مجموعة محاورات بيني وبين الشاعر(مطر الهذلي)

[poem=font="arial,4,#ff0000,normal,normal" bkcolor="" bkimage="" border="none,1," type=0 line=0 align=center use=ex num="0,"]
المحاورة الأولى[/poem]


مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
سلام امن الضمير اللي عن الزله بعيد الماد=يجيب الوافيه والهينه ماهي على بالي
ولا يأبن حمادي بيننا صارت اعلوم اجداد=لكنك حط معدالك وانا بأحط معدالي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
هلا يا مرحبا يالي تسلم والسيوف احداد=ولا تتعب إلها يا صاحبي رجلي وخيالي
وانا ما قلت فيك إخلاف دام الوافيه تنقاد=ومعدالك بمعدالي والأول يقنع التالي[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ليا منا وردنا الحق ابقدح لك شرار إزناد=على وضح النقاء فالمجلس اللي فيه عقّالي
انا بالهون ماشي وانت جيت مصفر العداد=يبي يحكم لنا ذالشيخ لن جيناه طوالي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
بعد ما جيتنا كل الدلال مقنده بقناد=وننظر في القضيه يا مطر وتبِّين الأحوالي
يقولون العوارف خلي الدعوة على المعتاد=ولا نبغاء العلوم اللي تكدر كل رجالي[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
انا جيت أدّعي ما جيت للدله وللبراد=دلالك ما نبي من بنها لوكان فنجالي
انا رجال فاهم وأعرف المصدار والميراد=ولا جبت الخطية وأشتري وابتاع بريالي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ترا مالك علّيه دعوةٍ لو جيت بالأجواد=ولا بجبرك بالفنجال شرب الكيف يهنالي
لكنك لا تولعها وتصبح نارها وقاد=وانا رجال داري بالعلوم إقصار وطوالي[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
انا لي شرهةٍ ما تنجحد تصعب على الجّحاد=ابعقد حبلها حتى يجي للعقد حلالي
اضن الحق صابك مامعك يا صاحبي مشراد=تبا تجحد لكن العلم مالك فيه مدخالي[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
تراء عند العرب ما جيت ازيد الملح فوق الزاد=ابوفي بالكيال ولا نقصت إبكل مكيالي
ليا منك عطيت الوعد لا تخلف لنا الميعاد=تقابلني على وضح النقاء والجم زلالي[/poem]

[poem=font="arial,4,#ff0000,normal,normal" bkcolor="" bkimage="" border="none,1," type=0 line=0 align=center use=ex num="0,"]
المحاورة الثانية[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
هلا يا مرحبا بسمي على وضح النقاء المجرود=وأرحب بسم أبن حاسن وبالأجواد من داني
وانا رجال ما أذم الرجال وعارف المنقود=ومن صارح خويه يا مطر ما صار ندماني[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
يدوم إلك البقى والسالفه سارت سهود وأمهود=وانا ما ضاق صدري وانت لا ذلحين زعلاني
تقوله وانت أضنك تحسب إن الصادرات أورود=وانا رجال مأجرح بالكلام أفلان وفلاني[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
عسا ربي يبارك فيك وانته من رجال الجود=وانا ماشلت في قلبي زعل والدرب سلطاني
ولا بفرح ليا طقيت راس العود فوق العود=وحنا يا وسيع المعرفه ربعٍ وصدقاني[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
انا ياما نصحتك لا تقّرب نارك البارود=تراها إن كان شبت جالها شعلة ودخاني
ليا دورتني حصلتني في الماقف المشهود=على ما قيل فالأمثال دورني وتلقاني[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ليا ثار الّقبس ما عاد يبقا فالديار احدود=معي وارد عدن ورصاصها مصنوع عمّاني
انا وانته ليامنا مشينا فالليال السود=رجالٍ ما نهاب امن السباع وذيب سرحاني[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
عسا وارد عدن ما يعترض في حلقهاالعبرود=ليامنك حضرت تشيلها من فوق الأمتاني
تريّح يا عميلي وأطلب الله ينصر ابن أسعود=تنام الليل كله ما تخاف يجيك قوماني[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
فميدان الرماه أنمدها في عضمة العجرود=ولن ثارت تخلي عضمة العجرود طشاني
حمدت الله على النعمة وكلاٍ يحمد المعبود=يبا يهناك نومك يا عميلي ثم يهناني[/poem]

مطر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
معك بندق ليا حركتها ثارت بغير زنود=ولو تغزابها يا صاحبي ويش أنت كسباني
عساها نومة أهل الكهف كم عامٍ خذوه ارقود=تلحف لك لحاف ولا تقول النوم ما جاني[/poem]

ياسر الهذلي

[poem=font="arial,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ليامني رميت الخصم تنجم ظهره المرصود=يسيل الدم من ظهره لو إن البطن ملياني
تبا تسهر عيونك طول ليلك والعباد إهجود=ولو طلع الصباح إتنام لو الطرف سهراني[/poem]


واعذرونا على القصور وتقلوا تحياتي

ما شاء الله تبارك الله ، الله يعطيكم العافية ،
محاورتان رائعتان ،
أتمنى أن نجدكم هناا في المحاورات المباشرة للموقع ،
فأنتم مكسب للقبيلة ولرصيدها الشعري ،،،

محاوره فيها من الجزاله الشي الكثير استمعت بالقرائه والاطلاع اعجبني النقض والفتل في مواضع كثيره اضم صوتي لصوت الاخ الفارس حزين الطلعه وندعوكم للانظمام الي مجلس المحاورات المباشره ......................................وعلمي وسلامتكم

اعذرني يافارس حزين الطلعه واعذرني يابن مغبش عن التأخر في أثنا الردد عليكم وانتم لي مكسب راس مال واشكركم كثير الشكر على مروركم الكريم وهاذا ماهو عريب عليكم وانتم فيكم الخير والبركة والله لايقطع أتصالنا عن بعض وعن المحاورات فلا اتواجد انا غير أثنا الدوام لحيث لايوجد أرسال في البر0ولكم مني جزيل الشكر والتقدير 0

الله يعطيك العافيه

صح لسانك ولسان خويك اشهد بالله انكم شعار كبار وينكم عن ساحه المحاوره ياشعار هذيل



انـــــــــــــــتـــــــ ـــــــــــم

شـــــــــــعــــــــــــ ار هـــــــــــــذ يـــــــــــل

ولد عمي الخالدي صح بدنك وبيض الله وجهك على مرورك المميز
وتقبل تحياتي

	المشاركة الأصلية كتبت بواسطة شاعر المستقبل

	صح لسانك ولسان خويك اشهد بالله انكم شعار كبار وينكم عن ساحه المحاوره ياشعار هذيل انـــــــــــــــتـــــــ ـــــــــــم شـــــــــــعــــــــــــ ار هـــــــــــــذ يـــــــــــل

يصح بدنك وانا اخوك وعساك على القوه اسعدني مرورك

واتمنى إن نكون على إتصال دائم وأن لا تحرمنا من ردودك التي تعتبر وسام على صدورنا جميعا

ولك مني اجمل تحيه ولجميع الأخوه الأعضاء في المنتدى