المسعودي والجبرتي - ::{ مجالس قبيلة هذيل }:: موقع يهتم بتراث القبيلة ومفاخرها

06-08-2008, 02:43 AM

[align=right]هذي محاوره لها قصه والقصه على ذمة الراوي يقلك ياطويل العمر

كان المسعودي معزوم عند ربعه الهذلان وقالو له جيب معك أي شاعر قام اخذ الجبرتي
وبدات الملعبه والعلوم كلها زينه ويوم احتمت الملعبه قام واحد من المعازيب ويمد الجبرتي بظرف فيه قروش والمسعودي راعي حله محد عطاه شئ وهذا الشئ مايفوت على المسعودي وفيه بيت من المحاوره يبين الشئ ذا وطبعا كلكم شعار مايحتاج اوضح البيت

واذا القصه فيها تعديل تراها على ذمة الراوي

الجبرتـي

سلام الله بردية يا عبد الله يا بـن مستـور
سلام من الهجوس اللي يدنّ اجريسها دنــّي

أنا ضايق عليك وضيقتي عوجا كما الباكور
عساك اتحلهـا والا تزيـد العلـم وتغنّـي

المسعودي

هلا يا مرحبا يا شاعرٍ منك الوفا مخبـور
وأنا ما قول غير الصبر منكم والوفا منّي

لعلّ الضيقة العوجا يظلّي عودها مكسـور
وتصبح ما معك عودٍ عوج يالمطرب الفنّي

الجبرتـي

الا يالله ياللي معتني بالنسـر والعصفـور
أنا مدري عن العصفور وهوه ما درى عنّي

لو انّ الاسم واحد كلها عند الرجال اطيـور
لكنّ انت اسمك العصفور وآنا النسر قابنّي

المسعودي

ألا ياشين حظك يالحصان اللي تخدم الثور
مغير الثور ياكل والحصان يجيب ويدنّي

تبا تنفخ وأنا بنفخ ومن يطبخ بغير اقدور
عينك ما تشوف إلا بطن ذيب ولحم جنّي

الجبرتـي

ألا يا ورع يا مضرور لا تنفخ على الدكتور
تريّح للدوى مجبـور بعـد اتجيـه متعنّـي

أنا جرّبت فالدنيـا ليالـي ليّنـه وعسـور
ليالـي ليّنـه لاقيتهـا ولـيـال لاقـنّـي

المسعودي

أنا خابرك بارودٍ ليا شمّ الفتيل يثور
وأنا بحرقك يالبارود لوّ النار تاكنّي[/align]

تحياتي 0000

06-10-2008, 04:18 AM

السلام عليكم ورحمة الله وبركاته

سبحان الله محاورات المسعودي والجبرتي رحمهما الله لها نكهة وطابع خاص .
ربما لأنهما يملكان صفة الذكاء الشعري الذي يفتقده الكثير ..
كذلك يتمتعان بروح الدعابة ومثلما علمت كانت تجمع بينهما صادقة ومحبة .

الجبرتـي

الا يالله ياللي معتني بالنسـر والعصفـور
أنا مدري عن العصفور وهوه ما درى عنّي

لو انّ الاسم واحد كلها عند الرجال اطيـور
لكنّ انت اسمك العصفور وآنا النسر قابنّي

المسعودي

ألا ياشين حظك يالحصان اللي تخدم الثور
مغير الثور ياكل والحصان يجيب ويدنّي

تبا تنفخ وأنا بنفخ ومن يطبخ بغير اقدور
وعينك ما تشوف إلا بطن ذيب ولحم جنّي
.....
ألف شكر لك أخي الغالي شوك النحر .....وأعتقد ان حرف الواو لم يكتب في كلمة وعينك بيت المسعودي ...

06-10-2008, 05:20 AM

سلمت على ما نقلت أخي شوك النحر ورحم الله الشاعرين

المحاورات هالايام ما غير سب وهياط

06-13-2008, 03:29 AM


	المشاركة الأصلية كتبت بواسطة خالد الياسي


	سلمت على ما نقلت أخي شوك النحر ورحم الله الشاعرين المحاورات هالايام ما غير سب وهياط

الله يسلمك طال عمرك

والله لو نقعد ننقل كل يوم وكل ليله

مانوفي المسعووودي حقه

كل الشكر لك على مرورك يالغالي

تحياتي 0000