المعنى مسافة يوم يبراله

[frame="9 80"] بسم الله الرحمن الرحيم
اسعد الله جميع اوقاتكم بكل خير
لا اخفيكم ان الساحه الشعريه اصبحت تضم اعداد هائله من الشعراء المبدعين والشعراء المستشعرين
وحز في نفسي ان اجد قصيدة الشاعر (المبدع التي تحمل مزايا القصيده بمعنى الكلمه) تحمل نفس طابع قصيدة الشاعر (المستشعر والتي لا ترتقي لمستوى قصيده وانما نموذج شكلي لقصيده) من خلال الردود بكلمة صح لسانك وجزله والخ000000؟
خاطره تعبر عن مايحز في النفس تجاه ماذكر
امل قبولها كما هي
اخوكم
عوض العتيبي[/frame]



[poem=font="Times New Roman,6,#000000,bold,normal" bkcolor="" bkimage="" border="none,1," type=1 line=1 align=center use=sp num="0,"]
لقيت الشعر يالاجواد بعثر مثل حب الرز = تبلاه المهبل لين راحت حالته حاله
حقيقه جردوه امن المعاني شامخت العز= يلفق به كلام ارخيص لين ايضيع اجزاله
زمان فات لامن الهواوي سمع بيتن فز = تناهيده تشق الجوف لامن سمع مواله
وهذا الوقت شفت الشعر غصباً بالرخيص يرز = قبل كان الشعر يّبكي واشوف اليوم يبكاله
وانا رديت من شياً بجوفي يالنشاما يحز=بعد شفت الشعر عود بوضعاً ثبت يرثاله
بعد ضاعت معانيه الجزيله وافقدت مركز= وعود راسخ المعنى مسافة يوم يبراله
ابا انخي من يقول انه على الشعر الابي ايعز= يقف وقفت شجاعاً فاللقى مجذوب من خاله
بوجه اللي تبلا الشعر واودع ماقفه منهز= كفى صافيه ثم شال الرواب وباقي احثاله
ابيه ايلف بالساحه ويفرز يالنشاما فرز=الين ايطهر الساحه من المبدول واشكاله
ويرقى بالشعر في قمةٍ فيها الشموخ ايفز= سوات الجمه اللي دلوها من دون محاله [/poem]

حقيقه جردوه امن المعاني شامخت العز
يلفق به كلام ارخيص لين ايضيع اجزاله

كلام سليم


ابيه ايلف بالساحه ويفرز يالنشاما فرز
الين ايطهر الساحه من المبدول واشكاله

مهمه صعبه جداً

ومستحيله تدري ليش ؟؟ لأن الشعراء ما لهم عدد وكل واحد يعتز بقصيده


صح لسانك أخوي عوض

ومن طوّل الغيبات جاب الغنايم

بقول الكلام اللي يضاقك

قصيدة جزلة من رجال جزل

ولكن هل الجزاله قمّة الشعر سؤال لك ؟؟

خالي الغالي /// عوض العتيبي دمت لى . ها الايام لا تددق كثير اللي يجهلون الشعر كثير ولا هم قليل

اللي يعرفونه بعد . وأكيد انت تعرف إن رضاء الناس غاية لا تدركـ وإذا بتجاملني وتجامل غيري بتتعب

ولابتفضي تكتب أي بيت من الشعر . يا دوبك للمواضيع والقصائد اللتي ترى أنها تستحق من يرد عليها

بكل جد وإعطائها حقها الادبي . حيث انهاا تستاهل بعكس غيرها واللتي تعد غير جيده . حيث ان بعض

القصائد يتعب عليها الشاعر وينشرها هنا في منتداه دون غيره ولا يجد إلا ردودا بارده ككاتبها .

علما ان هناك قصائد ينقلها بعض الاعظاء وهي ليست لشاعر من هذا المنتدى وترى ردودها والمشاركه

بها قد فاقت القصائد اللتي يخص بها الشاعر منتداه . ولكن على قولك ان المشاركات الباهته ليس لهاا

داعي أبدا لأبداااااا . وخذ ها البويتات معك يا خالي على قولة الرجال يوم عجز في التسبيح وشاف

أن السبحه حبوبها متعديه الميه بدا بسبحان الله وبحمده سبحان الله العظيم والباقيات استدرجهاا حبه حبه

بكلمةطريق أوخياتك طريك أوخياتك ههههههههههههههههه( نكته يا خالي) مزحه ماهيب رزحه لا والله.

وترى إقتراحاتنا هذي مثل تسبيح الرجال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!

نبا ننشدك يا قوقل مادامــك مـثل طيرن فـز ........................ يهاجر كل مـوسـم يخفق الــجنحان بجــواله

أنا خاويت لي رجال مدري وش عـلامه كز ........................ خويي مايعرف بي على اللي يكشف الحاله

أبا من ينقل الهرجه يجيب اردود من يعـتز ......................... بخاله سـاع بارا لــه وكـنه ذيــب مــن خاله

أنا يا خـال ماني للـمهبل بـيرق مــرتـز ......................... ولاني دون خـبلان العرب فارش لك جــلاله

أنا مـن دون نفـسي وكل عضو فاسـد ينجز ......................... ولا كل العــرب يا خــال دايـم توفي الـكاله

ومـادام الـمــعانـي لــز ياخـــلي نبا نلـــتز ......................... نبا نغتـــز جهـال الشعــر من ســاحة الطاله

قبل كان الشعر سيف على عنق الفهيم ايحز.......................... يوقف شـعر راس الحــر غصب إيتم عيـــاله

وترقـص له كهول القوم لاتتـعـب ولا تعجـز.......................... ويطرب له هل المعنى ليامن سمعـوا الــقاله

وهالحينه عيون الخـبل مع هيفا تهزهز هز.......................... ومـن كــثر الــتفاهه حــطها نغــمه بجــواله

مشاركته بولكم ذوووق ولا بيسلمووو يعنز.......................... ويحســب له مشـاركـ بالهنا له وا هــــنياله

وتلمــيذ السـريحي ياعــتيبي دايمن يخـــنز.......................... عن الشعر المقفى العذب وصار الحر حرواله

مجاراه لخالي اللغالي عـوض العتيبي ( أحد شعرأء الهيلا)وله مني كل إحترام وتقدير

التوقيع /// البناخي حبيب خاله

صدقت والله يا عوض العتيبي كلام سليم ورأي ثاقب فعلاً هذا هو حال الشعر هذه الأيام أختلطت الغث مع السمين وللأسف أصبح الشعر الغث له شعبية وطغى على الشعر الجزل لماذا ؟
لأن الشعر الجزل والمتين أصحابه قليلون جداً وواحدهم لايبدي قصيدته إلا وهي محكمة وبديعة النظم والقوافي والمعاني حتى لايتنقده فيها أحد لذلك نجد أن الشعر الجميل والجزل عملة نادرة هذه الأيام ، وفي المقابل نجد المستشعرين ينزل في اليوم الواحد أكثر من قصيدة ويفتخر بها وهي لاترقى لمستوى إسم قصيدة أصلاً وللأسف أن مثل هذا الشاعر يجد زخم إعلامي كبير ونجده في كل قناة وهو يردد قصائده الرثه التي لامعنى لها إطلاقاً ومشجعيه يهتفون لها ويتراقصون على نغماتها والله المستعان ونجد الشعراء الكبار وأصحاب القصائد الجزلة والرائعة مغمورون إعلامياً ولاأحد يلقي لهم بال .