حامد القارحي ,
سلام الله سلام الرعد والبـرق لا لاح = واقول البرق والرعد بُشرى للضوامي
انا لا شفت عبدالحميد البـال يرتـاح = وغني للعرب مِن طرب مدري علامي
عبدالحميد الفهمي ,
هلا يا مرحبا عند كسابيـن الامـداح = وحي الله ضيـوفٍ يـردون السلامـي
عسى بُشراك دايم على راحتك يا صاح = ومـراتٍ غريمـي ومـراتً غرامـي
حامد القارحي ,
صحيح الليل ستار مير الصُبح فضاح = ومثلي يعرف النور ويعرف الظلامي
يقولون العلم في يدينك طاح ما طاح = ونذكر سالفة معركة مـع الزلامـي
عبدالحميد الفهمي ,
تجيك ايام الافراح بعد ايام الاتراح = يقول الادمي ما على الدُنيا دوامـي
انا ونعم ونعمان ما حوله تزحـزاح = ومِن يبغى جهاد اليهود الدرب شامي
حامد القارحي ,
وانا ماني بحاسدك عيش ايام الافراح = ولو عُمرك بكيفي وصل تسعين عامي
جهاد النفس ما له دخل فسيوف ورماح = ولو يفرغ حزامك عطيتك مِن حزامي
عبدالحميد الفهمي ,
تهيت لي مليحه وانـا رجـال لمـاح = غبار الخبت لو ثار ما ثار اهتمامـي
جهاد النفس مطلوب وإلا راحت أرواح = يكفيني حلالـي ولا لـي بالحرامـي
حامد القارحي ,
ابذكرك بالقـول يـا سـارق ومـزاح = كما ما قلت ما تلحق التُهمـه تهامـي
وفي بنك الخساره يعوضك بنك الارباح = وفي نظم القصايـد نعلمـك النظامـي
عبدالحميد الفهمي ,
تركنا لجنة اشعار جتنا لجنة إصلاح = وانا قلت انتهت وانتهى الفلم الدرامي
خشيري ما نحبه لكن السد ما بـاح = وشعبان انتهى واقترب شهر الصيامي
