راكب اللى مادفع فيه ماهوب مخسور

[ابوسامى العازمى]

[poem=font="Arial,5,,normal,normal" bkcolor="" bkimage="" border="double,1," type=2 line=0 align=center use=ex num="0,"]
اخوانى الاعزاء هذه المشاركه الثانيه لى عسى ان تحوز على رضاكم
-------------------------------------------------------------------

راكب اللى مادفع فيه ماهوب مخسور = جمس والا كروز والا من الغانم شفر
ماشرى باقصاد سلم تكاليفه حضور = مادرج ويله على الارض طبلونه صفر
سايقه صدره وسيعن على الشطه صبور = دايمن يضحك حجاجه ولا مره كشر
ليت دولاب الدهر بالاجازه مايدور= كل يومن بالاجازه يعدونه شهر
مرن ايام الهنا مسرعاتن بالمرور=حكمة المولى علينا وتصريف الدهر
بالوظيفه كنى اللى مع الجند مخفو= حددوا حريته بالاقامه ونحجر
شف بالى شوف روضن بعيد عن القصور= ماتشوف الا الدبش فيه وبيوت الشعر
والسيول اللى تلاقن كما موج البحور= حولن فى فيضتن عشبها غطى الشجر
بالمظامى مدهلن لضوارى والنسور = قبلنا محدن رعاها ولا جاها بشر
مع صلات الصبح تسمع تغاريد الطيور= وام سالم ترفع الصوت بالروض الخضر
ماقعن ربع من الوسم بالفقع مخبور= نظرته تجلى عن الصدر ضيقات الكدر
كلما هب الهوى فاح عطر من الزهور= واختلط ريح النفل والخزاما ونتشر
ليا شرقت شمس الضحى واستقلت بالظهور=كلما تشوفه يسرك على مد النظر
واهنى من داج فى ماقع الوسم البكور=شاف روضن تو عله هدب مزنن حدر
مع نشاما فيهم الطيب ذخرن مايبور=اجمعوا مع طاعت الله كرمهم والظفر
هى حياة النفس وهى السعاده والسرور= ليتها دايم على الدوم معنا تستمر
والشباب يعود والجسم ماشكى الفتور= ليا وصل خمسين عود الي تسعة عشر

شعر ابوسامى العازمى[/poem]

 

[فواز السعيدي]

شف بالى شوف روضن بعيد عـن القصـور===ماتشـوف الا الـدبـش فـيـه وبـيـوت الشـعـر


الله الله


صح لساانك يبو ساامي

قصيدة وافية من راس وافي

لاتحرمنا ابداعاتك يالغاالي

تحياتي لك

 

[عماد الهذلي]

لاهنت اخوي أبو سامي فالدباية نرحب بــك في مجالس هذيل

وتشرفنا بمشاركاتك

والقصيدة لاشك تحمل ثقافة قديمة ومطلع لاشك اعدتنا عليه في وصف الرحلة(الحديثة)

صح لسآنك يابو ســامي جزلة من جزل

تحياتي لك