التصويت لقصيدة شهر محرم في مسابقة شعراء مجالس هذيل

السلام عليكم ورحمة الله وبركاته.
أسعد الله أوقاتكم أعضاء مجالس قبيلة هذيل الكرام،

كم يسر إخوانكم في إدارة مجالس قبيلة هذيل أن يتقدموا بالشكر الجزيل لشعراء مجالسنا الأفاضل ، الذين تقدموا للمسابقة الشعرية لشهر محرم 1430هـ ، ونشيد بما قدموه من مشاركات أدبية ،
ونسأل الله أن يجزاهم خير الجزاء ،
ونود إحاطة الجميع بأنه قد تم الإنتهاء من المرحلة الأولى من
مراحل هذه المسابقة المثيرة ، والمنافسة الشعرية الشريفة.

كما يسرنا أن نتقدم بالشكر إلى لجنة التحكيم على ما يبذلوه من جهود مشكورة، ونشكر كل من ساهم في ظهور هذه المسابقة
إلى حيز الوجود ، وظهورها بالمظهر اللائق بقبيلة الشعر.

والآن يا أعضاء مجالس هذيل سندخل إلى مرحلة التصويت واختيار إحدى القصائد المرفقة ، وفقا لذائقتكم الأدبية ، وما ترونه أحق بالتصويت منها ، ولكم نسبة من درجات المسابقة وهي (25%) ، تضاف إلى نسبة (75%) الخاصة بلجنة التحكيم ، وستكون مدة التصويت اعتبارا من هذه الليلة ولمدة أسبوع ينتهي يوم الاثنين
22/1/1430هـ ، الساعة الثامنة مساءً ، ثم تعطى ثلاثة أيام للجنة التحكيم لرصد الدرجات والمداولة النهائية ، وتقديم النتيجة النهائية
يوم 26/1/1430هـ ، وسيعلن مع صاحب المركز الأول (شاعر مجالس هذيل لشهر محرم)
صاحبي المركز الثاني والثالث.

طريقة التصويت : توجد في هذا الموضوع (13) قصيدة، كل قصيدة لها رقم تسلسلي في أعلاها ، كل ما عليك هو اختيار رقم القصيدة ، وكتابته في الاستفتاء الذي سيكون من (13) رقم ، وكل رقم يطابق لرقم القصيدة المختارة للترشيح من قبلكم.
ولكل عضو تصويت واحد لرقم واحد فقط ، ولا يحق لمن تقدم في المسابقة من الشعراء أن يدلي بصوته لقصيدته أو لأي قصيدة أخرى.

آملين من الجميع قراءة القصائد والتصويت والتفاعل مع هذه المسابقة.
والسلام عليكم ورحمة الله وبركاته ،،،

القصيدة رقم (1)


[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
الله أكــــبر ياعـيال القـرودي=الله أكــــبر كـل ماهب نـودي
الله أكــــبركـلما هبت الصـبا=الله أكــــبر ياسـليل اليـهودي
تخسون يالأنـذال يامـوطن الدنس=مافيكم إلا كــل كــره وحقودي
تخــسون يالكـفار يامنزل الخـنا=إبليس خـلاكم عـبـيد وجـنودي
تخـسون مافـيـكم ولاطـبع طيّبه=تخسون ياهل الفسد واهل الجحودي
تخـسون جعل الله يزلزل بـلادكم=تصـبح مثل آثار عــاد وثمودي
تخـسون يالخاسين ياموضع الوطا=فعل شـنيع ومتعـدي الحـدودي
فيكم بـلاوي ماحصـينا عـدادها=وحـياة تخجل ياحــياة الزهودي
حـسبي عليكم رب عـالم ومطلع=قـادر يدمّركـم بـنـار الوقـودي
هـذا رسـول الله حـبيبي ومنيتي=مني سـلام دون عـد وعـدودي
أفـديك بأمّـي والجماعه ووالدي=وفـداك نفسي ياصدوق الوعودي
ماهـزته كـذبه ولا يـد عـابثه=المصطفى مـن بين كل الوفودي
هذا هو المعصوم عن سقطة الزلل=معصوم من خلاّق كل الوجودي
يانعنبوكم ياهـل الغـدر والكذب=وطبعكم عند المواقف شـرودي
ما هـزنا فعل الطـواغيت مثلكم=حـنا هل العلياء نـرقى السنودي
حنا هـل التوحيد والعــز طبعنا=الله شـاهد والخــلايق شهودي
حنا هل الطالات من سالف الزمن=لاشـبت البارود ترزم رعـودي
حنا لها لو طـاول الوقت والزمن=فـرسان في الميدان تقدح زنودي
أحـفاد خـالد والمثنى وربعهـم=ياليت ذاك الوقت بكــره يعودي
وختامها مني صـلاة على النبي=أعداد نبت الزهر في كل عودي[/poem]

القصيدة رقم 2

[poem=font="arial,5,#000000,bold,normal" bkcolor="" bkimage="" border="none,1," type=1 line=1 align=center use=ex num="1,"]
قالوا تكلم عن رسول البريه=المصطفى نبينا نسل عدنان
قلت اسمه محمد عزومه قويه=ودينه مابعده دين في كل الاديان
اختاره اللي عالماً با الخفيه=من العرب ساسه ومن صلب قرشان
نزل عليه الوحي فرض(ن)خليه=في غار ماعنده قرابه وصدقان
في را س ضلعاًشرق مكا البهيه=جاله ملك مرسول في هيئت انسان
وعلمه قولاً ماش قولاً حليه=ماهو كلام انس(ن) ولاقاله الجان
ومن شدة الموقف وهول القضيه=حول رسول الله خايف والهان
حتى وصل عند اليدين أنديه=ونادا ثلاث امرار من قلب واللسان
وضمته واحده مامشت با ألرديه=خديجه الي شانها ياعرب شأن
وهدت على روعه ابصر ورويه=حتى هدى الي كله احسان فا احسان
وراحت لبن نوفل وجابت هديه=بشرا عظيمه باقية طول الأزمان
قال ان رب الخلق ذاكر نبيه=وعندي خبر ثابت ولأفيه جحدان
في محكم اتورات مذكور ليه=يطلع نبي من العرب كامل أيمان
نبي مرسل للبشر من وليه=مرسل لكل الناس في كل الوطان
وهذاهوالمقصود حسب الحضيه=والي نزل فوقه مليكاً وقرأن
وذاع الخبر في كل صوب ونحيه=وقريش احد راضي واحد منه زعلان
وطلع شعاع النور صبح وعشيه=نور الهدى والحق في كل ميدان
وتكالبوا فوقه هل العنطجيه=الي تعبد ابليس وتعبد الأوثان
من شان نشر الدين شاف الاذيه=اذ يت(ن) ماشافها كاينن كان
عليه روس الكفر سوت حميه=وكلاً بدم اطهر بشر كان طمعان
وجاه الوحي من عند جزل العطيه=يغير الديره بديره ومسكان
وهاجر ليثرب فوق ظهر المطية=ثالث ثلاثه نعم بافلان وفلان
وحيتبه الانصار با حسن تحيه=وكلاً على شانه يردد بالألحان
وبعد استقر كثرة جيوش السرية=واصبح معه قاده صحابه وفرسان
وقضى على اهل الشرك والجاهليه=واهتزعرش الروم يوم الخبر بان
وكسرا وقيصر يطلبون النجيه=سبحان رب البيت سبحان سبحان
واسس محمد دولة(ن) عالميه=سيسانها قامت على خمسه اركان
نطق الشهادة قبل يوم المنيه=وصلاه خمس امرار من دون نقصان
وصوم وزكاه لكل نفساً زكيه=صوموا وزكوا ياطويلين اليمان
والحج فرض لصاحب المقدريه=خامس ركن ثابت بحجه وبرهان
وعندي عن اخلاقه وذاته الشويه=الي بنا للمجد ساساً وعمدان
امين صادق مايجيب الخطيه=بليغ طلق اللسان ماهو بجبان
حليم متواضع مايظلم خوبه=شجيع مامثله من الناس شجعان
كريم صاحب خلق عند ه سجيه=معصوم ومنزه مايقربه شيطان
نبذه من السيره وباقي بقيه=يبالها عالم ومرجع وديوان
منهو نهج نهجه والا واهنيه=ومنهو عصاه يعيش ويموت خسران
عزو اركون الدولة الاحمديه=لاتنهدم والعلم يقلون نيشان
ان كان مراعي وقف لرعيه=راحت عشى في ليل لذيب سرحان
ويهل الوفا والطيب والمفكريه=ابى السموحه كان فالقول نقصان
وصلوا عدد مالاح برق انشيه=على النبي المصطفى نسل عدنان[/poem]

القصيدة رقم (3)


[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
أتتنا سحابة خيرمن ربنا الرحمن=بوابل هدى أنعم علينا بمرباعه
لمع برقها بالحق والعدل والإحسان=فقامت وجوه الخير تمشي مع اشْعاعه
وجوه(ن)عليهانور ربي مع الرضوان=أسود(ن)بوقت الجد للروح بياعه
سقتهم بماءالعلم والحلم والإيمان=فأحيت شعاب الصدربالدين والطاعه
تفجرلهابالقلب مليارينْ شريان=تساعى على اسْعاده ورغبات اشْباعه
وصارواعلى التقوى وزادالهدى إخوان=إذاماشْتكى الكف اشْتكى فيه إصباعه
بمكه ولادتهاويثرب لهاعنوان=حضاره بنتهاإيدأقمارلماعه
بمكه بدايتهاوحنين(ن)إلى الخلان=حداهاإلى يثرب يازينهاساعه
محمدسحابةْخيرمروي ظمى العطشان=سحابه حماهاالله من ريح طماعه
محمدرسول الخيرصفوةولدعدنان=فصلى عليه الله إلى قومةالساعه
رسولي فداك الروح والنفس والأبدان=وأمي وروح آبوي ومالي من ابْضاعه
غلات اسْمك الغالي يامهجةالسلوان=تغلغل بوسط القلب وبْداخل اضْلاعه
فؤادي لكم ولهان ياجنةالولهان=ومغرم بأخلاقك وزينات أطباعه
سننكم لنابرهان ياغرةالبرهان=كستناهداياتك أياويل قلاعه
عليكم بغاراحْراءأنزل ضياالقرآن=ففجت صراعاتك مع الشرواتْباعه
وتلألأجبين الكون من طلةالفرقان=فصارت وجوه الليل كالشمس سطاعه
ورميتم حياةالجهل في عالم النسيان=وأبدلتهاباللي على الناس نفاعه
طعمتم حمام البيت من نبتةالريحان=فصارت صقور(ن)تحرب الشربانْواعه
وعليكم بأرض الظلم ثارت دم البركان=فصارت بأمرالله ظلل مزن مطواعه
وصارت قلوب الظلم روضه من الأجنان=وتعانق زهورالحب مع إيدزراعه
فعجوات يثرب أصلحت تربةالرومان=وأماتت بأرض الفرس حيات لساعه
وبهاخالط العجمان باسْلالةالعربان=وصارت كواكب نوربالحق مشعاعه
وتخالط عنب فارس ورمانةاليونان=بتين الهدى والشام يافرحةالباعه
سلامي عليك الله أياخيرةالفرسان=عشانك نظمت البيت والنفس طواعه
أياقاري الأبيات اسْترعلى النقصان=وإن كان فيهازودمن ذوق سماعه
وصلواعلى المبعوث في اخْتامةالقيفان=رسولي حبيب الروح والجسم واشْلاعه[/poem]

القصيدة رقم (4)

[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
تدري وش اللي يغبن الحر يافلان=لامن تلوت بالمحابل يدينه
والرجل غبنه لا لفا وعد ديان=لاصار مايقدر يوفي بدينه
وانا ديوني شلتها فوق الامتان=همٍ ينومسني مصافح يمينه
دينٍ علي لامدح نبي عزٌالانسان=وأرد دينٍ ماتسده ثمينه
نذرٍ علي لأورد الفكر عطشان=عد الروى ماخالط الجم طينه
بنات فكري سقتها بكل ميدان=اما الذهب ولا عساها دفينه
اسوق في مدحه للآلي ومرجان=فرايدٍ ماقادها لي بثينه
ماقول لي كرسي وخاتم سليمان=وبلاغة النمله وجنً معينه
لكن ابا ابدا واذكر الله من شان=من يبتدي بالله ربي يعينه
في الجاهليه كانوا الناس شتان=مامنهم اصحاب العقول الفطينه
منهم عبد كوكب ومنهم رجا الجان=وابركهم اللي ماتخضب جبينه
في عهد ضاعت به تعاليم الاديان=بإسم التعصب في القلوب الظغينه
لين اشرق النور وخذل كل شيطان=والكاهن المتبوع عافوا رطينه
بلٌغ رساله ربه بسر واعلان=والوحي جاه إن الظفر بالمدينه
من بعد اهل يثرب ومكه غدوا اخوان=رست على شط البحور السفينه
عبر بها موجٍ لطم كل ربان=وارسى قواعد للتعايش متينه
في خطبةٍ مضمونها الناس سيان=اسود مع ابيض واعجمي حسب ديينه
نشهد له انه بيٌن الدين تبيان=والوحي من رب البرايا ضمينه
عليك دمع العين غطن الاوجان=يامن بكاك الجذع واعلن حنينه
تمت وصلى الله على نسل عدنان=شفيعنا لا جا نهار الغبينه[/poem]

القصيدة رقم (5)

[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
يا هاجس الشعر بعد إني نويت المسير=ما عاد لك عذر ولحون القوافي جداد
اطلع لجو السما واسبح في بحرٍ غزير=والفكر يقدح براسي مثل قدح الزناد
يا لله يلي بحكمك كل شياً يسير=صلي وسلم على اشرف سيداً في العباد
خير البرية محمد والبشير النذير=بمر الله انذر وحذر لين زال الفساد
كان العرب قبل يأتيهم في وضعٍ خطير=في ظلمت الجهل عاشوا وافسدوا في البلاد
حتى أرسل الله رسوله للخلايق بشير=والله له الحكم سبحانه في معطى وأراد
كرم نبيه وجاعل سنته باب خير=واللي ترك سنته ضيَع طريق الرشاد
يا خاتم الانبيا ونت السراج المنير=يلي على الشرك وهل الشرك قدت الجهاد
طاعتك واجب وفي طاعتك خيرٍ كثير=واللي جحد في جهنم مع ثمودٍ وعاد
جاحد نبوتك كافر في عذاب السعير=واللي بك آمن وصدق فاز يوم المعاد
هذاك يوماً على الكافر حسابه عسير=من يحرم من الشفاعة يوم وقت الحصاد
عسى محمد شفيعي في النهار الأخير=وكل مسلم على الطاعة عمل واستزاد
وصلوا على اللي نشر دين السميع البصير=اللي خلق سبع أراضي تحت سبعٍ شداد[/poem]

القصيدة رقم (6)

[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
الصدر ضاق ودمع عيني من محاجره إنهمر=كل السبايب من يهود(ن) ما تهيد إحروفها
شلّت يدين اللي يبا يرسمك يا خير البشر=بالرسمه اللي ما رضينا يالنبي إبشوفها
رسمت خبيثين الطبوع اللي يعبدون البقر=جعل البقر تأطا على رسّـامها بظلوفها
ماهو بكاسب غير تحميل المعاصي والوزِر=فوقه وفوق اللي تغض عن الرسوم إطروفها
يا أُمّة الإسلام هبّـوا من شيوخ ومن جبر=ثم وقّفوا وقفة صلاة(ن) ما تخل صفوفها
في وجه من حارب رسول الله حتى بالصور=حتى يعوّد تصفق إيساره يمين إكفوفها
نبغا الحلـول اللي تؤدي فالنهايـة للنصر=قطع العلاقه كلّها من سوفها لا سوفها
ثم البضايع واجب(ن) يعملّهـا منّـا حضر=في ذمتي ياصحابها ترجع تجرّ إحسوفها
أحد(ن) يجاهد بالقلم وحد(ن) يجاهد بالسهر=يدعي بتال الليل دعوه والدموع إتحوفها
عزّي ليوم(ن) تجتمع كل الخنازير الحـمر=بالصاله اللي مغلقات أبوابها وسقوفها
ثم يزهم الزيدي صليب الرأس ذاك المنتظر=يمطر عليهم بالنّعال إجلوسها ووقوفها
هذا جزاهـم فالبدايـه حقّهم كسر القـدر=والاّ النهايه معركه منّا تروع إسيوفها[/poem]

القصيدة رقم (7)

[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
نور هبانا الله منه ورحمة=طهر قلوب الجاهلين تطهيرا
رحم الكبيرِ قبل الصغير بعطفه=ولا نجد الخير في سواه سبيلا
جاهد وقاتل لحماية امته=فلقي في صحبه الحب والترحيبا
وكم من مشرك آذى طريقه=واستهزؤ به وأزادوا تأويلا
فقالوا شاعر وقالوا ساحر=وقالوا كاهن فأبوا تصديقا
و اليوم حمر الوجوه سود القلوب=تهكمت فخرا بما صنعت فلها الويلا
واهل دينه واقفين بارضه=لا يملكون سوى التندب والنحيبا
رحماك ربي مافعلنا ها هنا=وما سولت انفسنا لنا من قيلا
فأغفر لنا ربنا وارحمنا=واعذرنا رسول الله سيد المرسلينا
واشفع لنا محمدا بشفاعة=تنحينا يوم لا ينفع التنديما[/poem]

القصيدة رقم (8)

[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
ياهاجسي عندك مهمه والمهمه كايده=عجل عليٌ وحلها مادام عندك حلها
جـــر العوى وانته على روس الجبال النايده=بــعد مراميها وقرب للسيوف وسلها
لا تلتفت في كلمة(ن)ما من وراها فايده=روم المعالي والمعالي غير (طــــه) من لها
اختاره الله سيد الامه وربي رايده=بين ملامح سيرته بين الرجال وهلها
الهاشـــمي اليعـــربي راع الصروح الشايده=(الماحي)اللي نور الدنيا ونوره دلها
(العاقب)(الحاشر)وبه عذب السجايا زايده=اجل واشرف من مشى فوق البسيطه كلها
حلم وتواضع مع فراسه في صفاته سايده=الطاهر اللي ماتكبر والقلوب احتلها
اذكرك يارمز الوفا ودموع عيني جايده=يامل عين(ن)ماتمنت شوفتك ياملها
يفداك ابي وامي ولالي عن هداك محايده=سيرتك منهاج لحياه نعزها ونجلها
انت الشجيع اللي يعز الجيش وانته قايده=وانت الكريم اللي بسط يدٌه ولاقد غلها
وانت الشعاع اللي جلا جورالعصور البايده=وانت العظيم اللي ملكت الروح وانته خلها
يالله يامرسل رسوله بالضحى والمايده=تجعل لنا الجنه مقر ونستظل بظلها[/poem]

القصيدة رقم (9)



[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
على ذكر الحنين, ونشوة الدين ,وحكايا الغار=على ذكرى الحمام, وخيط مبني, قافلٍ بابه
على ذكرى يتيمٍ عاش, راعي وانبعث مختار=على ذكرى الامين , وحي منّزل يقري اكتابه
على ذكرى سنين سنين , وسنين سنين عمار=على ذكرى دروب وهجرة المختار واصحابه
على القصوى سرى لين المدينه منزل الانصار=هنا بيته هنا دعواه والمسجد ومحرابه
هنا جاهر بدين الله ,من يثرب على الكفار=هنا الا سلام يبدا ,والكفر يبدل من اثيابه
وخاض من المعارك كثر,بالدعوا وزاد اصرار=بسم ربه, ودين الحق , قراءه وكتابه
بدأ من معركة ودان, مع واط , وحروب كثار=هنا يضرب , هنا يقتل , هنا لله أوابه
الى خيبر , ومكه , مع تبوك بسيفه البتار=هنا يشرح يعلم, جاهلٍ فاالدين وارحابه
بعد ما علم الامه , نذيرٍ من عذاب النار=بعد ما هدم الاصنام ,جاء للبيت صلابه
بعد ما كون البنيه , بدين الحق والاذكار=بعد ما حارب لدينه, للقصى ليل واسرابه
هنا ناقف , هنا نكتب, هنا تدمع له الانظار=هنا لجله , ولجل الدين ,والاسلام حرابه
نعم يا أمة الاسلام والعزه , هنا الاحرار=هنا منهو على السنه, هنا منهو تقدابه
هنا احفاده , هل الدين , وهنا من يفدي الاعمار=على شان الرسول ولجل يوم الحشر وحسابه
هنا افضل ما خلق با الارض يا عبادة الابقار=هنا ناقف , هنا نفدي , هنا للموت واترابه[/poem]

القصيدة رقم (10)

[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
صــخـــرت من جـــــــزل القـــوافـي و الاوزان=قــصــيـــدةٍ جـتـنــــي ســـوات الغـــمامه
تــرعـــد بــذكــر مـكــــون الانـــس والـجـان=ربٍ كـــــيـــــان الــكـــون يــمــلـك زمــامه
و بـراقــهــــــا نـــارٍ عـلــى كــل شــيــطان=قـصــيــــدةٍ فــيــهـا الـحـمـيــــه عـــلامه
حـــمـيـــةٍ ثـــــارت مـن الصـــدر بـــركــان=يــشـــوش مــعــهــا الكـــون فـخـر و زعامه
يـطـــرب لـها الـعــالم شـبــابٍ و شـيـبــان=لـجــل الـرســـول اللــي لـــزوم إحــتـــرامه
سطـّــر لـهـا شعــري فالاشـعـــار ديـــوان=وصـفّــق لــهـا التــاريــــخ وأعــلـن غـــرامه
ألـفــاظــهــا يــســبــــح صــداها فالأذهـان=مـخـتـارهـا مـن خـيــــر مـــعـــدن و خــامه
من قـــــول أبن مسـعــود وإحـســـاس حسان=ومـكـــــانـهــا دايــم مـنـــص الفــخـــــامه
نـظـمـتـها فـأطـهــر وطــن بيـن الأوطــــان=أرض الـحــــرم دار الـكـــــرم و الــكــــــرامه
من وسـط مـكــــه فـأوسط أيـــام شـــعـبان=و شـــهـــر الصــيـــام أرقـب علـيـنا صيامه
شـهـــــرٍ يــــذكّــرنا بـــعــــزٍ لـنــا كــــان=غـــــزوة بــــدر و الـــذل مقفـــي ظــــــلامه
بــقـيــادة أشــجــع من خـلـق رب الاكـــوان=اللـــي يــقـــوم الــكـــون ســــاعــة قيامه
الـطــاهـــر اللــي ما خــلــق مـثـلـه إنسـان=أفــضــل بـشــر فـالـكــون هـــامـه و قـامه
الـمــجـــد يبــرك لــه مــحــبـه و عــــرفان=و يــعطي لــه الـتــاريـــخ كـــل إهــتــمـامه
سـاس النسـب راس الـحـسـب عـالــي الشان=هــــامــة نـبـــي تــعــلــى عـلـى كـل هامه
ســيّــد ولــد آدم و مــن نــســـل عــــدنـان=جـــعـــل الــوســيــلــه و الفـضيله مقامه
رحــمـــه مـن الله للبـشــر عـقـب الأوثـــــان=وقــظ ّ ســـنــا مـــجــدٍ طـفــش من مـنامه
بالامن و الايـمـــان مــع خــمــس الأركــــان=ركــــز علـى بـيـــداء المـعـــــالـي خـــيــامه
و بالرحـمــه اللــي جـالـهــا أشـكــال وألـوان=عـلـّق عــلــى صـــدر الـنـــبـــــوه وســـامه
صارت لـه الدنـيـا مـرابط و فـرسـان=مـن ويــن مـا وجّـه يـحـقـق مـرامه
حــبـــه مــع الشــريــان فالقـلـب شـــريـان=حــتــى بـعــد مــوتـــي يــــواصــــل دوامه
وحـبـــه فــرح شوف الغــلا وسط الاعـيــان=أشــــوف بـــــه دربـــي لــدرب الــســــلامه
مضــرب مثــل للــي مـن اليـتـم عـجــــزان=من بـــعــــد مـــوت أمـــه وأبــــوه و عمامه
و مضـرب مـثــل للـي مـع الـوقـت جـــيـعان=الاســـوديــن ألـــذ و أشـــهــــى طـــعــامه
رســالتــه تــشــهــد لــهـا كــــل الاديـــان=و يــشـــهـــــد آذان الفـــــرض قــبل الإقامه
نـبــوتــه سـبـّـــــح رعـــــدهـا بالايـــمــان=و ســحــابــهــا يـمــطــر لـيــوم الـقـيـامه
تـبــقــى حــروف إســمــه فـخـر فـوق الاوزان=وقــــدره عـلــى راســــي مــحــل العـمـامه[/poem]

القصيدة رقم (11)

[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
عن خير البشر سيد المرسلين=محمد شفيعنا بيوم الحساب
خاتم الأنبياء شفيع المومنين=منزل عليه ربي أطهر كتاب
كتابه للبشر نور مبين=نزله رساله تنجينا عذاب
القاه فصدره الروح المبين=يتلوه على احباب و اصحاب
رساله يدعوبها جميع الثقلين=أختاره عربي بلسان اعراب
من عصاه له عذابه المهين=من اتبعه له خير الثواب
جهنم طريق أتباع الشياطين=والجنه طريق اولي الالباب
أسراء ومعراج رحلة عناوين=سر ليله وضعه الخالق الوهاب
فالسنه العاشره لذيك السنين=كافأه ربه ومرسبع ابواب
بعد فقد خديجه ام المومنين=وحصار ثلاثه سنين فشعاب
فشعب ابي طالب صبر مبين=وراح لثقيف خيبة امل خاب
من بيت ام هاني سراء فحين=فأنتظار قدرة عزيز وهاب
خرج للحجر والحطيم مابين=داخل المسجد له جواب
شق صدره فأطهر الميادين=وأخرج القلب وغسل وطاب
وركب البراق لأرض فلسطين=ووضع المعراج فوق الرحاب
ممتد بين سماوات واراضين=بصحبة جبريل أخوه(ن) صحاب
ومرو الابواب سألو مستاذنين=مرو الابواب باب وراء باب
سماء بعد سماء فيها المقربين=من انبياء وملائكة الكتاب
لقى المقربين فالسما مرحبين=وانشرح صدره والنفس له طاب
رفعتله سدره المنتهى باليقين=اوراقها كأذان فيلة الغاب
وامور كثر حصرها لايبين=الوان باهره عجب العجاب
قربه ربه معين الصابرين=وفرض خمس صلوات اقتراب
على النبي وامته اجمعين=اجرها خمسين وافية النصاب
نزل الحبيب ونزل معه النبيين=الى بيت المقدس للآجر طلاب
صلى الحبيب وخلفه مشيعين=صلاة الصبح فمظهر استتباب
ام النبيين وهم خلفه مصلين=وركب المربوط بحلقة الباب
وعاد مكه واهلها مصبحين=صدقه ابوبكر خيرة الاصحاب
وباقي المشركين مستهزيين=جو لمتحانه عن عير وركاب
انكرو ايات النبوه المشركين=وقالو عن نبى هالأمه كذاب
سألوه فنشق القمر فرقتين=وايات كثر تدل عن صواب
وخاض المعارك فبدر وحطين=خاض المعارك فديار اجناب
نشر راية الأسلام والدين=بعدل وشجاعه واجه الاقراب
لصحابه صبور رحيم(ن) حنين=واصحابه مارضوله غياب
وفي متواضع للعشره حسين=فصيح زاهد حسين(ن) للجواب
عابد كريم للأمانه امين=محبته من محبة رب الارباب
جميع المسلمين له محبين=صلو على نبينا نبى الاداب[/poem]

القصيدة رقم (12)

[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
ستّةْ قرونٍ والبسيطه وجهها كنّه غشاه=ظلام ليلٍ بعد ليلٍ بعد ليلٍ سرمدي
كنّ الخطايا نبتها وابليس يرويها ضماه=والعمر كله قيظ والخفّاق قفْرن جرهدي
وكنّ الدروب شمالها تزرع بميمنها حصاه=لين اصبح الطرقي لدرب الميسره يُحدى حدي
في وقتها كان الأمل يصنع سفينه للنجاه=الغار مرساها وقايدها الامين محمدي
ومابين كاف ونون بامر الله تقدّس في علاه=تمّ اللقا بين الامِينَيْنِ فكان المولدي
مولد قيم .. مقتل صنم .. توحيد لله الإله=مولد لخير امه بها ومنها المكارم تبتدي
حيث انطلق من مكه صوت الحق في كل اتجاه=يصدع به المختار ويردّ الصدى نجم الجدي
فَتْبسّم الفجر الكئيب ليعلن الليل انتهاه=لين اصبح الطرقي بدرب الميمنه يعدي عدي
خمسة عشر قرن ادبرت لكن دستور الحياه=لازال وبسيرةْ محمد في مسيره يهتدي
هذا محمد يكفي انّ الله من خلقه اصطفاه=ليكون امام المرسلين وهديه خير الهدي
مهما أصف تعجز حروفي أنها تبلغ مداه=يكفيه فخر بمحكم التنزيل ذكر مخلّدي
هذي رساله والامانه تاصل لكلب الرعاه=اللي على محمد تطاول يا عسى انه يهجدي
قولوا ترى هذا نبي معصوم عالي مستواه=فوق الثريا وانت قزم ٍ بالثرى مستقردي
واحنا سيوفه دون عرضه قد تشربنا غلاه= نفديه بالأنفس ونردع كل غاوي معتدي
تمت وصلى الله وسلّم كلما قامت صلاه=عليك يا خير البريه يا محمد سيدي[/poem]

القصيدة رقم (13)


[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=center use=ex num="1,"]
على صوت القذايف\ والرصاص \ وواقعٍ معلول=وصرخات الحجار \ وصمت أمة \ عاث فيها الهمّ
على حسرات ميت \ صاح يخطب نعشة المحمول=وحسراته كفـن \ صافح بياضه كف لون الدمّ
حشود \ ونايحة \ وأجساد تتهاوى \على المقتول=وأماني شيخ \ ومجادل (أمير) \وانتفاضة غـمّ
وعتب غزة \ وويلات العراق \ وجأشي المحلول=وجهل أحلامنا \ وأنصاتنا القابع \ تحتنا \يمّ
دعتني عبرة التاريخ \للمجـد الأبي \مرسول=على (سيرة نبي ) \أسمع بما أرسل (أذاني صمّ)
هنا بانت سعاد \وغبت (أنا) يا قلبي المتبول=على وقع السيوف \وصوت حق \ ودهشة المهتمّ
هنا والمصطفى \يذبح جيوش الجهل عرض وطول= بسكين الله أكبر \ والدما من نورها تأتمّ
وقفت ودهشتي \أقوى من الواقع..من المأمول=وقفت وكل عبرة \ تنسكب تنسج أمل ملهمّ
نبي (أمي) \ سما فوق السما \ يمطر لنا (محصول!)=ويهدينا الطريق \ وعلمه أبقى علم \كيف وكمّ
هنا (إقرأ) هنا أُغطش ظلام وقُيّـد المجهول=هنا (صدق الرسالة) (والحجر) و(الغار) تتبسمّ
محمد والحروف ابلغ من الجابة على المسئول=محمد والدموع أندى من الأفعال لو تلتمّ
محمد والصفا يشهد \ وصخرة قدسنا المغلول=محمد والكفوف إللي أزاحت كل ليل أعتمّ
محمد والتواضع بحر \أغرق كبرياء أسطول=محمد والمبادئ ريح \ وأمطار الوداد أعمّ
محمد والأمانة (نبت) وكفوف الكريم حقول =محمد والسلام أكمل \ ومفهوم السماح أتمّ
هنا سيرة رسول الله \ هنا سيف الله المسلول=هنا للحق (صوت) \ وللجهل مع مولده مأتمّ
هنا وقّفت بين أخلاقة المُثلى \ وأنا مكبول=يكبلني الشعور \ ودهشة الموقف \ وحب أبكمّ
وناجيت الأماني \ قبل يجهش قلبي المغسول=بسيرة (رجلٍ أمّي أصطفاه الله بنور أضرمّ
محمد لاكذب \ يا أمة المليار ويش أقول=صفات أكبر من إدراك الشعر... وإجحافنا المبهمّ
نبي الله وخاتم رسله (المتفاني) المرسول=فداه (أمي وأبي) وافداه أنا عن كل نقص وذمّ
عليك من الصلاة وكثرة التسليم لين يحول=ضيا نورك ودينك بيني وبين الأجل لا همّ[/poem]

والله شي يحير كلها ابداع في ابداع

محتاررررررررررررررررررررر ررررر

لان اصوت الا بأمانة

فأصواتنا أمانة لا نعطيها الا القصيدة المستحقة


سووف اتمعنها ثم اتمعنها حتى ارسي على قصيدة

لله دركم يا شعار