قصيده بمناسبة إقامة حفل المعايده لقبيلة المطارفه من هذيل قبل ثلاث سنوات

[صلاح وارد المطرفي]

[frame="4 98"]

نبداء بذكر الواحد الديان خلاق العبيد==الواحد اللي في يديه ارزاق خلقه كلها​

منزل تبارك والنبا واقرأوغافر والحديد==علام دق الخافيات من الامور وجلها​

بعث محمد لامته هادي وفالموقف شهيد==وقبل امته كل الامم رب العباد ارسلها​

لاكننا خير الامم والله يدبر مايريد==شفاعته يوم الحشر محد قدر ياصلها​

والفطر والاضحى يسمى كل منها يوم عيد==يالمسلم اعيادك اثنين وما سواها خلها​

واليوم يوم الفطر والافراح والمجد التليد==مجد الرجال اهل الفعول اللي ينومس دلها​

الاد مطرف عزوتي فالسلم واليوم الشديد==كم قالتن مستعصيه في يدين ربعي حلها​

نمشي سوا مع ربعنا دايم على الراي السديد==وسيوفنا ضد العدا وقت اللزوم نسلها​

مع التكاتف نجتمع والصف ما ينقص يزيد==والامر شورى والقلوب بطيبنا نحتلها​

وكل القبايل عندها من علمها الغانم رصيد==اهل الحلال اللي يضلل فاللوازم ضلها​

ويامرحبا في مرحبا منا عدد خضر الجريد==وعد القصور الشامخات وعد من يقبلها​

واعداد همال المطر لاسقى القريب والبعيد==وعد الديار اللي تربع والبدو ترحلها​

بضيوفنا اللي شرفونا ثاني العيد السعيد==ام القرى فرحت بهم من حلها لاحلها​

حشمه لكم ياهل الوفا والطيب والراي السديد==صفر الدلال مصطره وابهارها يعدلها​

الشاذليه فالكم والطيب والقاف الجديد==وزين النبا من عزوة من ضافها ماملها​

من طيبكم جادة هجوسي باعذب ابيات القصيد==فالحله اللي ريح كاديها مخالط فلها​

وصلوا عدد نبت الخزامى والنفل في كل حيد==على النبي اللي هدا الامه بلين ودلها​

[/frame]

 

[جمعان الطلحي]

صح لسانك يابو عادل

والنعم فيك وفي جماعتك وعيد مديد بإذن الله

كان لي شرف المعانقه الأولى لهذا العمل الجميل

تقبل حضوري

 

[صلاح وارد المطرفي]

اخي الموقر جمعان الطلحي اشكرك على مرورك وتقبل خالص تقديري

 

[ابوجنوب]

صح السانك وعلا شانك ولا هنت

والله والنعم فيك وفي ربعك يبن العم

ودمت بود

 

[أبو غالي القارحي]

صح لسانك يا ابو وارد...والله ونعمين ببني عمي المطارفة..
ولا تسمع غير كلمتين،،، صادق ،، وتستاهلون..
تقبل تحياتي وصادق ودي

 

[عمر العميري]

قصيده جزله يابو عادل


صح لسانك مدد بلا عدد


والله ونعم بربعنا المطارفه والله يديم افراحكم وافراحنا واعيادكم واعيادنا


اطيب التحايا

 

[أبو رديد]

ونعم بك وبربعك كلهم

قبيلة لها وزنها وتاريخها المجيد


كفو كفو


وصح لسانك
قصيدة جزلة

 

[صلاح وارد المطرفي]

اشكر جميع الاحبه على مرورهم وتعطيرهم لمتصفحي تقبلوا خالص تقديري