرورك العطر

بيرق لحيان

مرحبا بك ياريس

شرفني مرورك الرائع

ابو عمار

جزاك الله خير

شرفني مرورك الطيب

شباب

العفو اخي

شرفني مرورك العطر

صقر جبله

مرحبا بك والعفو استاذي


شرفني مرورك الرائع

شكرا جزيلا يابن عادي يا حامل المسك ما تجيب الا كل طيب

استمتعت متعك الله با الصحة والعافيه ورضاء الوالدين

ودي واحترامي

كفيل العرب


العفو استاذي


والله يجزاك بالخير


شرفني مرورك الرائع