هذيل ربعي

[poem=font="Simplified Arabic,5,#000000,bold,normal" bkcolor="" bkimage="backgrounds/5.gif" border="double,2,#2e8b57" type=1 line=0 align=center use=ex num="0,"]
يامادح ربعك وتفخر بمجدها=وتقول بين الناس مافيه قدها
خصّص ولاتشمل جميع القبايل=بعض القبايل ماانت يارجل قدها
قولك مهو مبني على فعل نسمعه=-لكن مد يديك يارجل مدها
قولي على فعل أقوله وأثبته=حنا رجال ماتبيّح بسدها
حنا هل التاريخ من سالف الزمن=وأسأل جدودك عن عدود تعدها
هذيل ربعي في اللقا من يطولها= لن جاتها الغاره بغاره تردها
لها قيمة تشهد بها العرب والعجم=من سالف الأزمان إلى آن عهدها
فينا الصحابه ساهمت مع رسولنا=بلّغ رسالاته والأصنام هدها
فينا الشعر يغني ويثري تراثنا=حتى اللغه إحنا أبوها وجدها
تجينا القبايل لجل تاخذ طبوعنا=خصايل زينه ومذهب يسدها
والضيم مانرضاه لوكان موتنا=والغش وأفعال الردى مانودها
وجارنا ماانضام يوم من الدهر=من دونه البارود يرزم برعدها
وإلالفانا الضيف بالعين منزله=فينا الوفا في الجاهليه وبعدها
دخيلنا يبشر بالآمان والدفا=نقطع يد اللي بالأذى فيه مدها
حلاحيل لاحلت مصايب زماننا=رشايد الأفكار نقدح بزندها
ياويل من هو بالأذيه ينوشنا=يذوق منا الحراره وبردها
أعتز في ربعي وأفخر بمجدهم=إلين روحي تندفن وسط لحدها
وختامها مني صلاة على النبي=والمعذره لن كان جاوزت حدها[/poem]