واوجـــــودي وجـــد مـــن جـــلـــي عــــــن ديــــــاره مــجــنــا

[حفيد الشيخ]

كل ما فاضت عيوني باشـت الأضـلاع غنا
الموارد فـي الضلـوع وكـل ضلـع فـيه ونـه ​

والتمنـي مـا يحقـق هقـوت القلـب ان تمنـا
بـس قلبـي مـا يدانـي تبعـد الهقـوات مـنـه ​

واوجودي وجد من جلي عن ديـاره مجنـا
تو عمره عشـر واربـع والليالـي مـا تحنـه ​

مـا وراه إلا عجـوزٍ واختـه وعــود مسـنـا
بين فقر وبين دين وبين ضيـم وبيـن منـه ​

ما ذبحهـم غيـر دمـع مـن الغبينـه مـا يكنـا
ويـل مـن سـود الليالـي بالمصايـب يبتلـنـه ​

راح مثـل الذيـب وهبلتـه حيـاة الذيـب ظنـا
وآمـن والمـوت يومـه بيـن مخلابـه وسنـه ​

راح ينقـل دم قلبـه وان ضـواه اللـيـل ونــا
الذيـابـه مـروحـاتـه والـسـيـوف يـدورنــه ​

ليـا ذكـر دم القـرايـب عـانـق البـيـدا وثـنـا
وان تذكر ضحكة امـه زاغ قلبـه مـن مغنـه ​

ما يلوعه في حشاه إلا ليا شاف البرق سنا
غاب عشر اسنين ما به من يرد العلم عنه ​

ان حداه الخـوف منـا هـزت الأشـواق منـا
يـوم طـال الوقـت عـود للديـار اللـي ربـنـه ​

قــال مـــا دام الـمـذلـه والـبــلاوي يبتـلـنـا
والله ان الموت في الأوطان بين الربع جنه ​

يوم وقـف فـي المنـازل مـا لقـى بيـت مبنـا
غـيـر بـيـت للهبـايـب والــذواري يلعـبـنـه ​

راح يمـه كنـه اللـي ضـاربـه رمــح مطـنـا
وعذابـه مـا دري ان اسهـوم بقعـا يحترنـه ​

يوم قرب سمع لـه صـوت مـن العلـه يحنـا
حصل امه عندها ضيف يقول المـوت سنـه ​

قـال يمـه قالـت عيونـي مـن الدمـع انعمـنـا
قال ابويه قالت اطـوال النصايـب قـد خذنـه ​

قال واختي قالت اقفى القوم باختك مع ظعنا
قـال ربعـي قالـت اسنيـن المجـاعـة فرقـنـه ​

قال جيتـك قالـت ان المـوت مـا ظنـي تونـا
واستلمهـا نـازع الارواح روحـن مرجهنـه ​

ثم صاح من التفرق صيحـة اللـي فيـه جنـا
دق صدره وانطوى من حر ما به طي شنه ​

كـل هـذا حـال قـلـب مــن خلـقـه الله معـنـا
الـهـمــوم يـوكـلـنـه والــروابــع يـوكـلـنـه ​

ليـه ادور للسبـايـب والسـبـب فيـنـا ومـنـا
النفوس وما تسوي واليديـن ومـا حصدنـه ​

لا توسدنـا الخطايـا نلحـق الشـرهـه زمـنـا
مــا جـزانـا إلا عملـنـا والخـلائـق يثبـتـنـه



مما راق لي ..,​

 

[عمر العميري]

انتقاء راااااااااااااااااااااااااااائع يافارس

لله درك يالذيب

اطيب التحايا

 

[نواف الشمري]

وارفه بجمال معانيها

لاهنت يالشغموم

بعد راسي والله

 

[أبو عمار]

الله يستر عليك يافارس
وتعبك مخلوف بإذن الله
قصيده وجدانيه وجميله
وراقت لي كما راقت لك

 

[حفيد الشيخ]

بن عادي اشكرك على مرورك الرائع وتحياتي لك يالذيب​

 

[حفيد الشيخ]

سلم راسك يا نواف واشكرك على مرورك​

 

[الطرف الخجول]

قواك آلله آخوي

ذآئقتك آلشعريه عآليه جدآ بكل آمآنه

لآهنت

؛

 

[حفيد الشيخ]

الله يقويك , اشكرك على مرورك الرائع​