محاوره بين/عبيد المطرفي و سامي السويهري

[grade="00008B 00008B 00008B 00008B 00008B"]محاوره بين/عبيد المطرفي و
سامي السويهري٠في وادي نعمان ٤/١٠/١٤٢٨
{ سامي }
سلام الله سلامآ يشرح البال
سلام يعم الاقصى والموالي
=
عبيد اللي نعرفه جيد الخال
يعرف اهل الوفا واهل الكمالي
{ عبيد المطرفي }
هلا يامرحبا والنوو همال
ولاح البرق في صدر الخيالي
=
عبيد المطرفي له قول وفعال
وعارف مكسبي من راس مالي
{ سامي }
لفيناكم وجاء للعلم مجدال
واقص الدرب في سود الليالي
=
تراني للعقد في الوقت حللال
واعرف اهل الجنيه إمن الريالي
{ عبيد المطرفي }
لفيتونا ورحبنا في الاقبال
وعلم جاء في بالك ماطرالي
=
تعين فالدروب إيمين وشمال
وحذرى تسلك الدرب الهيالي
{ سامي }
انا ماقول فيك إقصور رجال
شربت الكيف من كيف الرجالي
=
أعرف الدار طرقيها ونزال
وعارف وش حرامي من حلالي
{ عبيد المطرفي }
جملنا نعرفه حمال الاثقال
لكن ماقام كان الحمل مالي
=
ابى أخاويك والله يستر الحال
ولن قفيت دور لك بدالي
{ سامي }
تولم ياجمل في الدرب جمال
وانا خابرك من زين الجمالي
=
علومك ياعبيد إقصار وطوال
عسى بعض السوالف بالزوالي
{ عبيد المطرفي }
تجي للمعركه بلعاب الاطفال
تبى تغزي بها ياهملالي
&&&&&&
انتهت المحاوره،،،،،،[/grade]

صح لسانك أبو سعد


وصح لسان الشاعر عبيد المطرفي


محاورة طيبة


ومعاني سامية


بارك الله فيك

مشكور اخوي سامي الهذلي

وبيض الله وجهك


اخوك
عاشق هذيل القارحي

صح إلسانكما يا عيال هذيل

الله يوفقكم

السلام عليكم ورحمة الله وبركاته .
عيد مبارك شاعرنا الكبير سامي ..

محاورة قوية ..
وصح لسانك ولسان المطرفي.
وبيض الله وجيهكم ..

تقديري.

اشكر جميع من مر او قراء هذه المحاوره كثير الشكر والعرفان

والشاعر بلى جمهور او تشجيع ولا يتابع الشعر بأنواعه

يكون شعره محدوداً