مرثيــة في والدي يرحمة الله

[معوض درويش المسعودي]

يالله يامنشي المــزون الثقيلــه​

يا واحد كــل العــرب تشتكيلــه​

ترحم فقيــداً راح وادنــى رحيلــه​

معاد يبقى غير ذكــره و طاريــه​

بين اللحود امسى وحدب النصايب​

اقفى عن الدنيــا وخلا القرايــب​

يالله يامـذري نسيــم الهبايــب​

تغفر ذنوبه و انت تعلم بماضيه​

عنــد السؤال تثبتــه للصوابــي​

على طريق الحق يعطي الجوابي​

واكتب له الجنه وحسن الثوابي​

يالله ياربــي مــن النــار تنجيــه​

ياخالقــه يالله تغفــر ذنوبــه​

و انك تجاوز عنه و استر عيوبــه​

ظله بعرشك يوم عرض العقوبــه​

يعطي كتابه في يمينه ويرضيــه​

امسيت افكر في اقتلاب الليالي​

اللــي تقلــب بين مر و حالــي​

وتزعل اللي كان داله و سالــي​

ايام تضحــك لــه والاخرى تبكيــه​

ياعاشــق الدنيــا تراهــا غــروره​

تسقيك من بعــد الحــلاوه مروره​

لو زان وقتك له ترى الوقــت دوره​

لابد مــن يومــاً يجيــلك تعانيــه​

ما ينفــع الانسان مالاً يجيبــه​

يوكــود ماتعطيــه نفســه بطيبه​

مرهون بأعمالــه وربه حسيبــه​

و الله بقدر أعمــال عبده يجازيــه​

طول الامــل ما فاد منهو تأمــل​

دنيــا خبيثــه زائلــه مــا تجمــل​

يحسب لهاذيه و هــذي من اول​

و يجيه يومــه ماتهنــى بأمانيــه​

يالله تكرمنــا بحســن الختامــي​

ياواحـداً مــن يطلبــه ما يظامــي​

انت الكريم ولا احد غيرك كرامــي​

يا واحــداً كــل المخاليــق ترجيــه​

و صلاة ربي عد ماهــب نسنــاس​

على النبي المصطفى سيد الناس​

اللي بعثه الله لخلقه على ساس​

يظهر طريق الحق للناس تمشيه​

الشاعر/ معوض بن درويش المسعودي الهذلي

 

[نايف الجابري]

رحم الله والدك
واسكنه فسيح جناته
وجزاك الله خيرا

 

[أبو رديد]

رحمه الله وأسكنه الجنة
صح لسانك وجزاك الله خير

 

[عمر العميري]

رحمه الله وأسكنه الجنة

صح لسانك وجزاك الله خير