حدايه الحروب عند الشيخ صالح بن رويجح المطرفي

سلام يا شيخٍ على طول السنين مواصلينه
وهو يواصلنا على الطيّب عسى ربي يعينه
واليوم جت منه العزيمه والحروب مشرفينه
لازم نشرّف راعي الدعوة ونحضر في محله

العلم مايقصر عن الهذلان في وقته وحينه
انتم هذيل اصحابنا اللي كل شيٍ عارفينه
لكن حنا حرب من مكه ليا عند المدينه
وحدودنا تصل العراق وساكنين بنجد كله

والثالثه بسايل الهذلان عن بنتٍ حزينه
بنتٍ حزينه ماش احد منا نظر فيها بعينه
وان كان راحت بالولد معها علينا اكبر غبينه
اهل الصحافه والصحافه صوروها فالمجله

الرد من الهذلان

يامرحبا واللي يواصل صاحبه تسلم يمينه
يافي ويستافي مع العراف والله لا يهينه
حياكم الله يالحروب وكل من جاء محتزينه
اللي يواصلنا على العلم المشرّف ينوصله

العلم واضح والكلام اللي تقوله فاهمينه
ياحرب حنا اصحابكم والبيت بنيه موثقينه
حنا هذيل اللي مقر العلم الاول ساكنينه
اللي مشى منه الرسول ديارنا دقّه وجلّه

اللغز حليناه وابشر جاي منه علوم زينه
ارض الفلسطين اعمرت بالحرب مافيها سكينه
والبيت الاقصى بأمر ربي محتمينه محتمينه
واليا دعينا ناصله ونحرره ماعنه ذلّــه

بيض الله وجهك يالذيب

حدايه وثمن ونقل رااااااااااااائع

ولو انها مبطيه !!!! وجابها الله هاك اليوم ههههههههه


كل الشكر يابو صالح لاهنت

اطيب التحايا

الموضووووووووع مكرر

وسبق وطرح على الرابط التالي : http://www.hothle.com/vb/showthread.php?t=39727