يا الله يللي من ترجاك دايم مايخيبي
[align=center]
السلام عليكم ورحمة الله وبركاته
جبت اليوم قصيدة غزلية اتمنى تحوز على إعجابكم [/align]
[align=center] ياالله يللي من ترجاك دايم ما يخيبي
ياالوحد اللي تعلم البينة واللي خفيه
تفرج لعيناً ترقب النجم لين إنه يغيبي
ماتهتني بالنوم عزاه ياالعين الشقيه
والناس مايدرون وش سار للقلب الصويبي
قلباً تعنى فى هوى زيد مجلي الثنيه
وإن جيت ابشكي وإن مالي دوا عند الطبيبي
مايدري الدكتورعن حالتي وش سار ليه
لا وهني اللي في طرد الهوى ماله نصيبي
مرتاح باله ماطراه الذي يطري عليه
بعض العرب مرتاح من شبته حتى يشيبي
ماهمه الا النوم يرقد وشمس العصر حيه
انا منوَل محسب إن الهوى جرحه عطيبي
وإثر المحبه تقطع القلب قطع النافعيه
ياناس من يصبر على العله اللى ماتطيبي
بين الضلوع العوج حطت لها عشرين كيه
كله سبايب واحداً ديرته ماهي قريبي
من دونها الخيال يتعب وركاب المطيه
والليلة انا امسيت كني عن الديره غريبي
ماعاد اذوق الشرب والزاد مالي فيه نيه[/align]
وسلامتكم
التوقيع |
[poem=font=",4,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
انا هذيلي من عزيزين الجناب = وهذيل من روس العرب واسيادها
تنحت قصايدها على الصم الهضاب = قصايدن تبقى ورا قصادها
يبقى جزيل الشعر لو راعيه غاب = والمعرفة مكسب لمن هو صادها[/poem] |
آخر تعديل مطر الهذلي يوم 09-06-2006 في 11:46 AM.
|