المحاوره بيني وبين الشاعر الكبير محمد بن حامد المسعودي
في احدى مناسبات بني مسعود في زواج الشاب احمد حمدان المسعودي
معوض:-
يامرحبــا عد نواً فيــه برق ورعــد
لاحت بروقه يمن وتروح شرقي وشام
وبيني وبينك يا ابن حامد علوم وعد
والحر يمشي ولا يحتاج جر الخطام
محمد:-
دام البقا والسوالف عدها لي عدد
لاتقرب النار مافي النار برد وسلام
الاولــه يا معــوض ماتعــود بعــد
والعلم بنظام وانت ماتخون النظام
معوض:-
لجلك انمد القدم لجلك بذلنا الجهد
وان جبت باب العقيله بعدها ماتلام
قصرت قيد الجمل والقيد منك انعقد
اطلق قياده واخذ من ذروهً فالسنام
محمد:-
نويت اخاويك واسلم ياخوي السعد
الطرقه اللي تجنبنا عيــال الحــرام
الضاميه ماتصــدر ليــن حتــى ترد
وانت وانا يامعوض كيف نبقى حيام
معوض:-
مني ومنك الوعد مني ومنك العهد
والكل منا على الطرقه يشد الحزام
ابوك حامد وعمك يا محـمــد حمــد
واخاف يرميك عمك في الطريق الضلام
محمد:-
لا تلبش الناس وتزاحم تجار البلد
نبا نصلي مع المامون خلف الامام
ابوي يبني وعمي مايحب الهــدد
ان عشت من حظنا وان مت ياللرحام
معوض:-
ايمامكــم ياهل البلده ماصــلى رقــد
ما اكمل صلاته ونايم بيــن ناساً نيام
حنا لنا راس مال ومكسب اقرا السند
ماضي وحاضر ويشهد عام من عقب عام
محمد:-
اثرك حاسد وانا ما اضن فيك الحسد
مدري يهزك على بعض العلوم الغرام
من عندنا يامعوض لك نصيب الاسد
ان كان ماغشتك دنياك والحظ قام
المحاوره طويله وهذا اللي يحضرني منها
الشاعر/ معوض بن درويش المسعودي الهذلي