مرني طيفه والناس جلاس

مرني طيفه والناس من حولي جلاس
...................قمت وفزيت كني بشوفه اعتليت القمه

شعور ما أوصفه ولو بعلن على الأجراس
...................غلاه معتلي القلب راضي بتعذيبه وظلمه

تعجب من حولي على ما بي من احساس
...................تقولون مجنون وحوله البشر كثير ملتمه

لي نظرته يلفيني منه دهن العود والماس
...................ولو ما الخجل طيفه والله حيل بضمــــه

حتى القصيد لجل عينه اكتبه دون قياس
...................عاشق أعيانه ومعلوم حبي يجري بدمه

بقيت على هالحال أناظره رافع بزينه الراس
...................وبغيابه أصير شروا الصغير لي فارق أمه

أبكتب حتى لو تفارقنا وتقطعت بي الأنفاس
...................وعهد الوفا لو على موتي ملزوم اتمــــه

أحبه..أحبه حب من القلب له مقدار وساس
...................وشمل الحبايب ما غيره يفرح ويرفع الهمه

العاشق لي من عشق يصير حيل حساس
...................ما يقهر من خله زعل حتى لو بكلمــــه

وش حيلتي عاشق وصابني من الحب هوجاس
...................أبعد طيوفك ولا تراني بصير قتيل في الذمه

صح لسانك
و
سلمت اناملك
و
دام نبضك و احساسه.