" تبى الحق مار الحق جولك مداويره " محمد المسعودي وحامد القارحي

السلام عليكم ورحمة الله وبركاته

في ليلة من أحلى ليالي العيد ، احتفل اهالي مركز دفاق ( القرّح وآل محمود) ليلة البارحة بالعيد وقد جمعت هذه الليلة كبار الشعراء وازدانت بروائع المحاورات
؛ وهذه إحدى محاورات تلك الليلة والتي جمعت العملاقين محمد المسعودي وحامد القارحي وقد كان طاروقاً مميزاً بكل ماتحمله الكلمة من معنى:

؛؛؛؛
حامد:



هــلا مرحـبـا والطيـبـه بـذرهـا مــزروع
تحيـه تقـابـل كــل ضـيـفٍ عـلـى الـديـره
رسمنا لنا مشروع خايف على المشروع
بعـد شفـت ابـن مسعـود كثّـر مشـاويـره



محمد:



يـدوم البقـا يالقـارحـي والطـريـق طـلـوع
لنـا يشـهـد التـاريـخ مــن واقــع السـيـره
على الصوت ياسرحان جتك الذياب فزوع
وانا جار واحسب وزعـة الجـار والجيـره


حامد:



تحسب القضيه هينه حلها فاسبـوع
لكـن جالهـا فالـخـط لـفـه وتـدويـره
ويازين معذارك يسد الضما والجوع
ولكـن ياسـرحـان دوّر عـلـى غـيـره


محمد:



انا في راجـي لاتقـول الرجـا مقطـوع
ابغى فزعتك والوقت شره غلب خيره
انا نيتـي زينـه ولانـي خبيـث طبـوع
وحامد ليا ذا الحيـن ماجـت معاذيـره



حامد:




ويوم الدلو بيديك مااعطيتني قرطوع
وذا الحيـن بسـم الله يامِشعـل النـيـره
ونزع الحقايق منك يشبه لحب الكوع
ويازيـن ابــو جنـزيـر لافــرّ جنـزيـره




محمد:


دفعت على قدّام عام وشهر واسبوع
تبى تنكر المعروف أجل ياالله الخيره
اظنك علانا من جليس السعد مدفوع
تـرى مالـك الا علـم واحـد ولا غيـره




حامد:


ليا صفـر الإنـذار بعـض الحكـي ممنـوع
وعلـم كـتـب فالسـطـر ممـنـوع تـزويـره
باسامحك ياراعي الخطا والخطا مرجوع
لاصــار المـعـزب حــط ضيـفـه بتدبـيـره



محمد:




حقيقه وتفرض نفسها كره ولا طوع
تبى الحق مار الحق جولك مداويـره




للأمانة

منقول من ( منتديات عذب القصيد الأدبية ) للشاعر محمد المسعودي


::

سلمت على هذا النقل المميز

جعلك سالم يالمطرفي



شعراء كبار ومحاورة جميلة

	المشاركة الأصلية كتبت بواسطة مشهور الطلحي

	سلمت على هذا النقل المميز

حياك الله مرورك شرف لي طال عمرك .

تحياتي .

صحت السنتهم وننتظر الكثير من حامد ومحمد وعبيد الله وعمر الخالدي


مطرفي الدلم بيض الله وجهك

	المشاركة الأصلية كتبت بواسطة فواز الهذلي

	جعلك سالم يالمطرفي شعراء كبار ومحاورة جميلة

أشكرك على مرورك الكريم .

تحياتي .

فعلا شعراء كبار ومحاورة جميلة

مشكور الله لا يهينك يا مطرفي الدلم

محاوره رائعه
شكرا لك على النقل الرائع
تحياتي