علمني يابوي هو صحيح الحب للبنت عيب

[هامة العرب]

يابوي هو صحيح ان الحب للبنت عيب
وانه اجرام وعار للي ماعرف يربيها

يابوي هو صحيح ان البنت مثل علبة الطيب
لاطاحت وانكسرت محد يشتريها

يابوي طيب لاصار قلبها مالكه حبيب
ومشغل حياتها وشوقها دايم يكويها

يابوي سمعت حبها عذري ولافيه ريب
ولافيه شي يغضب الرحمن واافيه يجازيها

يابوي طيب هي حبته وابتلت بها لقليب
اللي تعلق به وكل يوم يناجيها

يابوي طيب وش تسوي لاكان عشقها مثل الذيب
بليلها تسهر به وطيفه يواسيها

يابوي بالعنبوا حالن كان شقه الحبيب
وغيرت لون الحياه ومجاريها

وبالعنبوا..حبه..مثل العسل مع حبة زبيب
ومثل العطشان اللي تعب وفاقد ظواميها
علمني يابوي
علمني يابوي وش الصح ووش العيب
وش اللي تملكه البنت وتمسكه بيديها

اويلي يابوي لو عرفت حب البنت كان ماقلت عيب
اوالا كان شفت عذاب الفكر ولادواهيها

همس تريح البال وتطفي اللهيب
رهيف..القلب..وهموم النفس تخفيها

انا البنت اللي ذبحها الحب وطلع فيها الشيب
والعذر لاكان اخطيت والمسامح لخطاويها

 

[جميل المطرفي الهذلي]

قصيده في مظمونهااسله وتحتاج الى اجوابه
والحب العفيف الحلال ليس بعيب
والبنت مثل الزجاجه اذا انكسرت لاتجبر

تقبلي تحياتي وتقديري

 

[هامة العرب]

قصيده في مظمونهااسله وتحتاج الى اجوابه
والحب العفيف الحلال ليس بعيب
والبنت مثل الزجاجه اذا انكسرت لاتجبر

تقبلي تحياتي وتقديري

اكيد فيه اسئله,,,
وصح لسانك الحب العفيف ليس بعيب
حياك ربي ومية هلة بيك شكري الجزيل لمرورك

 

[عبد الله السعيدي]

يابوي سمعت حبها عذري ولافيه ريب
ولافيه شي يغضب الرحمن واافيه يجازيها

اعتقد ان هذا الحب لا عيب فيه وهو الحب العذري ..



والقصيده بمجملها


تفتقد الوزن كثيررر


ولكن بدايه جيده


وتمنا لك التوفيق

 

[عماد الهذلي]

السلام عليكم ورحمة الله وبركاته

صح لسانك ياهامة،، قصيدة طيبة، وتسائليه، ولكنها تفتقر للوزن.

ومن هذا المنطلق، اسمحيلي أنقلها قسـم المنقولات، وفقك الله.

تحية طيبة