اقرب ياشاعر الرجز

السلام عليكم ورحمة الله وبركاته

هذي رجزه تشرح نفسها
وحيا الله اللي بيرد فيها ( المعنى في بطن الشاعر)



الاوله ملاحظة فكرية = نبغي نترجمها على المعاني
واوصل الفكره لشاعر ثاني = حتى يفك رموزها السريه


ذيب ابن شالح خطته وهميه = ماهو مجاوركم ولا هو عاني

ذيب الفلا ماكن لسمَن الضاني = والقوم لا ماتت ولاهي حيه



انتظر الرد

وتقبلوا تحياتي

حياك الله يابو سلمان

انا والله ماني شاعر رجز

لكن ابي ادلي بدلوي

لانني احس اني فهمت الرموز السريه

استلم لا هنت


الاوله دايم تجي رديه

والخط ما يقرا بلا عنواني

وان شيت عدلها يابو سلماني

من شان فك رموزك السحريه



الذيب يابو زيد محدن زيه

والعلم في طي الدفاتر جاني

وابوي فوق الطيبه وصاني

ويقول لازم تحسنون النيه



صح لسانك يابو سلمان

وان شاء الله انها وصلت

السالفة مابيننا ودية = بيني وبينك مثل جدراَ باني
ياللي تعرف الزود والنقصاني = ماودنا بمعاملة رسمية




القاضي اللي يحكم القضية = يحكم بحق وعدل بالبرهاني

يحضر الشهود ضد الجاني= والحق يردع راعي الخطية

بيني وبينك هرجتن مخفيـــــــه

تقرا العيون وتسمع الاذانـــــي

يبا يقول الذيب وش درانـــــي

اصلا ماعرف الغازك الشعريه


ولو صرت قاضي حكمها بيديه

اقضب خطام شعيل بالارسانــي

والمشكله لن كان بكره جانـــي

وقال انا طرقي من الطرقيــــه

حياك الله يابو سلمان من زمان ونحن ننتظر جديدك وإبداعاتك وآسف لتأخري عن الرد على رجزتك لأنني أنقطعت عن المنتدى منذ ثلاثة أيام لظروف خاصة وأبو بسام كفّى ووفّى ومافيه حيلة وجميعكم شعراء مبدعين والله يعطيكم العافية واسمح لي يابو سلمان أن أحاول فك رموز رجزتك وتفضل بقبول ردي المتواضع :

يامرحبا ترحيبةً مثنيه
بالصاحب اللي صوّب النيشاني
يرمي علي ببندقه واخطاني
وانا عرفت رموزها الملوية


حاتم جعل له في الكرم ماريّه
ياذيب صوتك يوم تقنب جاني
من مرقدي ياصاحبي جلاني
والقوم حيه تنتظر للهيّه

[align=center]الحقيقة المعنى حساس والسالفة طويلة

ورجزتي تعبر عما في قلبي :




يا ربعنا ترا التفرق سية

وفراقنا يفرح به الشيطاني

واهل الحسد توشك النيراني

ونصير مثل الشارة المرمية

***********************
الصلح قادم والضماير حية

لازم نلم القوم يا الاخواني

سمعت مع بعض العرب بياني

بكره لقا عباس مع هنية

[/align]

	المشاركة الأصلية كتبت بواسطة سيف هذيل

	[align=center]الحقيقة المعنى حساس والسالفة طويلة ورجزتي تعبر عما في قلبي : يا ربعنا ترا التفرق سية وفراقنا يفرح به الشيطاني واهل الحسد توشك النيراني ونصير مثل الشارة المرمية *********************** الصلح قادم والضماير حية لازم نلم القوم يا الاخواني سمعت مع بعض العرب بياني بكره لقا عباس مع هنية [/align]

الله يرحم والديك انت رحت بعيد

هذي سالفة بيني وبين ابو بسام

ولا لها علاقة بالموضوع اللي تقوله

الله يرحم والدية ووالديك يا سلطان

لكن السالفة جات في وقت ...........

ولكن كلامكم يحمل معاني عدة وانا رديت من خلال الرموز الموجودة في الرجز بشكل عام

والمعطيات الموجودة لو ابينها لك توافقني الراي

وما دام انك فهمت معناي هذا اهم شيء

	المشاركة الأصلية كتبت بواسطة سيف هذيل

	الله يرحم والدية ووالديك يا سلطان لكن السالفة جات في وقت ........... ولكن كلامكم يحمل معاني عدة وانا رديت من خلال الرموز الموجودة في الرجز بشكل عام والمعطيات الموجودة لو ابينها لك توافقني الراي وما دام انك فهمت معناي هذا اهم شيء

صدقني ان الموضوع خاص بيني وبين ابوبسام

ولا له علاقة بالموضوع اللي تقوله

وليس من عوايدي التحايل والتدخل في مثل هذي الامور

أنا مصدقك يا أخ سلطان

لكن اللي جعلني أرد عليك هو قولك في بداية المشاركة :

هذي رجزة تشرح نفسها
وحيا الله اللي بيرد فيها

فأنت لم توجه الكلام لشاعر معين بل كان للجميع

ويا أخي الكريم هذا منتدى عام , والأشياء الخاصة لا يعرفها الجميع

وللمعلومية ترا كل من قرأ الأبيات يظن أنك تقصد الموضوع اللي انت خابره

أتمنى أن يتسع صدرك لما أقول

وأشكرك على حسن أخلاقك .

وتحياتي لك

ياخوي سيف هذيل

السالفه بعيد جدا عن قصدك والله شاهد

وهي يمكن تنفهم على ما ذكرت

لكن انا قريت صدر ابو سلمان وعرفت قصده من الرجزه

ورديت عليه على هالاساس

المعنى المقصود ما كل واحد راح يدركه صدقني

لكن ارتباطي الوثيق مع ابو سلمان جعلني افهمه على الطاير

عموما ما صار الا الخير

وانت شاعر ياسيف هذيل ونتمنى منك الا تبخل علينا بما عندك

تحياتي لك اخوي

ياليتني ماجيت وسط الفيه
الشمس تدفي جسمي البرداني
كنت أعتقد لو جيت يرفع شاني
لكن ماحد قال لي وش فيه

الدعوه اللي جاتني رسميه
لكن ماحصلت لي قبلاني
أبانسحب من حلبة الميداني
مالي ومال الهرجة المغطيه

	المشاركة الأصلية كتبت بواسطة سيف هذيل

	أنا مصدقك يا أخ سلطان لكن اللي جعلني أرد عليك هو قولك في بداية المشاركة : هذي رجزة تشرح نفسها وحيا الله اللي بيرد فيها فأنت لم توجه الكلام لشاعر معين بل كان للجميع ويا أخي الكريم هذا منتدى عام , والأشياء الخاصة لا يعرفها الجميع وللمعلومية ترا كل من قرأ الأبيات يظن أنك تقصد الموضوع اللي انت خابره أتمنى أن يتسع صدرك لما أقول وأشكرك على حسن أخلاقك . وتحياتي لك

اولاً العذر منكم والسموحة

وانا غلطت اني ماحددت اسم الشاعر

وذلك لاختبار ابوبسام وكذلك اريد ان ابعده عن السالفة

لكنه طلع ذيب ولا تخفى عليه خافية

لك البقا يانار شعلة حية = من غير لا شك(ن) ولابهتاني
ونعم بك زوداً يابوحمداني = وافى في وقت الجابه الوفيه



انت امتهور تطردك دورية = سيارتاً سواقها غلطاني

تكفى يابوحمدان على شاني= لاتقطع الاشارة الضوئية



اتمنى ان تتقبل الرجزه يابوحمدان بصدر رحب

الأخ أبو سلمان
نحن إخوة ولايمكن لي إلا أن أتقبل كل شيء منك بصدر رحب وسعة بال أفا عليك بس لكن مثل ماذكر الأخ / سيف هذيل أنت طرحت الرجزة غامضه وطلبت الرد عليها من كل شعار الرجز وهي دعوة عامة ولم تخص شخص معين وإلا لما تلقفنا وتدخلنا في الموضوع وأنت تعلم بأن كل من يقرأ رجزتك سوف يفسرها تفسير خاص بناءً على واقع الحال .
أنا بصراحة كنت أظن أن المقصود بالرجزة هو انا بخصوص الموضوع الذي طرحته في قسم المشرفين بخصوص الإجتماع القادم وما أصاب هذا الموضوع من فتور وعدم اهتمام وانت تعرف هذا الأمر فأنا فسّرت رجزتك على أنك تقصد هذا الأمر وطبعاً كل واحد يفسر رجزتك حسب موضوعه الذي يهتم فيه وهذا الذي جعلني أرد عليك وعندما فهمت الموضوع على حقيقته أعلنت إنسحابي لكي لاأقطع الإشارة الضوئية ولاأكون متهور وأنا آسف على التدخل في شيء لايعنيني ( وتوبه )

تقبل تحياتي
أخوك المحب المخلص / أبو حمدان