رجعوا بيت شعر . وأنا بسرح بالغنم

[align=right]رجعوا بيت شعر . وأنا بسرح بالغنم . ونتجمع على قطعة خبز وسمن ونعرف أخبار بعضنا .
في يوم الأحد الماضي عدت إلى المنزل متعبه لا أرى ما أمامي وجدت جارنا أبوسالم يبكي
رحت له بصوتي المبحوح من بعد الزكام قلت له
يابوسالم مسيت بالخير وش بلاك من أيش تبكي ؟!
قال والرجال مفجوع :أبو بندر ميت له أسبوع مادريت مالحقت حتى العزا
انصدمت وبكل بلاهه قلت له وإذا دريت خلاص مات الله يرحمه على بالي بواسيه
قام وتتكى على كتفي : آآه يارتوج يابوك من متى صرنا كذا تعالي ندخل وقوفنا بالشارع غلط يوم جلسنا جاتنا أم سالم :كيفك يارتوج يابنتي
قلت :الحمدلله بخير
وأنتي خاله كيف حالك ؟
قالت: أمس طلعت من المستشفى كنت بعافية شوي
قلت :ول ول ليش ياخاله وربي أمي مادرت !!
أبوسالم:يابنتي آه من عصر الحضاره آه مانعرف بعض وين قبل و ين أيام الوصل ؟!
تدري يارتوج يبه أول يجمعنا الفرح والحين مانعرف بعض إلا بعزا
قمت أنا وكلي غبن خلاص عمي يابوسالم لاتبكيني بليز إحنا مو مثل أيام قبل تدري يابوسالم صرنا نتنكر لبعض والولد ينسى أبوه
يابوسالم دمرونا ضيعونا أشغلونا بالهموم لاتقلي بركة قبل تبي ترجع تدري يابوسالم متى شفت عمي أبورعد قبل أربع سنين عمي عمي أخو أبوي
يابوسالم حنا بيذبحنا التكلف مانروح إلابذبايح
يابوسالم يرحم الله أيام قبل
يابوسالم رجعوا بيت الشعر وانا بسرح بالغنم و سالم يجيب العلف و نلتقي ونعرف أخبار بعض يابوسالم رجعوا بيت الشعر
طبعا بعد سوالفي أبسألكم سؤال
وش السبب في القطيعه ؟
وليش صرنا مانعرف بعض ؟
ليش يموت ابوبندر بنفس حارتنا وماندري إلابعد مايموت بشهر ؟![/align]

قد يكون مشابهة في فكرته موضوع للأخ أبو حمدان ولكن لا ضير


أختي الكريمة كلام يصوّر واقع مرير نعيشه كل يوم ولحظة لا يمكن أن ننكر وجوده


ليست هناك مبررات تجعلنا على حق في ما نفعله فنحن مخطئون بالتأكيد


أمّا ما الذي جرنا إلى هذا فهي أمور عدة منها التمدن


ومنها الإنشغال بالدنيا وهم الجميع في البحث عن لقمة العيش والبحث عن الثراء


النقطة التي أشرت لها من خلال حديثك قد يكون لها دور وهي ( التكلف ) بالفعل هذه نقطة مؤثرة


وأختلاف العادات بين الجيل الأول والجيل الجديد


وتكثر الأسباب وتختلف من شخص لآخر


أحترامي لم كتبتي أختي بنت الخالدي


وتقبلي مروري

فعلا والله مصيبة صارت هذه الايام

هاذي الحضاره الله يعنا على الجاااااااااي

والله انها مشكله كبيره فعلا

ومن يتنكر لوجودها اعتقد انه ليس انسان

سمعت قبل مده دكتور متخصص في علم الاجتماع

يتحدث حول هذا الشئ

وقال بالحرف الواحد

ان ما يحصل من تفرق وقطع للارحام انما هو ضريبة التطور الذي نعيشه

فقلت في نفسي لا بارك الله فيه من تطور ولا بارك فالساعه اللي جابته

الوضع سيضل كما هو وربما الى المزيد من التشتت في مقبل الايام

انا لله وانا اليه راجعون

الله المستعان
شكرا أختي الكريمة