الله من قلب(ن) تذبه ضلوعه جديد الشاعر سلطان المسعودي

[poem=font=",6,black,bold,normal" bkcolor="transparent" bkimage="http://www.hothle.com/vb/mwaextraedit2/backgrounds/11.gif" border="double,4,black" type=0 line=0 align=center use=ex num="0,black""]
الله من قلب(ن) تذبه ضلوعه =لولا ضلوعه كان يمديه قد طار
يشوف من دنياه شي(ن) يروعه =حوادث(ن) منها التفاكير تحتار
قلبي غمق جرحه وزادت وجوعه =وانا على جور المقادير صبار
كم من هموم وكم صدمه ولوعه =واجهتها في رحلة العمر باصرار
ارجي ثواب الصبر وارجي نفوعه =لعل يجبر كسرة الساق جبار
وانا لو اني كل مخلوق اطوعه=فالشور لابد اتحير فالاشوار
يمكن طبوعي ماتوافق طبوعه =واصير مثل مشاور اصوار وعوار
الحر منهاج السنع مايتوعه =حيث ان له عقل(ن) يميز ويختار
يمشي على قصده ويتبع سنوعه =وله نظرة(ن) تكفيه عن كل الانظار
قراح عد(ن)صافيات نبوعه =ياسعد من له فيه مارد ومصدار
وانا براع الجود نفسي ولوعه =وامشي على ممشاه تجليل واكبار
لو الليالي دون سري فروعه =اعطيتها سري وباحت بالاسرار
دواي من صدمات وقتي ولوعه =وليا تصافقبي هواجيس وافكار
فنجال بن(ن) والمشوك قدوعه =من دلة(ن) غاشت وفاحت بالابهار
وارتاح من جور الهجور القطوعه =والعبد في دنياه طرقي ومرار
ومن كب داره وانحدر عن ربوعه =ماهو بلاقي عند الاجناب مقدار
ولو كل نفس(ن) بالمقدر قنوعه =عاشت رضيه لو على ربع دينار
[/poem]