هذيل أهل الحدايا

يقول الدكتور سعود بن غازي أبو اتكي المسعودي :
الحداية : غناء جماعي لا يقال إلا في الحفلات وغالبا في حفلات الزواج وفي الطريق قبل الوصول إلى مقر المناسبة ، وهي غناء يناسب وقع كلماته السير ببطء ويصحبه أصوات لبعض الطلقات الناريه أشعارا لذوي المناسبة بقدومهم لكي يلتقوا بهم ويحيوهم بمثلها في الوزن والقافيه بعد وقفة قد تطول وقد تقصر حسب ظروف أصحاب المناسبة .
وشعر الحداية يشبه شعر الرجز في الفصحى من حيث وقع كلماته ومناسبته للحركة والسير والحداء ومن أبرز أغراض هذا اللون / الفخر أو المديح او التنبيه بالخطأ أو التقصير وله أسماء عديده تبعا لعدد أبياته فهناك المربوع الذي يتكون من أربع أبيات وهناك المخموس الذي يتكون من خمس أبيات

وفي الثمن يلتقي البيت الاول مع البيت الأول فالمقبلون يبدأون بالسلام والمرحبون يبدأون بالترحيب أ.ه بتصرف




تشتهر قبائل هذيل الشام بحدايا القلطة وتتميز بحسن تصريفها وترتيبها على أحسن وجه يطرب السامعين وإليكم نموذجا على ذلك من حدايا والدي حفظه الله

في حفل عيد لسفر مبروك السويهري

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
سلام يابيتٍ جويد الساس وركونه عزاز =مبني على عز ومعزه لا يهز ولا يراز

ومثبت الرحمن سيسانه حجر ماهي قزاز =والناس ما تقدر تعارض حكم رب العالمين

حنا بني عمك ليا كلٍ طلع باسمه وحاز =ميقافنا ميقافكم يوم الشرف والامتياز
واللي حدى عنا يسار وقصب حباله وجاز =ماني بعمار البخوت الله على الدنيا يعين[/poem]




وهذه أخرى في زواج عند القارحي قام الشاعر مساعد بن سعيد السويهري بنظمها يقول

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
سلام ياربعٍ لهم في قلوبنا مقدار عالي =ياربعنا اللي راسمين الحفل في قصر العوالي
عزامكم جانا وجيناكم من القطر الشمالي =من ديرة الهذلان جينا بالوفا ومكملين


حنا رجال هذيل لاجا في العرب ميل وعدالي =ما يطمع الطماع فينا لا البعيد ولا الموالي
وانته ليا مديت لا ينقص ريالك عن ريالي=ان كان وليا انك على نهج الجدود الاولين[/poem]

وسوف أوافيكم بالمزيد ان شاء الله

رائع أخوي سلطان حدايا رهيبه ومميزة وصح الله لسان والدك وبارك فيك وفيه وننتظر المزيد تحياتي لك .

وصح لسان الشاعر


و




يا أبو ثامر





ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــ

ابو حمدان وذيب الفيافي اشكركما على التعقيب والثناء الحسن

تسلم على النقل ياابوثامر

وصح لسان القائل

وفعلاً ربعنا هذيل الشام متميزين في الحدايا

مثل ماهم متميزين في باقي العلوم الطيبة

الله يعطيك العافيه يابوثامر وفعلاً هذيل اهل الحدايا

بيض الله وجهك يابو ثامر

اشكر لكم المرور والكلمات الطيبة مما كان له الأثر الكبير في تنزيل الحدايا التي تم القاءها في مناسبات عديده لوالدي جميعها أرجو أن تنال على شيء من إعجابكم وتملأ فرغا في قسم الحدايا هنا


في حفل عيد عند الصلمان من هذيل في اليمانية ( وادي نخله ) عند الشيخ فهد المعطاني يقول شاعرنا :

الاوله سلام جينا في ليال العيد جينا = جينا لشيخٍ ما يصد عن الرجال الطيبينا
ونجيه في أيام الفرح ونجيه لا منا دعينا = في الماقف الغصاب ما تقصر خطانا عن خطاه

والثانيه ياربعنا وقت اللزوم ليا اعتزينا = أنتم ظلال الراس وانتم سيف صاطي في يدينا
نضربه العاصي ولو انه حجر قاسي يلينا = واللي يريد العز ما نشقر عصانا عن عصاه


وثمن سلمان الأزرق السعيدي وقال :
يامرحبا ترحيبة باللي حضر واجب علينا = ياربعنا يوم حزات اللوازم مقبلينا
ياربعنا اللي تدحم العدوان بالجنب المتينا = وأهل المثل يقلون عز البيت عزه من بناه

وقال صالح بن رويجح المطرفي :
والثانيه ما نجحد الطيب ولا أنتم جاحدينا = والله يوفقنا على حسن البنا طول السنينا
وأنتم ظلال الراس في وقت العداه المعتدينا = هذا كلام الصدق وجه العلم ما يرجع قفاه





في زواج توفيق بن بريك السويهري قال شاعرنا :

سلام في حفلة ولد عمٍ نجيله ونتشرف = جبنا صناديق الذهب ونقول للصراف صرف
واللي كلامه ما يخصه لا يقابلنا يطرف = حنا لنا بيت ليا جينا يذرينا ذراه

حنا رفاقه ما نغير في الكلام ولا نحرف = والكيل بالمكيال والمكيال والميزان ينصف
والعدل في الماجوب واجب والعوا رف ما تعرف = واللي وصلنا ما وصل بعض الجماعه وش حداه

في زواج ولد أخو بركات بن بريك السويهري:

الاوله سلام في حفلة بني عمي وربعي = اللي ليا جات اللوازم طبعهم من شكل طبعي
نمشي مع الدرب الصحيح وجدرنا بالعز مبني= والناس ما تعلم لكن الله علاّم الغيوب
اللي طرى في خاطري واللي شغل بالي وفكري= الصاحب اللي له ثلاث سنين عنا راح مقفي
اللي عطانا علم يابركات وأنته عنه تدري = واليوم هذا اللي حصل والراس تحماه الجنوب


في زواج ولد جابر بن مسعود بن دميس السعيدي
سلام تسليم الوفا اللي ناصله حب وموده = مبني على الساس الوثيق اللي سنينه ما تهده
لو الزمان يخلي الرجال يوقف عند حده = ما نقصر الواجب ولا حنا هل الماد القصير

والثانيه ليت الزمان اللي مضى وقته يرده = ونجدد العهد القديم اللي تقادم قبل مده
والطرقه اللي عقبت ما بيننا شرهه وصده = لا عادها الله غيرت عن ما مضى شيءٍ كثير

في زواج العقلان عيضه وعبد المحسن موجبين مع سفر :
سلام تسليم الوفا اللي ما حدانا عنه حادي=اللي نحبه في القلوب وناصله في كل وادي
مر الزمان ودار والتوفيق من رب العبادي = ماهو بغار اليوم من عهد الجدود الاولين

والثانيه وش واحد ٍ يطلع ليا نادي المنادي = وليا طلع في طلعته حاز البياض عن السوادي
ما يركب الموتر ولا طرقي ولا فوق الشدادي = بأمر ٍ من الخلاق حكمه من إله العالمين







في حفلة محمد بن مبروك السويهري وما عزمنا إلا ليلة زواجه

الاوله سلام ما ننسى عوايدنا القديمه = اللي مشت من يوم أهلنا بالسلوم المستقيمه
ما نقصر الخطوه ليا جتنا مكاتيب العزيمه = سلام تسليم ٍ يشرفنا بتقدير ووقار

والثانيه عزامكم جاننا وللازم وصلنا = مشاركه ففراحكم ومشرفين الحفل حنا
وانتم هل الماجوب والماجوب غاية ما تمنا = وأم الرحى تدرج رحاها في اليسار وفي اليمين


في حفل مطلق بن حمود السويهري يوم جانا من زيارته للمدينه وسوى حفل في مكان وسيع أمام المسجد يقول شاعرنا
الاوله سلام قبل العيد هذاعيد ثاني = يا عيد ياعيد السعد ياللي قبل عيد رمضاني
والصاحب اللي زار طيبه وأرسل كتابه وجاني = اللي جمع ربعه وحط الحفل قدام المسيد


والثانيه بسمي وبسم الربع الاقصى والمداني = نرفع عصاة العز بالافراح ونزف التهاني
والفرحه اللي في القلوب أكبر من اللي في اللساني= والوقت يشر بالفرح والليل هذا ليل عيد


في حفل زواج الأخ نوار بن منوربن غنيان المسعودي

عداد ما قاد الخيال اللي سرى برقه يلالي =وامطر على الديره ورعاده يزلزل بالجبالي
سلام تسليم الوفا اللي للبعيد وللموالي = نوفي مواجيبه ولا نقصر عن الطيب مداه

في واجب الصاحب نجي وقت اللزوم ولا نبالي = ونسيّر الاقدام في حشمة عزيزين الرجالي
والليل هذا ننتظر له وقت وأيام وليالي = واليوم جا وقت ٍ من أول ننتظره وفي حراه

والثالثه وش حاكم ٍ بين العرب حكمه عدالي = يا خذ ويعطي ما تكلم بالكلام ولا يسالي
وأنته وأنا نرضى بحكمه لا خلاف ولا جدالي = حتى نبي الله شعيب أمر بحكمه وأرتضاه

في زواج سمير بن سعد السويهري بعد عزمنا أخوه سامي

عداد ما قاد السحاب وناض براقه وهلا = وأمطر على روس الجبال وعم ضلعانه وجلا
سلام يا صقر الصقور اللي على وكره تعلى = سلام تسليم الوفا اللي عد همال الربع

حنا هل الديره وكل إنسان له عين ٍ تحلى = طب القلوب وساس عرف وبيت عز ٍ مستقلا
اللي بقى في ديرته واللي حضر هذا المحلى = منا سلام وعن قبايلنا هل الديره جميع



في حفلة حفلة السعايد الرزقان في عزيمه للشيخ فهد المعطاني :

سلام في ايام السعد والعيد يا شيخ ٍ دعانا = يا شيخ ربع ٍ في اللوازم عنه ما نقصر خطانا
ما نقصر الا عن عميل ٍ صد عنا ما يبانا = والا أنت ياراع اللزوم ليا بدى اللازم نجيك

حنا رفاقه اسمنا وديارنا تشهد علانا = واللي يبا الرفقه يقف في ماقف الرفقه كمانا
واللي مجنب عن سنعنا ما رزاك ولا رزانا = سبحان خلاق ٍ خلق ماحط في حكمه شريك


في زواج ولد رضا بن حمود السويهري

الاوله سلام في حفلة عزيزين الاسامي = ردية ٍ تشمل ضيوف الحفل بعد أهل المقامي
اليا اثمرت بالطيب مثل الورد من روس النوامي = في ديرة ٍ يمطر علاها الصيف من عقب الربيع

والثانيه مر الزمان ودار عام ٍ بعد عامي = والبرق يبرق والمطر يمطر وخلق الله ظوامي
العام يبرق في البحر واليوم راح البرق شامي = ياكبر زخات البرد لكن حلم الله وسيع



في حفلة محمد بن رشيد بن سالم العميري
الاوله سلام ياربع ٍ لهم مقدار غالي = حمّاية الماقف ليا بانت مواقيف الرجالي
ياللي كما الظل الظليل ليا طلع للشمس صالي = والكيل ما ينقص وميزان العداله ما يميل

والثانيه ياربعنا يا اهل الجميل أول وتالي = ميقافنا واحد وماردنا كما العد الزلالي
نرفع عصاة العز باسم هذيل الاقصى والموالي = واللي يبى يشقر عصاة العز ماهو من هذيل


في حفل ولد الطيب العميري ( أبو عرام )

الاوله سلام تسليم الوفا ياربعنا اللي = سوات نو ٍ قاد من منشاه وأمطر واستهلي
يالاد جد ٍ حظها عالي وماقفها يسلي = إن كان في وقت الفرح وإن كان في وقت اللزوم

والثانيه بكره ليا نداى المصلي = كمل صلاتك في محلك لا تصلي في محلي
بيني وبينك حد لا تقصر وراه ولا تزلي = هذي رسوم حدود وأنته ليش زليت الرسوم

ولتحميل القصائد منسقه الملف اسفل في المرفقات

http://www.hotheil.net/vb36/attachme...1&d=1172257879

يا سلام عليك يا أبو ثامر

موضوع رائع وأمثلة أروع

صح لسان شاعرها الشاعر الكبير مساعد السويهري

والله يحفظه لكم

[align=center]يعطيك العافيه ياسلطان

وطول الله عمر والدك

وصح لسانه[/align]

	سلام في حفلة ولد عمٍ نجيله ونتشرف = جبنا صناديق الذهب ونقول للصراف صرف واللي كلامه ما يخصه لا يقابلنا يطرف = حنا لنا بيت ليا جينا يذرينا ذراه حنا رفاقه ما نغير في الكلام ولا نحرف = والكيل بالمكيال والمكيال والميزان ينصف والعدل في الماجوب واجب والعوا رف ما تعرف = واللي وصلنا ما وصل بعض الجماعه وش حداه

والله العظيم درر ياأبو ثامر

وصح الله لسان الوالد ، والله يعطيه طولة العمر والعافية إن شاء الله .

	يا سلام عليك يا أبو ثامر موضوع رائع وأمثلة أروع صح لسان شاعرها الشاعر الكبير مساعد السويهري والله يحفظه لكم

تسلم يا هشام

والله يجزاك خير

	يعطيك العافيه ياسلطان وطول الله عمر والدك وصح لسانه

شكرا ياهذلي والله يعافيك

	والله العظيم درر ياأبو ثامر وصح الله لسان الوالد ، والله يعطيه طولة العمر والعافية إن شاء الله .

سلمت يا غالي
والله يجزاك خير

أسعدتموني بدعواتكم ومروركم الكريم
تقبلوا تحياتي

بيض الله وجهك اخوي سلطان
والله يعطي الوالد طولت العمر <<<< يتحكحك بالادراه ههههههههههههاااااي
شيابنا هم الخير والبركه الله يحفظهم لنا ويطول اعمارهم

وانتم اهل الحديا ياهذيل الشام