محاوره رائعه لسوار الذهب مع سعود المهلكي - ::{ مجالس قبيلة هذيل }:: موقع يهتم بتراث القبيلة ومفاخرها

02-25-2009, 12:46 PM

السلام عليكم ورحمة الله وبركاته

المحاورة بين الشاعرين : سوار الذهب /سعود المهلكي ( المهلكي تقريبا كويتي )

وكانت البداية من عند سوار الذهب

سوار الذهب

سلام يالمهلكي يـاذرب الايمـان
والبال طربان والهاجس نصيحـي
وش قلت وش قلت يادكتور غسان
مدري كلامك خطا ولا صحيحـي

سعود المهلكي

يامرحبا قلتها من قلب ولسـان
وانا صريحي وابا رجلن صريحي
المخطيه مالها عند العرب شان
ولاناخذ العلم من واحد مسيحي

سوار الذهب

دام البقا والمعاني سرج وعنان
اليا بغيت النبط والا الفصيحـي
منته بحاجة كلام فلان وفـلان
واظن با اسبابها ضاق الفسيحي

سعود المهلكي

الفارس الي يجي في كل ميدان
حظه ليا قام مايرضا يطيحـي
حنا ترانا لنـا للهرج ميـزان
والي بلا عرف خله يستريحي

سوار الذهب

حث الركايب وموعدنـا ورى ابـان
ماهو على الشاص وجموس الجميحي
ترى الحقيقه لهـا ياسعـود برهـان
ولاني مجامـل ولا احـب المديحـي

سعود المهلكي

ياسوار ياسوار انا مانيب عميـان
ولانيب ياسوار فالدنيـا شحيحـي
مقدار سالم ترى إمن الشيخ سلمان
لو أن سالم معـه قلبـن جريحـي

سوار الذهب

ياسعود جعل الحيا من غر الامزان
الضلع به ذيب وقرون الوضيحـي
ياطيب هاك العلوم اللي على شان
لا صاح سلمان هل سالم يصيحي؟

02-25-2009, 08:03 PM

الله الله

تسلم والله يان عادي على هذي المحاوره ولاتبخل علينا ان كان عندك جديد لسوار الذهب

يعطيك العافيه

02-25-2009, 08:42 PM

ياسلام يا سلام

محاوره جميله وانتقاء رائع اخي الفاضل راعيها

يعطيك العافيه

02-26-2009, 12:17 AM


	المشاركة الأصلية كتبت بواسطة فهد المطرفي


	الله الله تسلم والله يان عادي على هذي المحاوره ولاتبخل علينا ان كان عندك جديد لسوار الذهب يعطيك العافيه

يسلم غاليك والشر مايجيك

ابشر يافهد ,,,,,,,,,, مايهمك يابن العم

02-26-2009, 12:20 AM


	المشاركة الأصلية كتبت بواسطة ذيب الفيافي


	ياسلام يا سلام محاوره جميله وانتقاء رائع اخي الفاضل راعيها يعطيك العافيه

عساك طيب ياذيب الفيافي