قصيده/ لشاعر ضاوي فالح الهذلي - ::{ مجالس قبيلة هذيل }:: موقع يهتم بتراث القبيلة ومفاخرها

01-17-2008, 03:18 AM

قصيده لشاعر/ ضاوي فالح الهذلي من سكان حفر الباطن

[[frame="12 60"]قالوا تريح قلت وشلون ابرتاح=راحت وناسه خاطري وارتياحي
يسري بي الهاجوس مسرى ومصباح=ماعاد يخلفني مساي وصباحي
هذي سنه والهم بالقلب ماانزاح=يالايمي ماني هالايام صاحي
مااسمع سوالف كل عاذل ونصاح=لو كان مالي في طريقي صلاحي
حالي كما طير ٍٍ على راس ملواح=اموابه الصقار بأرض براحي
اومابه الصقار لاطير شلاح=من كثر ما اومابه من يديه طاحي
ماعاد يرجع صافي الريش لو صاح=الطير راح ودونه الشوف راحي
نشر جناحينه مع الجو سباح=اقفى يلاعب بالجناح الرياحي
طيره غداللي لابرق الريش ذباح=بيض الدواغر مبعدات المشاحي
بأرض قدايم عشبها تو مافاح=تلقابها الكدري وبرق الجناحي
مقناصها عندي مسرات وارباح=مامل منها بالمجي والمراحي
مع النشاما بين سجات وامزاح=والكل منهم مايدينه شحاحي
نسرح قبل لاتطلع الشمس مسراح=ولاننزل الا للعشا والمراحي
نمر غارٍٍ فيه كم قيمه افراح=جو ٍٍ لفوزيه له سنين ناحي
لاجيتها بالي عن الضيق ينزاح=فيها وناسه خاطري وارتياحي
عسا السحاب اللي سنا بارقه لاح=يضفي عليها من جميع النواحي[/frame]

01-17-2008, 03:52 AM

صح لسان الشاعر ضاوي الهذلي

اتوقع انه جد الشيخ بندر بن صغير بن ضاوي الهذلي وهو ايضأ من سكان الحفر

01-17-2008, 07:35 AM

صح لسآنه ولآهنت على النقل

01-17-2008, 10:55 AM

نشر جناحينه مع الجو سباح=اقفى يلاعب بالجناح الرياحي

تصوير جميل ,صح لسان قايلها وناقلها

01-17-2008, 11:10 AM

قصيده في غاية الروعة

أجمل مافيها التصوير الجميل

صح لسان الشاعر ضاوي الهذلي

سلمت على النقل أخوي راشد

نتطلع للمزيد

01-18-2008, 01:14 AM

الله يحفظك اخوي ذيب
الشاعر/ ضاوي فالح عبيد جرمان نافع مرزوق حمود حمود عيد الهذلي
وهاذا بندر صغير ضاوي بادي عبدالله نافع مرزوق حمود حمود عيد الهذلي
حنا عيال عم ولنا حلف مع الصعران من مطير والى حالفهم جدنا حمود بن عيد
سنه تقريبا 1050للهجره في وادى الصفراء قرب المدينه المنوره

01-18-2008, 06:22 PM

قصيده رائعه الله يعطيك العافية

01-18-2008, 08:51 PM

صح الله لسان الشاعر ضاوي الهذلي
قصيدة جزلة من شاعر جزل
وبارك الله فيك أخوي راشد وعساك على القوة .