الشاعر حماد المطرفي في الخيمة الشعبية

السلام عليكم ورحمة الله وبركاته
أتصل علي هذا اليوم شاعرنا الكبير وشاعر الملاحم الرائع
الشاعر / حماد بن حمدي المطرفي الهذلي
وأبلغني بأن برنامج الخيمة الشعبية سوف يقوم باستضافته بعد صلاة العصر
وأخذت كافة إستعداداتي لتسجيل الحلقة وقمت بتسجيلها كامله .

الجدير بالذكر بأن برنامج ( الخيمة الشعبية ) الذي يذاع كل يوم خميس
في إذاعة المملكة العربية السعودية البرنامج العام يعد من البرامج الشعبية الشهيرة وله جمهوره الغفير وأنا شخصياً من أشد المعجبين بهذا البرنامج الذي يقدمه مجموعة من الإعلاميين البارزين أمثال :

الأستاذ / ناصر الراجح
الراوي / محمد الشرهان
الأستاذ / على مفضي

ويخرجه المخرج المتألق / محمد الشايع

التقت الخيمة الشعبية بشاعرنا الكبير وشاعر الملاحم
حماد بن حمدي المطرفي الهذلي

الذي شارك في البرنامج بهذه القصيدة الرائعة التي يقول فيها :

[poem=font="arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="0,"]
بحر الهواجيس عيت تركد أمواجه = متلاطم الموج يوم الريح حرّكته
والله مايبرد الأعصاب ثلاّجه = والقلب قدرة ولي العرش ماسكته
ماكنت مدرك صواب القلب واعلاجه = واليوم توي عرفت السر وأدركته
من يوم قفى عذاب القلب وإزعاجه = وهمومه اللي طوال الوقت منهكته
هو يحسب إني قليل الذوق محتاجه = مايدري إني فقدت الهم وشركته
بيني وبينه كلام وصد ومواجه = واحداث فاقت حدود الوصف واربكته
أتعبت له رجلي اللي دوم نهاّجه = ياكم حجر قضّته للقاع وافركته
أسكنته القلب حتى حطّم اسياجه = بالزور وانحل من شبكه ومشبكته
أسهر على راحته واتجنب إحراجه = دعيت له بالصلاح وقلّت ابركته
وضعه يحير واداري هرج هرّاجه = واخاف لاموت يوم بنوبة السكته
يبكي وانا مانطقت بشي يهتاجه = واحيان يضحك وانا ماقلت له نكته
يبغى على الرمل يمشي له بزلاّجه = الله يقطع من الأسواق ماركته
أفكار متردية وأحكام منعاجه = ياليتني ماجعلت القلب مملكته
متلبس(ن) من ثياب الجهل ديباجه = وخذت سيوفه حرام الدم واسفكته
مايعرف الصلح وشروطه ومنهاجه = يومين هدنه وعشر أيام معركته
وصار بالهم مدخاله ومخراجه = يغنيني الله بفضله عن مشاركته
تكفون خلّووه لاترجون معراجه = لو المشاعر شعور الحب مالكته
مادام قفى بكيفه من ولاحاجه = خلووه يرتاح ويريح ملايكته[/poem]


صح الله لسانك يابو سعد وبيض الله وجهك

الله بيض الله وجهك وصح لسان شاعر الملاحم حماد المطرفي الهذلي قصائد جزله وهذا اللي تعودناه منه ومن شعار قبايل هذيل نظم ومحاورة وحداء .

تحياتي .

صح الله لسان شاعرنا شاعر الملاحم حماد المطرفي الهذلي

جزل ولا يجيب غير الجزل

وتسلم يبوحمدان راعي العلوم الزينه

ويعطيك ألف عافيه يالنشمي

لاعدمناك









تحياتي وتقديري للجميع



.

وعليكم السلام ورحمة الله وبركاته


لا هنت يا أبو حمدان


وبيض الله وجهك


وصح لسان شاعرنا الكبير حماد المطرفي


تقبل مروري

[poem=font="arial,4,,normal,normal" bkcolor="" bkimage="" border="none,1," type=1 line=0 align=center use=ex num="0,"]
مايعرف الصلح وشروطـه ومنهاجـه=يوميـن هدنـه وعشـر أيــام معركـتـه[/poem]



صح لسانك اخوي حماد وبيض الله وجهك

بصراحه قصيده من العيار الثقيل

تسلم ابو حمدان على هذا الهتمام باشاعر الملاحم حماد المطرفي
والبرنامج متى يذاع وساعه كم تقبل مروري وتقديري

مشكور يابو حمدان على هذا الاهتمام

وصح لسانط ياحماد

وانت شاعر جميل ومبدع

بالتوفيق

السلام عليكم ورحمة الله وبركاته


صح لسانك شاعرنا شاعر الملاحم حماد المطرفي

شاعر كبير ،، وأستاذ

وشكرا على النقل يابو حمدان،، لاهنت والله


تحية طيبة

	المشاركة الأصلية كتبت بواسطة جميل المطرفي الهذلي

	تسلم ابو حمدان على هذا الهتمام باشاعر الملاحم حماد المطرفي والبرنامج متى يذاع وساعه كم تقبل مروري وتقديري

أخوي جميل البرنامج يذاع عند الساعة الرابعة من عصر يوم الخميس
من كل أسبوع ويستمر لمدة ساعة كامله .

وحياك الله يابن العم

شــــــــــــــــــــــــ ــــاعر والله كبير

حماد المطرفي شاعر كبير

و هو اضافه لأي منبر اعلامي



صح لسان حماد المطرفي

,
,


و دائما

شكرا لك أستاذي أبو حمدان

على ما تقدم من جمال

بيض الله وجهك