رد: محاورة رائعة بين الشاعر خلف الحساني ومسترو العصيمي
محاورة جميله
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
مستور
ياخلف ذاالسنة ماهي سوات العام
كان مالله رحمنا قامت الساعة
حقنا راح عندإمربي الأيتام
حطها جوف بير مالها قاعه
خلف
حاسبين السنين وحاسب الأيام
وأطلب الله يجي للحرب فراعه
مالكم في البلد محسوب بالأقلام
ميربعض العرب للمال طماعه
مستور
أنت سويت مثل وزارة الإعلام
مير لك كلمة ماهي بمنذاعه
السرايا يالهذيلي والوعد قدام
لين حتى نقول السمع والطاعة
خلف
خذ علوم الهذيلي وأعطه الأعلام
دام فالسوق شرايه وبياعه
أنت تاكل وتشرب والعباد صيام
الله أمنك لافجعه ولا روعه
مستور
ياخلف نحسب أنك للبحر عوام
وأثركم كلكم ماأنتم بشراعه
أنت مثل الصنم جسما"بغير عظام
مايعيش اليتيم إلا برضاعة
خلف
لوتطول المشاكل محتزم بحزام
دايم أسيوفنا في البحر لماعه
العتيبي يبي يمشي بغيرانظام
حط في أذنك لقول هذيل سماعه
مستور
أنت لوصحت يارجال ماتنلام
هجرتا"فرقت ماهي بجماعه
والمعاني عليك املحمه بلحام
وأن حفظت الخطام أبرك من أضياعه
خلف
الهذيلي بدف إبليس بالصدام
دامت الناس جوف الدرب قطاعه
أنت راس المشاكل فاليمن والشام
مير للحب حصاده وزراعه
مستور
ياخلف كان في خشمك يطق إعدام
مافزع لك من أهل التهم فزاعه
كان هيت بكم هبت بكم الأنسام
صبح بكره نطق الطنب في إشراعه
خلف
فزعتي من وراء مكة لي الدمام
يوم بعض العرب لإبليس ركاعه
مايجر البعير إلا رسن وخطام
والدلايل لدرب الكسب تباعه[/poem]
لا عدمناك بارك الله فيك
ويسعدنا أن ينضم إلينا من عيال الشاعر الكبير خلف الحساني لينقل لنا طرفا من قصائده ومحاوراته
واستأنكم في نقل القصيدة إلى الديوان
|