راعي الحلّه ( خالد الهذلي ) الرد عندك

السلام عليكم ورحمة الله وبركاته

بدعوة كريمة من الحبيب الغالي الشاعر /خالد الهذلي

يشرفني الإنظمام إلى الكوكبة الرائعة من الشعراء والأعضاء في هذا الصرح الشامخ

أستلم يا القرم

:::::::::: البدع ::::::::::

سلام الله عليكم يا هذيل أهل الوفا والجود ///// سلاماً يشرح الخاطر سلاماً يبري العلّه
الأيام الجميله بعد قفّت جاء لها مردود ///// ونرفع شكرنا لأهل المقال وراعي الحلّه

وعليكم السلام ورحمة الله وبركاته

الله يحييك يابو البراء في محلك

هلا وغلا ويامرحبا بمن لفانا

ونعم فيك وفي خالد

تحياتي



وصح لسانك وفي انتظار خالد

عليكم السلام ورحمة الله وبركاته

مرحبا مرحبا الله يحييك يابو البراء في منتداك وبين اخوانك واشكرك على اجابة الدعوه

ويشهد الله ان حضورك ومشاركتك شرف كبير واستلم طال عمرك

الله الله

هلا يامرحبا ترحيبتاً ميدانها ممدود /// تراحيب المزون ام الحيا لاجات منهله
ندور للرجال ولانحب اهل الوجيه السود /// وانا خابر عميلي مثل سيفاً ماضي السله

	المشاركة الأصلية كتبت بواسطة نادر النادر

	وعليكم السلام ورحمة الله وبركاته الله يحييك يابو البراء في محلك هلا وغلا ويامرحبا بمن لفانا ونعم فيك وفي خالد تحياتي وصح لسانك وفي انتظار خالد

المهلي ما يولّي يا النادر ولا عليك زود طال عمرك

وصح بدنك والشرف لي بمعرفتكم والإنظام إليكم

تسلم يانادر النادر وافي وعلمك غاانم بيض الله وجهك

وعليك السلام ورحمة الله وبركاته

حياك الله تحية المطر يابو البراء يشرفنا انضمامك معنا


وصح لسانك لى هذه البدعه الكايفه

والصف صفك ولا يهون ابو نايف

مرحبا يابو عبدالله صح بدنك ياغااالي

وصف ابو البراء يزهى بك يالنشمي

الحين يجيني ابن عااادي مدرب صف ههههههه

الله يسلمك ويبقيك يا شاعرنا وصاحبنا الغالي

:::::::::: البدع ::::::::::

بقيت ولا شقيت ونحمد الله علمنا في زود //// وكلاً في طريقه للوفا يمشي على دلّه
وانا خابرك ما تمشي طريق إلا تجيب الفود //// ولا خوفي يكن دربك يخالف بك عن الملّه

صحت اللسن

متابعين

	المشاركة الأصلية كتبت بواسطة رايد الياسي

	وعليك السلام ورحمة الله وبركاته حياك الله تحية المطر يابو البراء يشرفنا انضمامك معنا وصح لسانك لى هذه البدعه الكايفه والصف صفك ولا يهون ابو نايف

الله يحييك يا الياسي ويبقيك ويشرّف مقدارك

والصف يزهى بك يا النشمي

وخالد خلّه شغله عندي ههههههه

مرحباً وأهلا هلا حياك الله يابو البراء



ومساء الخير للجميع

شاعرنا خالد الهذلي أبشر بسعدك يالامير




👏👏👏👏👏👏👏👏👏👏👏👏👏👏👏👏👏👏👏👏





قدام عذرنا فالمقيال

	المشاركة الأصلية كتبت بواسطة بن عادي

	مرحباً وأهلا هلا حياك الله يابو البراء ومساء الخير للجميع

مديرنا الغالي الله يبقيك ويبارك فيك

ومساء النور والسرور

	المشاركة الأصلية كتبت بواسطة أبو البراء

	الله يسلمك ويبقيك يا شاعرنا وصاحبنا الغالي :::::::::: الرد :::::::::: بقيت ولا شقيت ونحمد الله علمنا في زود //// وكلاً في طريقه للوفا يمشي على دلّه وانا خابرك ما تمشي طريق إلا تجيب الفود //// ولا خوفي يكن دربك يخالف بك عن الملّه

هههههههه

الله الله

تقهوا ياعميلي بعد جات الحايمات ورود /// بيوتاً طعمها يشبه لطعم البن فالدله
انا ماني على بعض الدروب الضيقه محدود /// عسى منته كماالي لو لقاله حمل يشتله

	المشاركة الأصلية كتبت بواسطة بن عادي

	شاعرنا خالد الهذلي أبشر بسعدك يالامير 👏👏👏👏👏👏👏👏👏👏👏👏👏👏👏👏👏👏👏👏 قدام عذرنا فالمقيال

ممنوع على الإدارة التحيّز إلّا مع الضيف هههههههه