صيد جرجس الصمان

السلام عليكم ورحمة الله وبركاته

اخواني واخواتي اعضاء منتدى مجالس هذيل اقدم لكم هذا التقرير المصور عن صيد الجرجس


يوم الاحد الماضي 18/4 في منطقة الصمان وكان من اجمل المقانيص


باخوة النشاماوهم مجموعه من هذلان حفر الباطن ولقد كان مقناص مميز بأخوة النشاما ووفره الصيد وجمال الطبيعه


وفي هذا المقناص كان اسلوب الصيد مختلف عن ماقبله من المقانيص حيث ان الرمي طيار مع معارضة ومطاردة الجول بالجيوب الا ان يتجمع على بعظه وهنا نبدأ بالرمايه ...






ماشاء الله تبارك الله 106طير حصيلة يوم واحد









ماشاء الله تبارك الله جرجس من الكبار والصغار نمر من عنده ولا نطالع يمه





ياكثر الجرجس كثرااااه لكن الحيين جينا في النتف الله يعيين بس يديكم يالنشاما انا اشهد ان معي نشاما





الحيين جا وقت شبة النار وتزبيط الدله والمعشى بعدها ياسلام ياسلام









الشوي لازم منه بالذات ان الطير ملياان شحم وريحة الشوا تجيب الطراااقي غير القصايد والشيلات


والقصدير بعد يمدحووونه مع شوية ملح بس ولايبغاله زود شطاره لفتين والناااار والصلاه على النبي يالدسم












وهذا المقصدر وجنبه الشواايه






وصوره اخرى والعشا قرب يستوي ياسلام ياسلام




والان استوا العشا اقلطو يالله حيهم



ماشاء الله تبارك الله كامل الدسم



وبعد ماتعشينا شدينا الرحال وبدت المحاوره عن طريق الكنود ...


اخيرا اتمنى اكون قدمت مايرضيكم والى تقرير اخر ومقناص اخر ولكم تحياتي وتقديري

بارك الله فيك يابن مغبش وشكرا ً جزيلا ً

كفو كفو يابن مغبش

صيد وعلوم غانمة ورفقة نشاما

تسلم على التقرير المشوّق

وأعلى تقييم

ما شاء الله تبارك الله صايد وفايد

ما يحتاج الجرجس فالقصدير لا يقاوم جعله مداخيل الهنا والعافية

ابن مغبش تقرير وافي من وافي بيض الله وجهك ووجيه اخوياك الي معك

تقــيـــم اعلى للموضوع وصاحب الموضوع

ما شاء الله علوم تشرح الصدر بارك الله فيك وفي أخوياك
تقبل مروري وتقديري ،،،

	المشاركة الأصلية كتبت بواسطة شباب

	بارك الله فيك يابن مغبش وشكرا ً جزيلا ً

الله يحييك ياشباب وياهلا ويامسهلا نورت المتصفح

راعيها والله ياابن مغبش
علوم غانمة ورفقة نشامى
ليتني معكم

ماشاء الله

يابن مغبش كيف طعمهااا

هي اسمها السمان وإلا الصمان تراك لخبطتني .

مشكور يالغالي وبالعاااافيه

نشكرك جزيل الشكر ونتمنى لك التوفيق

تقرير رائع
بس عفوآ ياخوي .,.,وش معني الجرجس موفاهمه المعني ؟؟؟
لاهنت

	المشاركة الأصلية كتبت بواسطة أبو رديد

	كفو كفو يابن مغبش صيد وعلوم غانمة ورفقة نشاما تسلم على التقرير المشوّق وأعلى تقييم

ماعليك زوود يابو رديد

مرورك واعجابك اعلى تقييم للموضوع الله يحييك يالنشمي ,,

	المشاركة الأصلية كتبت بواسطة قرناس بني ياس

	ما شاء الله تبارك الله صايد وفايد ما يحتاج الجرجس فالقصدير لا يقاوم جعله مداخيل الهنا والعافية ابن مغبش تقرير وافي من وافي بيض الله وجهك ووجيه اخوياك الي معك تقــيـــم اعلى للموضوع وصاحب الموضوع

احسن ماقلت ياقرناس بني ياس

ووجهك ابيض لاهنت يالنشمي والله يحييك اليوم ودووم

راعيها والله يابن مغبش ونعم ونعم ونعم

بس الهذلان اللي معك من الحجاز ولا من الشمال (ديرة ولا اقصد اقامه)

كني مشبه على عرب قناصه خابرهم في الحفر

	المشاركة الأصلية كتبت بواسطة حامد السالمي

	ما شاء الله علوم تشرح الصدر بارك الله فيك وفي أخوياك تقبل مروري وتقديري ،،،

حياك الله يابو خالد زانت علومك يالامير ياهلا ويامسهلا ,,

	المشاركة الأصلية كتبت بواسطة هذلي قديم

	راعيها والله ياابن مغبش علوم غانمة ورفقة نشامى ليتني معكم

وانت راعي العلم الغانم

والربع موجوديين وانت مانت بعيد عنا وابشر والله بالمقناص وهبة الريح ,,